កីឡាករអូស្ត្រាលីខាស៊ី ស្តូន័របានសំដែងនូវក្តីត្រេកអរយ៉ាងខ្លាំងបន្ទាប់ពីខ្លួនបានយកឈ្នះការនាំមុខបណ្តោះអាសន្ននៃការប្រណាំងម៉ូតូជីភីកម្មវិធី French Grand Prixនៅទីលានប្រណាំង Le Mansស្ថិតនៅកណ្តាលទីក្រុងប៉ារីសប្រទេសបារាំងកាលពីសៅរ៍ទី១៤ខែឧសភាកន្លងមកនេះ
កីឡាករអូស្ត្រាលីខាស៊ី ស្តូន័របានសំដែងនូវក្តីត្រេកអរយ៉ាងខ្លាំងបន្ទាប់ពីខ្លួនបានយកឈ្នះការនាំមុខបណ្តោះអាសន្ននៃការប្រណាំងម៉ូតូជីភីកម្មវិធី French Grand Prixនៅទីលានប្រណាំង Le Mansស្ថិតនៅកណ្តាលទីក្រុងប៉ារីសប្រទេសបារាំងកាលពីសៅរ៍ទី១៤ខែឧសភាកន្លងមកនេះ។
ស្តូន័រដែលជាអ្នកបើកបរឲ្យក្រុមហុងដាបានបញ្ចប់ការប្រណាំងក្នុងថិរវេលា១នាទីនិង៣៣.១៥៣វិនាទីប្រជែងយកឈ្នះកីឡាករម៉ាកូ ស៊ីម៉ុន សេលលីរបស់ក្រុមប្រណាំងហ្គ្រេស៊ីនីហុងដាដែលបានបញ្ចប់ការប្រណាំងក្នុងចំណាត់ថ្នាក់ទី២។ស៊ីម៉ុន សេលលីប្រើអស់ថិរវេលា១នាទីនិង៣៣.២១២វិនាទីគឺ០.៤៦៨វិនាទីយឺតជាងកីឡាករស្តូន័រ ។ ចំណាត់ថ្នាក់ទី៣បានទៅលើកីឡាករជើងខ្លាំងមកពីប្រទេសអុីតាលីអង់ឌ្រា ដូវីស៊ីយ៉ូសូ។ដូវីស៊ីយ៉ូសូដែលជាអ្នកបើកបរឲ្យក្រុមហុងដាបានបញ្ចប់ការប្រណាំងដោយប្រើអស់ថិរវេលា១នាទីនិង៣៣.៦២១វិនាទីគឺ០.៤៦៨វិនាទីយឺតជាងជាងកីឡាករមិត្តរួមក្រុមស្តូន័រ។ ឯកីឡាករអ៊ីតាលីវ៉ាឡឹនទីណូ រ៉ូស៊ីបញ្ចប់ការប្រណាំងស្ថិតក្នុងចំណាត់ថ្នាក់ទី៩។កីឡាករ រូបនេះបានប្រើអស់ថិរវេលា១នាទីនិង៣៤. ២០៦វិនាទី១.០៥៣វិនាទីយឺតជាងកីឡាករស្តូន័រ។
ថ្លែងបន្ទាប់ពីទទួលបានជោគជ័យ ស្តូន័របានបញ្ជាក់ថា៖«ខ្ញុំមិនដែលនឹកគិតពីការដណ្តើមបានជោគជ័យនៅដើមរដូវប្រណាំងបែបនេះទេ ។ ការប្រណាំងនៅជុំដំបូងខ្ញុំហាក់មានភាពយ៉ាប់យើនបន្តិចដែរពីព្រោះតែម៉ាស៊ីនម៉ូតូរបស់ខ្ញុំ។ តែបន្ទាប់ពីនោះមកការប្រណាំងរបស់ខ្ញុំចេះតែគ្រាន់បើទៅៗ ហើយទីបំផុតក៏ដណ្តើមបានជ័យជម្នះ»។
ចំណែកកីឡាករដានី ប៉េដ្រូហ្សាបើកលឿនលំដាប់ទី៤។ ប៉េដ្រូហ្សាដែលជាមិត្តរួមក្រុមរបស់ស្តូន័រដែរនោះប្រើអស់ថិរវេលា១នាទីនិង៣៣.៦៨៣វិនាទីនាំមុខលើកីឡាករអេស្ប៉ាញចច ឡូរ៉ឹនហ្សូ។ ឡូរ៉ឹនហ្សូដែលបើកបរឲ្យក្រុមយ៉ាម៉ាហាបញ្ចប់ការប្រណាំងក្នុងថិរវេលា១នាទីនិង៣៣.៧០៦វិនាទីគឺ០.៥៥៣យឺតជាងកីឡាករស្ត័ន័រ។
ចំណែកការប្រណាំងម៉ូតូMoto2វិញកីឡាករដែលបើកលឿនលំដាប់ទី១បានទៅលើកីឡាករអាល្លឺម៉ង់ស្ទេហ្វែន ប្រែតដល។ កីឡាករប្រែតដែលបើកបរឲ្យក្រុមKalexគឺជាអ្នកដែលបានយកឈ្នះជើងឯកកាលពីប្រណាំងនៅប្រទេសកាតាកាលពីខែមីនាកន្លងមក៕
ចែករំលែកព័តមាននេះ