ខេត្តបន្ទាយមានជ័យ ៖ ក្រោយម្ចាស់ហាងលក់មាសពេជ្របានវេចលុយរាប់លានដុល្លារគេចខ្លួនបាត់នោះ សាលាដំបូងខេត្តបន្ទាយមានជ័យ ក៏បានធ្វើលិខិតជូនដំណឹងឱ្យមកទទួលយកដីកាកោះ កាលពីថ្ងៃទី១២ ខែកញ្ញា ឆ្នាំ២០២៣ ខេត្តបន្ទាយមានជ័យ ។…
ខេត្តបន្ទាយមានជ័យ ៖ ក្រោយម្ចាស់ហាងលក់មាសពេជ្របានវេចលុយរាប់លានដុល្លារគេចខ្លួនបាត់នោះ សាលាដំបូងខេត្តបន្ទាយមានជ័យ ក៏បានធ្វើលិខិតជូនដំណឹងឱ្យមកទទួលយកដីកាកោះ កាលពីថ្ងៃទី១២ ខែកញ្ញា ឆ្នាំ២០២៣ ខេត្តបន្ទាយមានជ័យ ។
ដោយយោងតាមលិខិតជូនដំណឹងរបស់សាលាដំបូងខេត្តបន្ទាយមានជ័យ លេខ៤៤៩ ច.រណ.ឆ/២៣ អំពីការបញ្ជូនតាមការផ្សាយជាសាធារណៈ សូមជូនដំណឹងដល់ឈ្មោះ ថុង រស្មី ភេទប្រុស អាយុ៤០ឆ្នាំ និងប្រពន្ធឈ្មោះ ហេង មួយឡេង ភេទស្រី (សញ្ញាតិខ្មែរ) មានលំនៅដ្ឋាននៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ជាសហចុងចម្លើយ ដើម្បីជៀសវាងការយឺតយ៉ាវក្នុងដំណើរការនីតិវិធីសាលាដំបូងខេត្តបន្ទាយមានជ័យ បានសម្រេចធ្វើការបញ្ជូនតាមការផ្សាយជាសាធារណៈ ។
ចាប់ពីថ្ងៃចេញលិខិតជូនដំណឹងអំពីការបញ្ជូនតាមការផ្សាយជាសាធារណៈនេះតទៅ សូមសហចុងចម្លើយឈ្មោះ ថុង រស្មី និងប្រពន្ធឈ្មោះហេង មួយឡេង មកទទួលយកដិការកោះនិងកំណត់ហេតុស្តីពីនីតិវិធី ត្រៀមសម្រាប់ការទាញហេតុលើកទី១នៅការិយាល័យក្រឡាក្រឡាបញ្ជី(អក្សរ(ធ)នៃសាលាដំបូងខេត្តបន្ទាយមានជ័យ រៀងរាល់ម៉ោងធ្វើការនិងចូលរួមនីតិវិធីត្រៀមសម្រាប់ការទាញហេតុផលលើកទី២ដែលប្រព្រឹត្តទៅថ្ងៃទី១៨ ខែធ្នូ ឆ្នាំ២០២៣វេលាម៉ោង៨ និង៣០នាទីពេលព្រឹក នៅសាលាដំបូងខេត្តបន្ទាយមានជ័យ។
គួររំលឹកថា ក្រោយម្ចាស់ហាងលក់មាសពេជ្រវេរលុយយីហោ ថុង រស្មី មនោរម្យ នៅក្រុងប៉ោយប៉ែតបានវេចលុយរត់បានបិទទ្វារហាងចោលរាប់ខែ ក្រោយម្ចាស់បំណុលជាច្រើនរយនាក់បានតវ៉ាជាច្រើនដង តែគ្មានលទ្ធផល ។ ហើយថ្មីៗនេះ មានមេធាវីបានចេញមុខដោះស្រាយតែគ្មានប្រសិទ្ធភាពហើយពេលសាលាដំបូងខេត្តបានជូនដំណឹងមកទទួលយកដីកា ។
មានព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