ភ្នំពេញ៖ ក្រសួងអប់រំ យុវជន និងកីឡា បានប្រកាសនៅថ្ងៃទី១៣ ខែកញ្ញានេះថា ឆ្នាំសិក្សា ឆ្នាំ២០២២-២០២៣ បានចាប់ផ្តើម កាលពីថ្ងៃទី២ ខែមករា ឆ្នាំ២០២៣ ហើយគ្រោងនឹង​បញ្ចប់នៅថ្ងៃទី៣០ ខែវិច្ឆិកា ឆ្នាំ២០២៣ ខាងមុខនេះ​។ ក្នុងនោះ ក្រសួងអប់រំ បានណែនាំឱ្យ​គ្រឹះស្ថានសិក្សា​ចំណេះ​ទូទៅសាធារណៈ រៀបចំបញ្ចប់​នៅថ្ងៃទី២០ ខែវិច្ឆិកា ឆ្នាំ២០២៣។ ចំណែក​ឆ្នាំសិក្សា ២០២៣-២០២៤ គ្រោងនឹងបើកបវេសនកាល នាថ្ងៃទី១ ខែធ្នូ ឆ្នាំ២០២៣។