រាជធានីភ្នំពេញ ៖ ខណៈទស្សនកិច្ចជាផ្លូវការនៅកម្ពុជា ប្រធានរដ្ឋសភាកូរ៉េជឿជាក់ថា ថ្នាក់ដឹកនាំវ័យក្មេងរបស់កម្ពុជា នាពេលបច្ចុប្បន្ននឹងប្រែក្លាយកម្ពុជាទៅជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលកម្រិតខ្ពស់នាឆ្នាំ២០៥០។ ក្នុងជំនួបពិភាក្សាការងារជាមួយ សម្តេចវិបុលសេនាភក្តី សាយ…
រាជធានីភ្នំពេញ ៖ ខណៈទស្សនកិច្ចជាផ្លូវការនៅកម្ពុជា ប្រធានរដ្ឋសភាកូរ៉េជឿជាក់ថា ថ្នាក់ដឹកនាំ
វ័យក្មេងរបស់កម្ពុជា នាពេលបច្ចុប្បន្ននឹងប្រែក្លាយកម្ពុជាទៅជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលកម្រិតខ្ពស់នាឆ្នាំ២០៥០។
ក្នុងជំនួបពិភាក្សាការងារជាមួយ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទីនៃព្រះរាជាណាចក្រកម្ពុជា នាព្រឹកថ្ងៃទី០៨ ខែកញ្ញា ឆ្នាំ២០២៣ នៅវិមានព្រឹទ្ធសភា លោក គីម ជីនផ្យូ (Kim Jin-Pyo) បានវាយតម្លៃខ្ពស់ចំពោះការអភិវឌ្ឍន៍យ៉ាងឆាប់រហ័សរបស់កម្ពុជាទាំងផ្នែកសេដ្ឋកិច្ច នយោបាយ និងសង្គម ។
ប្រធានរដ្ឋសភារូបនេះបានបង្ហាញជំនឿជឿជាក់ថា កម្ពុជានឹងសម្រេចបានការរីកចម្រើនសេដ្ឋកិច្ចកាន់តែរឹងមាំ និងជោគជ័យគ្រប់ផ្នែកថែមទៀត ដូចដែលបានសម្រេចកាលពីពេលកន្លងមក ក្រោមការដឹកនាំ របស់សម្តេចតេជោជាមួយនឹងការគាំទ្រពីអង្គការនីតិប្បញ្ញត្តិនៃប្រទេសទាំងពីរ ។ លោកគីម ជីនផ្យូ បានគូសបញ្ជាក់ថា៖ «ខ្ញុំសង្ឃឹមជឿងជាក់ថា ថ្នាក់ដឹកនាំវ័យក្មេងរបស់កម្ពុជានាពេលបច្ចុប្បន្ន នឹងនាំកម្ពុជាធ្វើឲ្យសម្រេចនូវគោលដៅប្រែក្លាយកម្ពុជាទៅជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលកម្រិតខ្ពស់ឆ្នាំ២០៥០» ។
ប្រធានរដ្ឋសភាកូរ៉េ បានបញ្ជាក់អំពីបំណងរបស់រដ្ឋាភិបាល និងសភាកូរ៉េ ក្នុងការបន្តពង្រឹងទំនាក់ទំនង និងកិច្ចសហប្រតិបតិ្តការល្អជាមួយកម្ពុជាកាន់តែរឹងមាំដោយចាត់ទុកកម្ពុជា ជាដៃគូសំខាន់ក្នុងក្របខណ្ឌអាស៊ាន-កូរ៉េ និងជាប្រទេសដៃគូ ODA ដ៏សំខាន់ ។ ដើម្បីសម្រេចគោលដៅទាំងនេះ ប្រទេសទាំងពីរត្រូវតែលើកកម្ពស់ទំនាក់ទំនង និងកិច្ចប្រតិបតិ្តការ ឱ្យកាន់តែស៊ីជម្រៅ តាមរយៈការផ្លាស់ប្តូរដំណើរទស្សនកិច្ចរបស់ថ្នាក់ដឹកនាំនៃប្រទេសទាំងពីរ ។
ក្នុងជំនួបនោះដែរ ជាមួយគ្នានោះ លោកប្រធានរដ្ឋសភាកូរ៉េបានថ្លែងអំណរគុណកម្ពុជាដែលបានគាំទ្រសាធារណរដ្ឋកូរ៉េធ្វើជាម្ចាស់ផ្ទះរៀបចំពិព័រណ៍ពិភពលោកនៅឆ្នាំ២០៣០ ខាងមុខ នៅទីក្រុង Busan ។ ប្រទេសកម្ពុជាជាប្រទេសទី១ក្នុងតំបន់អាស៊ាន ដែលបានផ្តល់ការគាំទ្រដល់សាធារណ រដ្ឋកូរ៉េ ហើយការបោះឆ្នោតសម្រេចនៃការធ្វើជាម្ចាស់ផ្ទះពិព័រណ៍ពិភពលោក នឹងប្រព្រឹតិ្តទៅនៅសប្តាហ៍១ ខែវិច្ឆិកា ឆ្នាំនេះ។
ក្នុងជំនួបនោះដែរ សម្តេចប្រមុខរដ្ឋស្តីទីបានសម្តែងនូវការអបអរសាទរចំពោះការសម្រេចនូវសមិទ្ធផលសង្គម-សេដ្ឋកិច្ចដ៏ធំធេងរបស់សាធារណរដ្ឋកូរ៉េ ក្រោមការដឹកនាំរបស់លោកប្រធា នា ធិបតី និងថ្នាក់ដឹកនាំកូរ៉េ នឹងបន្តសម្រេចបានជោគជ័យក្នុងការអភិវឌ្ឍសង្គម-សេដ្ឋកិច្ចប្រកប ដោយវិបុលភាព វឌ្ឍនភាព និងសុភមង្គល ។
សម្តេចបានបន្តថា កម្ពុជាចាត់ទុកការរីកចម្រើនរបស់សាធារណរដ្ឋកូរ៉េជាការរីកចម្រើនរបស់កម្ពុជា និងជាការរីកចម្រើនរួមរបស់តំបន់ និងបានរួមចំណែកយ៉ាងសំខា ន់ដល់ការនាំមក នូវសន្តិភាព សន្តិសុខ ស្ថិរភាពក្នុងតំបន់និងអន្តរជាតិ ។
ចែករំលែកព័តមាននេះ