ខេត្តកំពង់ស្ពឺ ៖ ក្រុមជនសង្ស័យចំនួន២នាក់ ក្នុងចំណោមបក្ខពួក៧នាក់ត្រូវបានកម្លាំងកងរាជអាវុធហត្ថស្រុកភ្នំស្រួចធ្វើការស្រាវជ្រាវឃាត់ខ្លួនបាន ខណៈដែលក្រុមជនសង្ស័យធ្វើការស្ទាក់ប្លន់យកម៉ូតូស៊េរីទំនើបពីជនរងគ្រោះបានសម្រេចហើយព្យាយាមរត់គេចខ្លួន។ ការឃាត់ខ្លួនក្រុមជនសង្ស័យចំនួន០២នាក់បានធ្វើឡើងកាលពីរសៀលថ្ងៃទី២៧ ខែធ្នូ ឆ្នាំ២០២៥ នៅចំណុចរោងចំការស្វាយមួយកន្លែង ស្ថិតនៅក្នុងភូមិខ្នងក្រាំង…
ខេត្តកំពង់ស្ពឺ ៖ ក្រុមជនសង្ស័យចំនួន២នាក់ ក្នុងចំណោមបក្ខពួក៧នាក់ត្រូវបានកម្លាំងកងរាជអាវុធហត្ថស្រុកភ្នំស្រួចធ្វើការស្រាវជ្រាវឃាត់ខ្លួនបាន ខណៈដែលក្រុមជនសង្ស័យធ្វើការស្ទាក់ប្លន់យកម៉ូតូស៊េរីទំនើបពីជនរងគ្រោះបានសម្រេចហើយព្យាយាមរត់គេចខ្លួន។
ការឃាត់ខ្លួនក្រុមជនសង្ស័យចំនួន០២នាក់បានធ្វើឡើងកាលពីរសៀលថ្ងៃទី២៧ ខែធ្នូ ឆ្នាំ២០២៥ នៅចំណុចរោងចំការស្វាយមួយកន្លែង ស្ថិតនៅក្នុងភូមិខ្នងក្រាំង ឃុំតាំងសំរោង ស្រុកភ្នំស្រួច ខេត្តកំពង់ស្ពឺ ។
មន្ត្រីអាវុធហត្ថស្រុកភ្នំស្រួចបាននិយាយឱ្យដឹងថា ក្រុមជនសង្ស័យដែលឃាត់ខ្លួនបានមានឈ្មោះ ទី១~ឈ្មោះ ម៉ុញ ស៊ីថា ភេទប្រុស អាយុ៣៦ឆ្នាំ មុខរបរយោធា រស់នៅក្នុងភូមិរការធំ សង្កាត់រការធំ ក្រុងច្បាមន ខេត្តកពង់ស្ពឺ និងទី២~ ឈ្មោះ ណាត់ ផានិត ហៅ ម៉ាប់ ភេទប្រុស អាយុ៣០ឆ្នាំ មុខរបរមិនពិតប្រាកដ រស់នៅក្នុងភូមិប្រសព្វជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
មន្ត្រីអាវុធហត្ថស្រុកភ្នំស្រួចបានបន្តថា នៅមុនពេលឈានទៅដល់ធ្វើការឃាត់ខ្លួនក្រុមជនសង្ស័យខាងលើនេះគឺកាលពីវេលាម៉ោង៧និង១០នាទី យប់ថ្ងៃទី២៦ ខែធ្នូ ឆ្នាំ២០២៥ មានប្រជាពលរដ្ឋ ឈ្មោះ វ៉ាន់ វ៉ន ភេទប្រុស អាយុ២០ឆ្នាំ បានតេទូរស័ព្ទទំនាក់ទំនងតាមរយៈលេខទូរស័ព្ទអន្តរាគមន៍សង្គ្រោះបន្ទាន់ HoteLineលេខ1292 បានរាយការណ៍ មានករណី លួចមានស្ថានទម្ងន់ទោស(ប្លន់ម៉ូតូ) ស្ថិតនៅក្នុងភូមិ ក្រាំងត្របែក ឃុំព្រៃរំដួល ស្រុក ភ្នំស្រួច ខេត្តកំពង់ស្ពឺ។
