ខេត្តកោះកុង ៖ ល្បែ.ងមាន់ជល់អនឡាញចំនួន២កន្លែង ត្រូវបានគេបង្ហើបឱ្យដឹងថា លោកអធិការស្រុកមួយ ដែលទទួលសំណូ.ក១លានរៀលក្នុងមួយខែ ពីម្ចាស់ទីតាំងជាថ្នូរនឹងបិទភ្នែកធ្វើដឹងធ្វើលឺ មិនបង្ក្រាប ប៉ុនែ្តផ្ទុយទៅវិញ បន្ទាប់ពីទទួលលុយរួចហើយ បែរជាបញ្ជាកម្លាំងក្រោមឱវាទឲ្យចុះទៅចាប់សិន ដោយសន្យាថា កន្លះខែក្រោយនឹងឲ្យបើកលេងវិញ។
បើយោងតាមប្រភពមួយ បានទម្លាយឲ្យដឹងថា លោកវរសេនីយ៍ទោ ជូង វណ្ណា អធិការនគរបាលស្រុកស្រែអំបិលនោះ បាទទួលយកលុយចំនួន១លានរៀលក្នុងមួយខែ ពីម្ចាស់ទីតាំងល្បែ.ងមាន់ជល់អនឡាញនៅដើមខែ គឺថ្ងៃដាច់ខែចាស់ទី៣០ ឬ៣១ ជាថ្នូរនឹងបិទភ្នែកមិនចាត់វិធានបង្ក្រាប ។
ប៉ុនែ្តបន្ទាប់ពីទទួលយកលុយ១លាន មិនទាន់បានប៉ុន្មានថ្ងៃផង ក៏ស្រាប់តែលោកអធិការរូបនោះ បានបញ្ជាឲ្យកូនចៅចុះទៅចាប់បង្ក្រាបនៅថ្ងៃទី២ ខែកញ្ញា ឆ្នាំ២០២៣នេះ ហើយបានសន្យាជាមួយម្ចាស់ទីតាំងល្បែ.ងមាន់ជល់តាមអនឡាញនោះថា កន្លះខែក្រោយ លោកនឹងឲ្យបើកលេងវិញហើយ។
ទីតាំងដែលលោកអធិការនគរបាលស្រុកស្រែអំបិល យកលុយហើយ បែរជាចុះចាប់នោះ មានទីតាំងស្ថិតនៅភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង។
ហើយនៅពេលចុះចាប់បង្ក្រាបនោះ កម្លាំងរបស់លោកអធិការស្រុកស្រែអំបិល បានប្រមូលវត្ថុតាងយកទៅមួយចំអិនកំពឹសដែរ ដោយមិនបានរាយការណ៍ទៅឲ្យថ្នាក់លើដឹងនោះទេ ក្រោយមកក៏ប្រគល់សម្ភារៈនោះ រួមមាន ៖ ទូរទស្សន៍ និងម៉ាស៊ីនកុំព្យូទ័រ សម្រាប់បម្រើឲ្យល្បែ.ងមាន់ជល់ទូរទស្សន៍អនឡាញឲ្យម្ចាស់ដើមវិញភ្លាមៗដែរ ប៉ុន្តែលុយរឹបអូសបានពីអ្នកកាន់ប្រចាំការសម្រាប់ល្បែ.ងស៊ីសងនោះ មានចំនួនមួយលានបួនសែនរៀល ត្រូវកម្លាំងលោកអធិការដកហូតយកទៅបាត់ មិនឃើញប្រគល់ឲ្យវិញទេ។
ប្រភពបានបង្ហើបបន្តទៀតថា សព្វថ្ងៃនេះ ទីតាំងបើកល្បែ.ងមាន់ជល់តាមអនឡាញ និងឡូតូ កំពុងតែបើកលេងយ៉ាងគគ្រឹកគគ្រេងខ្លាំងណាស់ មិនធ្លាប់ឃើញមានសមត្ថកិច្ចណាចាត់វិធានការបង្ក្រាបឡើយ ទើបតែពេលនេះស្រាប់តែបង្ក្រាបយកស្នាដៃបង្អួតរដ្ឋមន្ត្រីថ្មីហើយ។
