នេះជាដំណឹងដ៏ក្រៀមក្រំបំផុតស្ទើរតែមិនអាចទទួលយកបានឡើយ បន្ទាប់ពីមានបុរសម្នាក់បានធ្វើឱ្យមហាជនជាច្រើននាំគ្នារំភើបផង លាយឡំជាមួយនឹងក្ដីអាណិតផង ក្រោយពេលឃើញលោករៀបចំពិធីអាពាហ៍ពិពាហ៍ជាមួយនឹងគូស្នេហ៍របស់ខ្លួន ដោយលោកបាននិយាយប្រាប់ឱ្យគ្រប់គ្នាដឹងបែបនេះថា
ប្រទេសថៃ ៖ នេះជាដំណឹងដ៏ក្រៀមក្រំបំផុតស្ទើរតែមិនអាចទទួលយកបានឡើយ បន្ទាប់ពីមានបុរសម្នាក់បានធ្វើឱ្យមហាជនជាច្រើននាំគ្នារំភើបផង លាយឡំជាមួយនឹងក្ដីអាណិតផង ក្រោយពេលឃើញលោករៀបចំពិធីអាពាហ៍ពិពាហ៍ជាមួយនឹងគូស្នេហ៍របស់ខ្លួន ដោយលោកបាននិយាយប្រាប់ឱ្យគ្រប់គ្នាដឹងបែបនេះថា «គាត់នឹងនៅក្នុងការចងចាំរបស់លោកជារៀងរហូតតទៅ»។
ស្របពេលលឺនៅសម្ដីរបស់បុរសរូបនោះរួចមក ក៏បានធ្វើឱ្យមហាជននាំគ្នាអួលដើម.កនិយាយមិនចេញគ្រប់ៗគ្នា ខណៈពេលប្រទះឃើញបុរសម្នាក់នេះបានរៀបចំពិធីមង្គលការឱ្យមិត្តស្រីរបស់គាត់ដែលកំពុងតែគេងនៅលើគ្រែ ដើរមិនរួច អាចនិយាយបានថា នាងស្ថិតក្នុងដំណាក់កាលចុងក្រោយនៃជំងឺមហារីកហើយ។ ដោយនាំគ្នាបង្ហោះរូបថតសខ្មៅផ្សព្វផ្សាយនៅព័ត៌មានដ៏សោកសៅមួយនេះ អោយគេបានឃើញ និងដឹងផងដែរ។
បើតាមកូនកំលោះរូបនោះ ក៏បានបង្ហើបប្រាប់ឱ្យដឹងទៀតថា «លោកមិនបានគិតថា វានឹងលឿនបែបនេះនោះទេ ពិតជាទទួលយកពុំបាននោះឡើយ។ វានៅតែស្ថិតក្នុងការចងចាំរបស់យើងទាំង២នាក់ជារៀងរហូត មកដល់ថ្ងៃទី១១ ខែកញ្ញា ឆ្នាំ២០២៣ លោកតែងតែបង្ហោះវីដេអូគូស្នេហ៍របស់ខ្លួនជាប់ជានិច្ច»។
ក្រោយពេលឃើញរូបភាពនឹងភ្លាម ក៏មានសារព័ត៌មានជាច្រើននាំគ្នាចុះយកទៅ រួចផ្សព្វផ្សាយរាយការណ៍ថា រយៈពេលប៉ុន្មានថ្ងៃមកនេះ ហាក់មានពិភពអនឡាញមិនតិចនោះទេ បាននាំគ្នាស៊ែរចែករំលែកតៗគ្នា បន្ទាប់ពីឃើញនៅទឹកភ្នែករបស់បុរសរូបនោះ និងមិត្តស្រី។ ស្របពេលដែលកម្មពិធីរៀបការ កំពុងតែប្រកបទៅដោយយ៉ាងរលូន ភ្លាមៗនោះកូនកំលោះក៏បាននិយាយទៀតថា «លោកបានបំពេញតាមការសន្យារបស់មិត្តស្រីគាត់ហើយ»។
យ៉ាងណាមិញ យើងឃើញថា បុរសជនជាតិថៃខាងលើរូបនោះ លោកបានរៀបចំពិធីមង្គលការឱ្យគូស្នេហ៍យ៉ាងស្រស់ស្អាត ដែលគូស្នេហ៍របស់លោកមានជំងឺមហារីកដំណាក់កាលចុងក្រោយ បន្ទាប់ពីពួកគេបានទាក់ទងគ្នាអស់រយៈពេល១៣ឆ្នាំ ហើយសន្យាថា នឹងមើលថែគាត់ រហូតដល់ពួកយើងបែកគ្នា នៅថ្ងៃទី៧ ខែកញ្ញា។
