ឥន្ទ្រីដែកអាល្លឺម៉ង់រងភាពអាម៉ា.ស់ជាថ្មីម្តងទៀត ក្រោមថ្វីជើងក្រុមសាំម៉ូរៃជប៉ុន
អាល្លឺម៉ង់ ៖ ក្រុមបាល់ទាត់ជម្រើសជាតិអាល្លឺម៉ង់ បន្តរងភាពអាម៉ាស់សារជាថ្មីៗម្តងទៀត ក្រោមថ្វី
អាល្លឺម៉ង់ ៖ ក្រុមបាល់ទាត់ជម្រើសជាតិអាល្លឺម៉ង់ បន្តរងភាពអាម៉ាស់សារជាថ្មីៗម្តងទៀត ក្រោមថ្វីជើងក្រុមបាល់ទាត់ជម្រើសជាតិជប៉ុន ក្រោយចាញ់ការប្រកួតមិត្តភាពអន្តរជាតិ ឬ FIFA Day នៅក្នុងលទ្ធផល ៤-១ នៅលើទឹកដីរបស់ខ្លួន កាលពី០៩ ខែកញ្ញា ឆ្នាំ២០២៣ កន្លងទៅ។
ជំនួបដែលធ្វើឡើងនៅកីឡដ្ឋាន Volkswagen Arena ដែលមានមូលដ្ឋាននៅក្នុងទីក្រុង Wolfsburg ដោយក្រុមភ្ញៀវជប៉ុន បើកការនាំមុខមុននៅនាទី១១ រកបានដោយខ្សែបម្រើស្លាប Junya Ito មុនពេលម្ចាស់ផ្ទះអាល្លឺម៉ង់តាមស្មើមកវិញ ដោយខ្សែបម្រើស្លាប Leroy Sane នៅនាទី១៩ ប៉ុន្តែទោះយ៉ាងណា នៅនាទី២២ ខ្សែប្រយុទ្ធ Ayase Ueda ធ្វើសម្រេច១គ្រាប់ទៀត ជួយក្រុមភ្ញៀវនាំមុខសារជាថ្មីម្តងទៀត ហើយលទ្ធផលនេះ រក្សាដល់ចប់វគ្គទី១។
ការប្រកួតឈានចូលដល់វគ្គទី២ គឺជាពេលដែលម្ចាស់ផ្ទះអាល្លឺម៉ង់រងភាពអាម៉ាស់ ដោយក្រុមភ្ញៀវជប៉ុន បន្ថែម២គ្រាប់ទៀតនៅវិនាទីចុងក្រោយ ពោលគឺនៅនាទី៩០ និង ៩០+២ សម្រេចបានដោយខ្សែប្រយុទ្ធ Takuma Asano និងខ្សែបម្រើ Ao Tanaka។
គួរបញ្ជាក់ថា នេះគឺជាការរងភាពអាម៉ាស់ជាលើកទី២ជាប់គ្នា សម្រាប់ក្រុមឥន្ទ្រីដែកអាល្លឺម៉ង់ ក្រោមថ្វីជើងក្រុមដាវសាំម៉ូរៃជប៉ុន ខណៈដែលលើកទី១ កើតឡើងនៅក្នុងព្រឹត្តិការណ៍ World Cup ឆ្នាំ ២០២២ នៅប្រទេសកាតា កាលពីថ្ងៃទី២៣ ខែវិច្ឆិកា ឆ្នាំ២០២២ កន្លងទៅ នៅក្នុងការប្រកួតវគ្គចែកពូល ដោយជប៉ុនយកឈ្នះអាល្លឺម៉ង់ ដោយលទ្ធផល ២-១។ អាល្លឺម៉ង់ធ្លាក់ត្រឹមវគ្គចែកពូល ខណៈដែលជប៉ុនបញ្ចប់នៅត្រឹមវគ្គ១៦ក្រុមចុងក្រោយ ដោយចាញ់ក្រូអាត តាមរយៈការទាត់បាល់ប៉េណាល់ទីកាត់សេចក្តីលទ្ធផល ៣-១៕
ចែករំលែកព័តមាននេះ