បុរសចំណាស់ម្នាក់ពាក់ព័ន្ធករណីហិ.ង្សា ត្រូវតុលាការសម្រេចឃុំខ្លួន
- សៀមរាប
ខេត្តសៀមរាប ៖ លោក គង់ កូមិន្ទ អនុប្រធាន និងជាចៅក្រមស៊ើបសួរ នៃសាលាដំបូងខេត្ត
ខេត្តសៀមរាប ៖ លោក គង់ កូមិន្ទ អនុប្រធាន និងជាចៅក្រមស៊ើបសួរ នៃសាលាដំបូងខេត្តសៀមរាប បានសម្រេចឱ្យកម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប យកបុរសជាជនសង្ស័យមានសតិមិនគ្រប់ម្នាក់ទៅដាក់ពន្ធនាគារបណ្តោះអាសន្ន នៅសង្កាត់ជ្រាវ ក្រុងសៀមរាប ពាក់ព័ន្ធនឹងករណីប្រើហិ.ង្សា ទៅលើក្មេងប្រុសស្រី២នាក់ បណ្តាលឱ្យរងរបួសធ្ងន់ ។
បើតាមលោកវរសេនីយ៍ឯក សុខ ម៉េង អ៊ាង នាយការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាបបានប្រាប់តាមតេឡេក្រាម កាលពីវេលាម៉ោង១១និង៣០នាទីព្រឹកថ្ងៃទី១៤ ខែកញ្ញា ឆ្នាំ២០២៣ នេះថា បន្ទាប់ពីមានពាក្យបណ្តឹងរបស់ឪពុកម្តាយយុវជនរងគ្រោះ រួចមក កម្លាំងនគរបាលស្រុកបន្ទាយស្រី ចុះស្រាវជ្រាវឈានដល់ធ្វើការឃាត់ខ្លួនជនល្មើសចំនួន១នាក់ ឈ្មោះ សរ ម៉ាប់ ឈ្មោះ ហៅក្រៅ លុយ រៀប ភេទប្រុស អាយុ៥០ឆ្នាំ មុខរបរគ្មានស្រុកកំណើត ភូមិស្លក្រាម ឃុំ ស្លក្រាម ស្រុកសៀមរាប ខេត្តសៀមរាប ទីលំនៅបច្ចុប្បន្ន រស់នៅតំបន់អភិវឌ្ឍន៍រុនតាឯក ភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប ពាក់ព័ន្ធនឹងករណីហិ.ង្សា ដោយចេតនា មានស្ថានទម្ងន់ទោស ( យកដុំថ្ម វាយជនរងគ្រោះ ) នៅចំណុចដីឡូត៍ អក្សរY5820 តំបន់អភិវឌ្ឍន៍រុនតាឯក ស្ថិត នៅភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប ។
លោកបន្ថែមថា ជនសង្ស័យខាងលើមានសតិមិនគ្រប់ នៅមុនពេលកើតហេតុកាលពីវេលាម៉ោង៦ព្រឹកថ្ងៃទី១២ ខែកញ្ញា ឆ្នាំ ២០២៣ មានជនរងគ្រោះចំនួន២នាក់ ក្នុងនោះម្នាក់ឈ្មោះ លឿម កញ្ញា ភេទស្រី អាយុ៨ឆ្នាំ និងម្នាក់ទៀតឈ្មោះ ហៃ រដ្ឋា ភេទប្រុស អាយុ ១៦ឆ្នាំ រស់នៅតំបន់ អភិវឌ្ឍន៍រុនតាឯក ភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប បាននាំគ្នាធ្វើដំណើរតាមផ្លូវ លុះដល់ចំណុចខាងលើ ស្រាប់តែពេលនោះជនសង្ស័យខាងលើ បានចាប់ជនរងគ្រោះឈ្មោះ លឿម កញ្ញា បោ.កក្បាលទៅនឹងគំនរថ្មនៅលើចិញ្ចើមផ្លូវ បណ្តាលឱ្យផុងលលាក្បាល និងបានយកដុំថ្ម វាយទៅលើជនរងគ្រោះ ឈ្មោះ ហៃ រដ្ឋា ចំនួន៣ដំថ្ម ត្រូវចំដើមទ្រូងចំហៀងខាងឆ្វេង បណ្តាលឱ្យរងរបួសជាទម្ងន់ រហូតបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប ។ ចំណែក ឈ្មោះ លឿម កញ្ញា យកទៅសង្គ្រោះ នៅមន្ទីរពេទ្យគន្ធបុប្ផា ខេត្តសៀមរាប ។
ករណីខាងលើនេះ ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពយកដុំថ្មវា.យទៅលើជនរងគ្រោះ ពិតប្រាកដមែន ។
បច្ចុប្បន្ន លោក គង់ កូមិន្ទ អនុប្រធាន និងជាចៅក្រមស៊ើបសួរ នៃសាលាដំបូងខេត្តសៀមរាប បាន សម្រេច ឱ្យកម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប យកជនសង្ស័យមានសតិមិនគ្រប់ ទៅដាក់ពន្ធនាគារបណ្តោះអាសន្ន នៅសង្កាត់ជ្រាវ ក្រុងសៀមរាប ខេត្តសៀមរាប ៕
ចែករំលែកព័តមាននេះ