រាជធានីភ្នំពេញ ៖ ក្រោយស្ត្រីម្នាក់បានសំណូមពរតាមបណ្តាញសារព័ត៌មាន ដោយធ្វើការស្នើសុំឲ្យស្នងការនគរបាលរាជធានីភ្នំពេញជួយអន្តរាគមន៍ ពាក់ព័ន្ធនឹងករណីស្ត្រីអតីតម្តាយក្មេកនិងបក្សពួកសំរុកចូលដល់ក្នុងផ្ទះជួលនិងព្រួតគ្នាវ៉ៃ ពេលនេះ ត្រូវបានលោកឧត្តមសេនីយ៍ទោ ជួន ណារិន្ទ ទើបកាន់តំណែងថ្មីជាស្នងការនគរបាលរាជធានីភ្នំពេញ…
រាជធានីភ្នំពេញ ៖ ក្រោយស្ត្រីម្នាក់បានសំណូមពរតាមបណ្តាញសារព័ត៌មាន ដោយធ្វើការស្នើសុំឲ្យស្នងការនគរបាលរាជធានីភ្នំពេញជួយអន្តរាគមន៍ ពាក់ព័ន្ធនឹងករណីស្ត្រីអតីតម្តាយក្មេកនិងបក្សពួកសំរុកចូលដល់ក្នុងផ្ទះជួលនិងព្រួតគ្នាវ៉ៃ ពេលនេះ ត្រូវបានលោកឧត្តមសេនីយ៍ទោ ជួន ណារិន្ទ ទើបកាន់តំណែងថ្មីជាស្នងការនគរបាលរាជធានីភ្នំពេញ ដាក់បទបញ្ជាទៅអធិការដ្ឋាននគរបាលខណ្ឌឬស្សីកែវ ឱ្យស្រាវជ្រាវរឿងនេះជាបន្ទាន់ ។
យោងតាមផេកស្នងការរាជធានីភ្នំពេញបានឱ្យដឹងថា ក្រុមការងារព័ត៌មាននិងប្រតិកម្មរហ័ស សូមជម្រាបជូនសាធារណៈជនឲ្យបានជ្រាបថា ក្រោយពីបានទទួលព័ត៌មានពីស្ត្រីម្នាក់ឈ្មោះ ចាន់ រតនា ដែលរស់នៅភួមិបឹងសាឡាង សង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ ដែលបានសំណូមពរតាមបណ្តាញសារព័ត៌មានស្នើសុំឲ្យស្នងការនគរបាលរាជធានីភ្នំពេញ ឧត្តមសេនីយ៍
ម្តាយក្មេក និងបក្សពួកម្នាក់ទៀត ដែលបានសំរុកចូលដល់ក្នុងផ្ទះជួល និងព្រួតគ្នាវ៉ៃយ៉ាងអនាធិបតេយ្យ ក្នុងសង្កាត់ប្ញស្សីកែវនោះមក ។
ឯកឧត្តមឧត្តមសេនីយ៍ទោ ជួន ណារិន្ទ ស្នងការនគរបាលរាជធានីភ្នំពេញ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក្រោយពីទទួលបានព័ត៌មាននេះហើយ ភ្លាមនោះក៏បានដាក់បទបញ្ជាទៅអធិការដ្ឋាននគរបាលខណ្ឌឬស្សីកែវដើម្បីស្រាវជ្រាវជាបន្ទាន់ ។ ក្រោយពីទទួលបានបទបញ្ជានោះហើយ លោករអធិការនគរបាលខណ្ឌឬស្សីកែវបានធ្វើការបំភ្លឺ និងបញ្ជាក់ថា ស្ត្រីរងគ្រោះបានមកដាក់បណ្តឹងនៅប៉ុស្តិ៍នគរបាលរដ្ឋបាលប្ញស្សីកែវនោះហើយ ក្រោយពីពេលកើតហេតុ ។ ជាមួយគ្នានោះ ប៉ុស្តិ៍នគរបាលរដ្ឋបាលប្ញស្សីកែវក៏បានចេញលិខិតកោះហៅស្ត្រីជាម្តាយក្មេកដើម្បីចូលមកបំភ្លឺជុំវិញករណីហិង្សានេះ នៅប៉ុស្តិ៍នគរបាលរដ្ឋបាលប្ញស្សីកែវ ខណ្ឌឬស្សីកែវ កាលពីថ្ងៃទី០៨ ខែកញ្ញា ឆ្នាំ២០២៣ ខាងមុខនេះ ដើម្បីដោះស្រាយ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌប្ញស្សីកែវប្រាប់ឲ្យដឹងថា យោងតាមពាក្យបណ្តឹងរបស់ ឈ្មោះ ចាន់ រតនា បានបំភ្លឺថា នៅថ្ងៃទី៤ ខែកញ្ញា ឆ្នាំ២០២៣ វេលាម៉ោង២និង០៦នាទីរសៀល ស្ថិតក្នុងផ្ទះជួល ក្នុងភូមិបឹងសាឡាង សង្កាត់ប្ញស្សីកែវ ខណ្ឌឬស្សីកែវ រាជធានីភ្នំពេញ ។ រូបនាងកំពុងនៅផ្ទះជាមួយកូនប្រុស ឈ្មោះ ទូ កក្កដា អាយុ ៣ឆ្នាំ ។ ពេលនោះឈ្មោះ ទ្រុយ ចន្ទ្រា អតីតម្តាយក្មេកនិងឈ្មោះ ញ៉ុង សភាព បានមកផ្ទះនាងក្នុងបំណងយកកូននាងទៅនៅជាមួយពួកគេ ក្រោយកូនប្រុសរបស់គាត់បានលែងលះជាមួយស្ត្រីរងគ្រោះរួចហើយ ។ ប៉ុន្តែនាងមិនព្រមឲ្យទៅនៅជាមួយពួកគេ ស្រាប់តែឈ្មោះទ្រុយ ចន្ទ្រា ស្ទុះទៅវាយលើរូបនាង
បណ្តាលអោយមានស្នាមរបួសពេញមុខនិងបានយកជើងធាក់ចុងដង្ហើមទៀត ។
ជុំវិញបញ្ហានេះ ឯកឧត្តមឧត្តមសេនីយ៍ទោ ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ និងបន្តតាមដានករណីនេះបន្ថែមទៀត ហើយផ្តល់ព័ត៌មាននៅពេលខាងមុខទៀត ក្រោយស្ត្រីជាម្តាយក្មេកចូលខ្លួនបំភ្លឺនៅប៉ុស្តិ៍នគរបាលរដ្ឋប្ញស្សីកែវ ខណ្ឌប្ញស្សីកែវ នៅថ្ងៃទី០៨ ខែកញ្ញា ឆ្នាំ២០២៣ ខាងមុខ។ ដូចបានជម្រាបជូនខាងលើ សូមសាធារណៈជនមេត្តាជ្រាបជាព័ត៌មាន ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