បើតាមការសង្កេតទីតាំងល្បែ.ងតាមអនឡាញដែលបើកលេងក្នុងស្រុកស្រែអំបិលនោះ មានចំនួន៣ទីតាំង គឺទី១ ផ្លូវចូលផែថ្មីក្នុងភូមិត្រពាំង, ទី២ ក្បែរស្ពានទី២ ស្ថិតក្នុងភូមិវាល និងទី៣ នៅខាងក្រោយផ្សារលើ ស្ថិតក្នុងភូមិស្រែអំបិល ដោយទាំង៣ទីតាំងនេះ ស្ថិតនៅក្នុងឃុំស្រែអំបិល ស្រុកស្រែអំបិល ខេត្តកោះកុង ។
ពាក់ព័ន្ធនឹងការទម្លាយរឿងលោកអធិការនគរបាលស្រុកស្រែអំបិល ដែលទទួលយកលុយ១លានរៀលក្នុងមួយខែ ពីម្ចាស់ល្បែ.ងមាន់ជល់អនឡាញជាថ្នូរនឹងបិទភ្នែកមិនចាត់វិធានបង្ក្រាបនោះ អ្នកយកព័ត៌មានយើងបានទំនាក់ទំនងតាមទូរស័ព្ទទៅលោកវរសេនីយ៍ទោ ជូង វណ្ណា អធិការនគរបាលស្រុកស្រែអំបិលដែរ ដើម្បីសុំការបំភ្លឺ តែលោកឆ្លើយបដិសេធយ៉ាងខ្លីថា «មិនបានទទួលលុយប្រចាំខែនោះទេ»។ ចំណែកឯរឿងចុះទៅចាប់ និងដកហូតយកលុយសម្រាប់ស៊ីសងល្បែ.ងមាន់ជល់ទូរទស្សន៍អនឡាញជាងមួយលានបួនសែននោះវិញ ក៏លោកថា មិនដឹងដែរ ។ ហើយចំពោះការបញ្ជាឲ្យកូនចៅចុះទៅនោះ គ្រាន់តែចុះទៅអប់រំ ណែនាំតែប៉ុណ្ណោះ ។
ប៉ុនែ្តបើតាមវីដេអូកាមេរ៉ាសុវត្ថិភាព ហាក់បីដូចជាបង្ហាញថា លោកអធិការនគរបាលស្រុកស្រែអំបិល មិនមែនចុះទៅអប់រំណែនាំនោះទេ គឺកម្លាំងរបស់លោកអធិការ ចុះចាប់ដកហូតយកសម្ភារៈនៅក្នុងទីតាំងនោះទាំងអស់តែម្ដង។
ចំពោះករណីល្បែ.ងស៊ីសងតាមអនឡាញនោះ មិនមែនមានតែនៅក្នុងស្រុកស្រែអំបិលប៉ុណ្ណោះ តាមបណ្តាស្រុក-ក្រុង ស្ទើរទូទាំងខេត្តកោះកុងនោះទៅហើយ ដែលមានលេងបែបនេះ ដោយមិនមានការបង្ក្រាប។ ហើយបង្កនាំឲ្យមានជម្លោះ កើតអំពើហិ.ង្សានៅក្នុងគ្រួសារ អំពើបោ.កប្រាស់គ្រប់រូបភាព និងចោ.រថែមទៀតផង នៅក្នុងតំបន់ដែលមានល្បែ.ងស៊ីសងនោះ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ៕
ខាងក្រោមនេះ គឺជាសារសំឡេង និងវីដេអូឃ្លីប ដែលនិយាយពាក់ព័ន្ធនឹងការបង្ក្រាបទីតាំងល្បែ.ងជល់មាន់អនឡាញចំនួន២កន្លែង ៖
ចែករំលែកព័តមាននេះ