ស្ថានទូតបារាំងប្រចាំកម្ពុជា បានប្រកាសថា ក្រសួងអឺរ៉ុប និងការបរទេសបារាំង បានចេញសេចក្តីថ្លែងការណ៍ផ្លូវការមួយ កាលពីថ្ងៃទី២៧ ខែធ្នូ ឆ្នាំ២០២៥ ដោយសម្តែងនូវការអបអរសាទរយ៉ាងខ្លាំង ចំពោះការសម្រេចបាននូវបទឈប់បាញ់គ្នារវាងប្រទេសកម្ពុជា…
ស្ថានទូតបារាំងប្រចាំកម្ពុជា បានប្រកាសថា ក្រសួងអឺរ៉ុប និងការបរទេសបារាំង បានចេញសេចក្តីថ្លែងការណ៍ផ្លូវការមួយ កាលពីថ្ងៃទី២៧ ខែធ្នូ ឆ្នាំ២០២៥ ដោយសម្តែងនូវការអបអរសាទរយ៉ាងខ្លាំង ចំពោះការសម្រេចបាននូវបទឈប់បាញ់គ្នារវាងប្រទេសកម្ពុជា និងថៃ ។
ជាក់ស្តែង ស្ថានទូតបារាំងប្រចាំកម្ពុជា បានប្រកាសនារសៀលថ្ងៃទី២៨ ខែធ្នូ ឆ្នាំ២០២៥នេះថា ៖ ប្រទេសកម្ពុជា/ថៃ-ការចូលជាធរមាននៃបទឈប់បាញ់ (ថ្ងៃទី២៧ ខែធ្នូ ឆ្នាំ២០២៥) ។
ប្រទេសបារាំងវាយតម្លៃខ្ពស់ចំពោះការចូលជាធរមាន នៅថ្ងៃសៅរ៍ ទី២៧ ខែធ្នូ នៃបទឈប់បាញ់រវាងប្រទេសថៃ និងប្រទេសកម្ពុជា បន្ទាប់ពីកិច្ចប្រជុំគណៈកម្មាធិការព្រំដែនទូទៅ ដែលឆ្លុះបញ្ចាំងឱ្យឃើញការចាប់ផ្តើមឡើងវិញនូវកិច្ចសន្ទនារវាងអាជ្ញាធរយោធានៃប្រទេសទាំងពីរ ។
អំណឹះតទៅ សន្តិភាពត្រូវតែបានគេពង្រឹង។ ប្រទេសបារាំងជំរុញឱ្យភាគីទាំងពីរចាត់វិធានការចាំបាច់ទាំងអស់ឱ្យបានឆាប់តាមដែលអាចធ្វើបានដើម្បីធានាការការពារប្រជាពលរដ្ឋរបស់ខ្លួន ការវិលត្រលប់ទៅកាន់ផ្ទះសំបែងវិញរបស់ប្រជាពលរដ្ឋដែលត្រូវបានជម្លៀស ក៏ដូចជាការដោះស្រាយជម្លោះរវាងប្រទេសទាំងពីរដោយសន្តិវិធី ដោយគោរពច្បាប់អន្តរជាតិ។
ដូចអ្វីដែលលោករដ្ឋមន្ត្រីការបរទេសបារាំង បានធានាជូនសមភាគីថៃ និងកម្ពុជា ក្នុងអំឡុងកិច្ចពិភាក្សាកាលពីថ្ងៃទី២៣ ខែធ្នូកន្លងទៅ ប្រទេសបារាំងស្ថិតនៅក្បែរប្រទេសទាំងពីរ និងប្រធានអាស៊ានដើម្បីផ្តល់ការជួយជ្រោមជ្រែង៕
ចែករំលែកព័តមាននេះ