បន្ទាប់ពីស្ងប់ស្ងាត់មួយរយៈ ស្រាប់តែថ្មីៗនេះ គេក៏បានឃើញគណនី TikTok មួយ មានឈ្មោះថា «@kittikorn…phu» របស់ Khun Thew បានចេញមកបង្ហោះវីដេអូ និងនិយាយអំពីព័ត៌មានដ៏ក្រៀមក្រំមួយនេះ។ ដោយលោកបានបង្ហោះរូបភាពក្នុងថ្ងៃមង្គលការរបស់ពួកគេ ក្នុងឈុតពណ៌ស អបដោយមនុស្សជាច្រើននៅជុំវិញ។
មិនត្រឹមតែប៉ុណ្ណោះ លោកបានសរសេរសារបញ្ជាក់ថា «គាត់ពិតជាស្រឡាញ់ Fat ខ្លាំងណាស់។ ខ្ញុំមិនបានគិតថា វានឹងលឿនយ៉ាងនេះទេ។ វានឹងស្ថិតនៅក្នុងការចងចាំរបស់ខ្ញុំជានិច្ច»។ ហើយរឿងរ៉ាវដ៏កម្សត់ខាងលើនេះ មានមនុស្សជាច្រើនបាននាំគ្នាចូលរួមរំលែកទុក្ខ ចំពោះការទទួលមរណភាពនេះគ្រប់ៗគ្នាផងដែរ។
សូមជំរាបផងដែរថា នារីដែលកើតជំងឺមហារីកខាងលើរូបនេះ ត្រូវបានគេរាយការណ៍ប្រាប់បន្ថែមថា នាងបានទទួលមរណភាពកាលពីវេលាម៉ោង១០និង៥០នាទីព្រឹក ហើយក្រុមគ្រួសាររបស់នាងក៏បានប្រារព្ធធ្វើពិធីនៅប្រាសាទ «ហួយ ចរកា» ស្ថិតនៅក្នុងឃុំព្រះធម្មចេតិយ ស្រុកមឿង ខេត្តនគរធំ និងបូជាស.ពនៅវេលាម៉ោង៤រសៀល ព្រមទាំងស្តាប់ព្រះធម៌ទេសនាម៉ោង៧យប់ នៅក្នុងវត្តសាលា៧ ៕ ដោយ ៖ សុភា ដានេត
https://www.tiktok.com/@kittikorn…phu/video/7277825663246093574?is_from_webapp=1&sender_device=pc&web_id=7218866622958110210@kittikorn…phu เค้าทำตามสัญญาแล้วน่ะ เราแต่งงานกันแล้วน่ะ 13 ปี มันมีค่ามาก สำหรับเรา มันอาจจะเป็นปรารถนาสุดท้าย สัญญาว่า ช่วงสุดท้ายจะดูแลจนกว่าเรสจะจากกันน่ะ 7/9/66 ชายรักชาย ทิวติ๊ก ทิวติ๊กป่วยเป็นอะไร ทิวติ๊กคู่เกย์
♬ ลั่นทม (เพลงประกอบละคร หอมกลิ่นความรัก) (Main) – ค็อกเทล
@kittikorn…phu ค่าแห่งความสุข มีราคาต้องจ่าย ้เค้าทำตามความปรารถนาของอ้วน เรื่องที่2แล้วน่ะ #ทิวติ๊ก #ทิวติ๊กคู่เกย์ #ทิวติ๊กป่วยเป็นอะไร #ชายรักชาย
♬ เสียงต้นฉบับ – Nilekiss story – Nilekiss story
ចែករំលែកព័តមាននេះ