សកម្មជនបក្ស «LDP»ម្នាក់ ជួបគ្រោះអកុសលមុខចម្ការ
- ភ្នំពេញ
ខេត្តសៀមរាប ៖ បុរសជាសកម្មជនរបស់បក្ស «LDP» ម្នាក់ ត្រូវបានរថយន្តបុ.ក បណ្តាលឱ្យស្លា.ប់
ខេត្តសៀមរាប ៖ បុរសជាសកម្មជនរបស់បក្ស «LDP» ម្នាក់ ត្រូវបានរថយន្តបុ.ក បណ្តាលឱ្យស្លា.ប់ ខណៈជនរងគ្រោះកំពុងជិះម៉ូតូក្នុងទិសដៅបញ្ច្រាសគ្នា ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៦និង១៥នាទីយប់ថ្ងៃទី១៣ ខែកញ្ញា ឆ្នាំ២០២៣ លើផ្លូវជាតិលេខ២៦៤១ ត្រង់ចំណុចមុខទីបញ្ជាការស្រាល ប្រចាំការចម្ការ ១២ហិកតារបស់ (LDP) ស្ថិតនៅភូមិថ្មរជល់ ឃុំត្បែង ស្រុកបន្ទាយស្រី ខេត្តសៀមរាប ។
បើតាមលោកវរសេនីយ៍ឯក ឡុង សំណាង អធិការនគរបាលស្រុកបន្ទាយស្រី បានប្រាប់តាមតេឡេក្រាមនៅថ្ងៃទី១៤ ខែកញ្ញា ឆ្នាំ២០២៣ នេះថា ភាគីខាងរថយន្តបង្កម៉ាក VOLVO ពណ៌បៃតងលាយក្រហម ពាក់ផ្លាកលេខ ៣F-៩៧១៨ បើកបរដោយឈ្មោះ សាន សេងហ៊ួត ភេទប្រុស អាយុ៣១ឆ្នាំ មានទីលំនៅភូមិស្វាយដំណាក់ ឃុំជំនីក ស្រុកក្រូចឆ្មារ ខេត្តកំពង់ចាម ។ ចំណែកភាគីខាងម៉ូតូម៉ាកហុងដា ពណ៌ខ្មៅ ពាក់ផ្លាកលេខ ពោធិ៍សាត់ ១G-៥៤៦៩ បើកបរដោយឈ្មោះ ម៉ៃ ធី ភេទប្រុស អាយុ៥៩ឆ្នាំ សកម្មជន LDP មានទីលំនៅភូមិខ្នាចរមាស់ ឃុំបឹងខ្នារ ស្រុកបាកាន ខេត្តពោធិ៍សាត់ ។
លោកអធិការបានបន្តថា មុនពេលកើតហេតុ រថយន្តម៉ាក VOLVO បើកបរពីជើងទៅត្បូង លុះមកដល់ចំណុចកើតហេតុខាងលើ បានបុ.កជាមួយម៉ូតូបើកបរពីលិចទៅកើត បណ្តាលឱ្យអ្នកបើកបរម៉ូតូស្លា.ប់ភ្លាមៗនៅកន្លែងកើតហេតុ។
លោកអធិការបានបន្តថា បច្ចុប្បន្ន ស.ពជនរងគ្រោះ.ត្រូវបានកម្លាំងនគរបាលស្រុកបន្ទាយស្រី បានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ។ ចំណែកអ្នកបើកបររថយន្តត្រូវបាននគរបាលឃាត់ខ្លួនរួម និងវត្ថុតាងម៉ូតូ និងរថយន្តកសាងសំណុំរឿង ចាត់ការតាមនិតិវិធីច្បាប់ ៕
ចែករំលែកព័តមាននេះ