បុគ្គលិកអង្គការម្នាក់បើកឡានពន្លះម៉ូតូ២នាក់ម្តាយ និងកូនតូច យ៉ាងរន្ធ.ត់
- សៀមរាប
ខេត្តសៀមរាប ៖ បុគ្គលិកអង្គការម្នាក់ស្រវឹងជោកហើយបើករថយន្តមួយគ្រឿងធ្វើដំណើរបញ្ច្រាសទិស
ខេត្តសៀមរាប ៖ បុគ្គលិកអង្គការម្នាក់ស្រវឹងជោកហើយបើករថយន្តមួយគ្រឿងធ្វើដំណើរបញ្ច្រាសទិស ក៏បានបុ.កម៉ូតូមួយគ្រឿងជិះគ្នា២នាក់ម្តាយ និងកូនតូច យ៉ាងពេញទំហឹង បណ្តាលឱ្យជនរងគ្រោះជាម្តាយនិងកូនស្លា.ប់ទាំង២នាក់ភ្លាមៗនៅកន្លែងកើតហេតុ និងបង្កឱ្យមានការភ្ញាក់ផ្អើលយ៉ាងខ្លាំង ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៤និង១០នាទីរសៀលថ្ងៃទី១២ ខែកញ្ញា ឆ្នាំ២០២៣ ស្ថិតនៅចំណុចខាងកើតមូលដ្ឋានកងរាជអាវុធហត្ថ ក្រុងសៀមរាប ចម្ងាយ ៣០ម៉ែត្រ ក្នុងភូមិអញ្ជាញ សង្គាត់នគរធំ ក្រុងសៀមរាប ខេត្តសៀមរាប ។
តាមប្រភពពីកម្លាំងការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប បានប្រាប់តាមតេលេក្រាម កាលពីវេលាម៉ោង១១និង១៥នាទីព្រឹកថ្ងៃទី១៣ ខែ កញ្ញា ឆ្នាំ២០២៣ នេះថា ភាគីខាងរថយន្តមួយគ្រឿងម៉ាក Lexus470 ពណ៍ខ្មៅ ពាក់ផ្លាកលេខ ភ្នំពេញ 2H-3866 បើកបរដោយឈ្មោះ អ៊ូ សុផាន់ ណារ៉ុង ភេទប្រុស អាយុ៥៦ឆ្នាំ ជាបុគ្គលិកអង្កការ រស់នៅភូមិចុងកៅស៊ូ សង្កាត់ ស្លក្រាម ក្រុងសៀមរាប ខេត្តសៀមរាប ។ ចំណែកភាគីខាងម៉ូតូមួយគ្រឿង ម៉ាក Honda Dream ពណ៍ខ្មៅ ពាក់ផ្លាកលេខ សៀមរាប 1AG-7894 បើកបរដោយឈ្មោះ ចិត្រ សោភា ភេទស្រី អាយុ១៧ឆ្នាំ ត្រូវជាម្តាយ (បានស្លា.ប់) និងអ្នករួមដំណើរជាកូនឈ្មោះ រ៉ា សុជាតា ភេទស្រី អាយុ១ ខួប២ខែ ។ ជនរងគ្រោះទាំង២នាក់ម្តាយនិងកូនរស់នៅ ភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
តាមប្រភពពីកម្លាំងការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប បានឱ្យដឹងបន្តថា មុនពេលកើតហេតុ រថយន្តមួយគ្រឿងម៉ាកLexus470 ពណ៍ខ្មៅ បើកបរក្នុងទិសដៅពីកើតទៅលិច ក្នុងស្ថានភាពស្រវឹងជោក ក៏បានបុ.កម៉ូតូមួយគ្រឿងម៉ាក Honda Dream ជិះគ្នា២នាក់ម្តាយនិងកូន កំពុងធ្វើដំណើរក្នុងទិសដៅពីលិចទៅកើត បណ្ដាលឱ្យស្ត្រីជាអ្នកបើកបរនិងកូនស្លា.ប់ភ្លាមៗនៅកន្លែងកើតហេតុ ។
ក្រោយកើតហេតុ កម្លាំងការិយាល័យនគរបាលជំនាញ បានចុះវាស់វែង រួចប្រមូលយកវត្ថុតាងម៉ូតូ និងតាមស្រាវជ្រាវរករថយន្តឃើញ ក៏អូសយកទៅរក្សាទុកនៅស្នងការដ្ឋាននគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាប រង់ចាំចាត់ការតាមនីតិវិធី ។
បច្ចុប្បន្ន ស.ពជនរងគ្រោះទាំង២នាក់ម្តាយ និងកូន ត្រូវបានកម្លាំងការិយាល័យនគរបាលជំនាញ ប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីនៅគេហដ្ឋាន ស្ថិតនៅក្នុងភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប ៕
ចែករំលែកព័តមាននេះ