ក្រុមតារាចម្រៀងបុរស K-Pop ដ៏ល្បីល្បាញ បានបេ្តជ្ញាជួយផ្សព្វផ្សាយដល់ប្រជាជនកូរ៉េ និងពិភពលោកពីកត្តាសុខសុវត្ថិភាព និងបដិសណ្ឋារកិច្ចរបស់ប្រជាជនកម្ពុជា ។ ការសន្យានេះ ត្រូវបានគេដឹងថា គឺបានធ្វើនៅពេលដែល…
ក្រុមតារាចម្រៀងបុរស K-Pop ដ៏ល្បីល្បាញ បានបេ្តជ្ញាជួយផ្សព្វផ្សាយដល់ប្រជាជនកូរ៉េ និងពិភពលោកពីកត្តាសុខសុវត្ថិភាព និងបដិសណ្ឋារកិច្ចរបស់ប្រជាជនកម្ពុជា ។
ការសន្យានេះ ត្រូវបានគេដឹងថា គឺបានធ្វើនៅពេលដែល លោក ហួត ហាក់ រដ្ឋមន្ត្រីក្រសួងទេសចរណ៍ ជួបពិភាក្សាជាមួយនឹងលោកស្រី ណា យន់ជង ( Na Yunjung) តំណាងក្រុមហ៊ុន K’VE Entertainment ដែលបានដឹកនាំក្រុមតារាចម្រៀងបុរស K-POP ដែលកំពុងតែល្បីនៅសាធារណរដ្ឋកូរ៉េ ក្រុម N-CHIVE និងសហការី កាលពីថ្ងៃទី២៦ ខែធ្នូកន្លងទៅ ដើម្បីសម្តែងការគួរសម រាយការណ៍ពីសកម្មភាពការងារ និងស្នើសុំអនុសាសន៍ដឹកនាំលើការរៀបចំកម្មវិធីតន្រី្តទេសចរណ៍ចែករំលែកក្តីស្រលាញ់ និងសាមគ្គីភាពពីប្រជាជនកូរ៉េនៅរាជធានីភ្នំពេញ ។
ចំពោះការសន្យានេះ លោករដ្ឋមន្ត្រីបានវាយតម្លៃខ្ពស់ចំពោះគំនិតផ្តួចផ្តើម និងគម្រោងដ៏ល្អរបស់ក្រុមហ៊ុនដែលបានសម្លឹងមើលឃើញពីសក្តានុពលទេសចរណ៍ដ៏សម្បូរបែប និងកាលានុវត្តវិនិយោគរបស់កម្ពុជា ជាពិសេស គឺការស្វែងយល់ច្បាស់ និងទំនុកចិត្តរបស់ក្រុមហ៊ុនពីស្ថានភាពនយោបាយ សេដ្ឋកិច្ច សន្តិសុខសង្គម និងសណ្តាប់ធ្នាប់សាធារណៈដ៏ល្អប្រពៃ ដែលកម្ពុជាមាននាពេលបច្ចុប្បន្ន ក៏ដូចជា ការធានានូវសុខសុវត្ថិភាពជូនដល់អ្នកទេសចរ និងវិនិយោគិនអន្តរជាតិរបស់រាជរដ្ឋាភិបាលកម្ពុជា ។
នៅក្នុងរយៈពេល១១ខែនៃឆ្នាំ២០២៥កន្លងទៅ កូរ៉េនៅតែជាទីផ្សារទេសចរណ៍បរទេសកំពូលទាំង៥ របស់កម្ពុជា ។ នៅក្នុងរយៈពេលនេះ កម្ពុជាអាចទាក់ទាញភ្ញៀវទេសចរពីកូរ៉េប្រមាណជាជាង១៤ ម៉ឺននាក់ ធ្លាក់ចុះប្រមាណជា ១៦ភាគរយ ឯណោះ ៕
ចែករំលែកព័តមាននេះ