ខេត្តត្បូងឃ្មុំ ៖ ស្របពេលរដូវប្រាំងនិងខ្យល់បក់ផាត់មកពីទិសខាងជើងរាងត្រជាក់នាពេលព្រឹកៗ ។ចៃដន្យស្រាប់តែមានគ្រោះអគ្គីភ័យឆាបឆេះលំនៅឋានរបស់ប្រជាពលរដ្ឋនៅឃុំត្រពាំងផ្លុង ស្រុកពញាក្រែក ដោយមានអណ្ដាតភ្លើងក្រហមច្រាលទៅលើអាកាសសំណាងល្អក្នុងហេតុការណ៍នេះមិនមានអ្នករងគ្រោះនោះឡើយ។
សមត្ថកិច្ចមូលដ្ឋានបានប្រាប់ឲ្យដឹងថា:នៅវេលាម៉ោង១០ និង៥០នាទីព្រឹកថ្ងៃទី២៧ធ្នូ ឆ្នាំ២០២៥ មានករណីគ្រោះថ្នាក់អគ្គីភ័យ ឆេះផ្ទះរបស់ប្រជាពលរដ្ឋ ម្ចាស់ផ្ទះឈ្មោះវឿន សេងនិត ភេទស្រី អាយុ៣៩ឆ្នាំ ជាតិខ្មែរ ស្ថិតនៅភូមិត្រពាំងព្រីងទី១ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ។
ក្រោយទទួលបានព័ត៌មាននេះលោកវីរៈសេនីយ៍ឯកថាញ់ សុខវ៉ាតអធិការនគរបាលស្រុក បានឲ្យរថយន្តពន្លត់អគ្គីភ័យមួយគ្រឿងចេញអន្តរាគមន៍បាញ់ទឹកពន្លត់ ដោយទប់ស្កាត់មិនឱ្យឆេះឆ្លងដល់ផ្ទះអ្នកជិតខាង។
សមត្ថកិច្ចមូលដ្ឋានបានបន្តហើយដឹងទៀតថា ណាមួយខែនេះជារដូវធ្លាក់ខ្យល់ហើយផ្ទះឈើ ចម្ងាយផ្លូវក៏រាងឆ្ងាយទៀតទម្រាំតែរថយន្តទៅដល់គឺផ្ទះឈើនោះបានឆេះស្ទើរតែអស់ទៅហើយ។
ការខូតខាចរួមមាន៖
១.ផ្ទះ១ខ្នងកន្លះ ទំហំ៦.៥ម៉ែត្រ គុណនឹង៧.៥ម៉ែត្រ។
២.គ្រែដេកឈើ ចំនួន២។
៣.ពូកដេកចំនួន២។
៤.សម្លៀកបំពាក់ ឆេះទាំងស្រុង។
៥.តុ បាយ ចំនួន១។
៦.សំភារៈផ្ទះបាយ ឆេះទាំងស្រុង។
៧.និង ប្រាក់រៀលចំនួន ១.៨០០.០០០ម៉ឺនរៀល។
ករណីនេះមិនមានរងរបួសមនុស្សទេ។
កម្លាំងជំនាញនៃអធិការដ្ឋាននគរបាលស្រុកពញាក្រែក បានចុះប្រតិបត្តិការអន្តរាគមន៍បាញ់ពន្លត់គ្រប់គ្រងបានទាំងស្រុងនៅវេលាម៉ោង១១ នឹង២៥នាទីព្រឹកថ្ងៃខែឆ្នាំដដែល។
ចំពោះមូលហេតុ: ទុស្សេខ្សែភ្លើងកង្ហារដោតនៅខាងលើផ្ទះឈើ ដោយម្ដាយចំណាស់កំពុងតែបញ្ចុកបាយចៅនៅខាងក្រោមផ្ទះ គ្រានោះភ្លើងបានឆាបឆេះលឿនដោយម្ចាស់ផ្ទះមិនអាចយករបស់ទ្រព្យបាន ៕
ចែករំលែកព័តមាននេះ