ក្រោយពីទទួលបានពាក្យបណ្ដឹងតាមទូរស័ព្ទរួចមក កម្លាំងមូលដ្ឋានកងរាជអាវុធស្រុកភ្នំស្រួច ដឹកនាំលោកវរសេនីយ៍ត្រី សេន ទូច មេបញ្ជាការ បានចុះដល់កន្លែងកើតហេតុ បានធ្វើការសួរនាំ ជនរងគ្រោះ ឈ្មោះ គី លីហុង ភេទប្រុស អាយុ២៧ឆ្នាំ មុខរបរកសិករ រស់នៅក្នុងភូមិបន្ទាប់ ឃុំមហាសាំង ស្រុកភ្នំស្រួច ខេត្តកំពង់ស្ពឺ។
តាមការឆ្លើយបំភ្លឺ របស់ជនរងគ្រោះខាងលើ នៅវេលាម៉ោងប្រហែល៧យប់ មានជនសង្ស័យមួយក្រុម ប្រហែល៧នាក់(ក្នុងចំណោមជនសង្ស័យទាំង៧នាក់នោះ ជនរងគ្រោះ បានស្គាល់គ្នាចំនួន០២នាក់) បានជិះម៉ូតូចំនួន ៥គ្រឿង មកឃាត់ និងបានយកម៉ូតូ របស់ជនរងគ្រោះ បានសម្រេចទៅបាត់ចំនួន០១គ្រឿង ម៉ាក ហុងដាសេ១២៥ ស៊េរីឆ្នាំ២០២៥ រួចជិះគេចខ្លួនបាត់ស្រមោល ។
មន្ត្រីអាវុធហត្ថស្រុកភ្នំស្រួចបានបន្តទៀតថា រហូតដល់វេលាម៉ោង០១រសៀល ថ្ងៃទី២៧ ខែធ្នូ ឆ្នាំ២០២៥ កម្លាំងមូលដ្ឋានកងរាជអាវុធហត្ថស្រុកភ្នំស្រួច បានសហការជាមួយកម្លាំងអង្គភាពនគរបាល និងកម្លាំងកងរាជអាវុធហត្ថខេត្តកំពង់ស្ពឺ បានធ្វើការស្រាវជ្រាវកំណត់មុខសញ្ញាឈានទៅឃាត់ខ្លួនជនសង្ស័យចំនួន០២នាក់ និងធ្វើការដកហូតវត្ថុតាងរួម
១ -ម៉ូតូចំនួន០៤ គ្រឿង (ម៉ូតូ របស់ជនរងគ្រោះ០១គ្រឿង)
២- ទូរសព្ទ័ចំនួន០២គ្រឿង
៣- IPad ចំនួន០១គ្រឿង
៤ -បារីអេឡិកត្រូនិចចំនួន០២ដើម
៥- ស្លាកលេខម៉ូតូ ចំនួន០១សន្លឹក
៦- ជញ្ជីងអេឡិចត្រួនិច ចំនួន ០១ គ្រឿង ។
៧- ឧបករណ៍សម្រាប់ប្រើប្រាស់គ្រឿងញៀនមួយចំនួន។ លុះរហូតដល់វេលាម៉ោង ០៤និង២៥នាទីរសៀល ថ្ងៃទី២៧ ខែធ្នូ ឆ្នាំ២០២៥ កម្លាំងអាវុធហត្ថបានបន្តទៅឆែកឆេរផ្ទះរបស់ឈ្មោះ ណាត់ ផានិត ស្ថិតនៅក្នុងភូមិប្រសព្វជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដកហូតវត្ថុតាងរួមមាន៖
~ផ្លាកលេខម៉ូតូចំនួន០២ សន្លឹក ១~កំពង់ស្ពឺ1AA-4244 ២~ភ្នំពេញ1KS-6442
~ខ្សៀជក់គ្រឿងញៀន ចំនួន ០១
~ដែកកេះចំនួន ០៥ដើម ។
បច្ចុប្បន្នក្រុមជនសង្ស័យរួមជាមួយនិងវត្ថុតាំង មូលដ្ឋានអាវុធហត្ថស្រុកភ្នំស្រួចបានបញ្ជូន ទៅបញ្ជាការដ្ឋានកងរាងអាវុធហត្ថខេត្តកំពង់ស្ពឺ ដើម្បីកសាងសំណុំរឿងចាត់ការបន្តតាមផ្លូវច្បាប់៕
ចែករំលែកព័តមាននេះ