លោក អ៊ី ម៉េងលាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បន្ទាប់ពីមានការបែកធ្លាយក្រដាសវេរលុយតាមធនាគារវីង និងតាមធនាគារអេស៊ីលីដាជាច្រើនសន្លឹក ដែលឈ្មួញនេសាទប្រើប្រាស់ឧបករណ៍ល្មើសច្បាប់ និងដឹកជញ្ជូនខ្យង.សទៅលក់នៅ
ខេត្តកោះកុង ៖ លោក អ៊ី ម៉េងលាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បន្ទាប់ពីមានការបែកធ្លាយក្រដាសវេរលុយតាមធនាគារវីង និងតាមធនាគារអេស៊ីលីដាជាច្រើនសន្លឹក ដែលឈ្មួញនេសាទប្រើប្រាស់ឧបករណ៍ល្មើសច្បាប់ និងដឹកជញ្ជូនខ្យង.សទៅលក់នៅប្រទេសវៀតណាម គ្មានលិខិតអនុញ្ញាតិពីក្រសួងកសិកម្មជាច្រើនលានរៀលនោះរួចមក ដោយគ្មានវិធានការបង្ក្រាបធ្វើឲ្យហិនហោចដល់ធនធានធម្មជាតិ មច្ឆាសមុទ្រ ជាពិសេសនៅបូទុមសាគរ ហើយលោកប្រធានមន្ទីររូបនោះ បានដកមន្ត្រីនាយផ្នែកជលផលរបស់ខ្លួន ដែលពាក់ព័ន្ធមកបញ្ឈរជើងមិនបានប៉ុន្មានថ្ងៃផង ពេលនេះត្រូវបានរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ធ្វើការដករូបលោកបន្តទៀតហើយ។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ពេលនេះបានកាត់សាច់ស្អុយចោលហើយ ដោយបានផ្អាកតួនាទី ភារៈកិច្ចជាបណ្ដោះអាសន្ន លោកអ៊ី ម៉េងលាង ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកោះកុង ចំពោះភាពមិនប្រក្រតី ក្នុងការអនុវត្តការងារដឹកនាំ និងគ្រប់គ្រងរបស់មន្ទីរ។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីសម្រេចស្តីពីការផ្អាក និងចាត់តាំងមន្ត្រីរាជការធ្វើឡើងនៅថ្ងៃទី១ ខែកញ្ញា ឆ្នាំ២០២៣នេះ ដោយបានផ្អាកតួនាទី និងភារៈកិច្ចរបស់លោកអ៊ី ម៉េងលាង ដែលជាប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ជាបណ្ដោះអាសន្ន។ ហើយក៏បានចាត់តាំងលោកស្រី អែម សុធារ៉ា អនុប្រធានមន្ទីរ ជាអនុប្រធានមន្ទីរ ទទួលបន្ទុករួមនៃមន្ទីកសិកម្ម រុក្ខាប្រមាញ់ និងនេសាទខេត្តកោះកុង ជំនួសប្រធានចាស់ ដោយមានភារៈកិច្ចដឹកនាំ និងគ្រប់គ្រងការងាររបស់មន្ទីរ រហូតដល់មានការសម្រេចជាថ្មីរបស់ក្រសួងកសិកម្ម រុក្ខាប្រមាញ់ និងនេសាទ។
លោក ព្រំ វណ្ណា នាយផ្នែកជលផលស្រុកបូទុមសាគរ ត្រូវបានប្រធានមន្ទីរកសិកម្មខេត្តកោះកុង ចេញលិខិតបង្គាប់ការឲ្យមកបំពេញការងារនៅខណ្ឌរដ្ឋបាលជលផលខេត្តកោះកុងជាបណ្តោះអាសន្ន នៅថ្ងៃទី០១ ខែកញ្ញា ឆ្នាំ២០២៣ ក្រោយពីមានរឿងអាស្រូវជាច្រើន។
លោក អ៊ី ម៉េងលាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បើយោងតាមសេចក្តីសម្រេចរបស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានន័យថា ទាំងប្រធានមន្ទីរ និងនាយផ្នែកនោះ ត្រូវបានផ្អាកភារៈកិច្ចទាំង២នាក់តំណាលគ្នា។
ក្នុងខណៈដែលខ្លួនជាប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង ហើយបានដកមន្ត្រីរបស់ខ្លួនជានាយផ្នែកជលផលបូទុមសាគរ បញ្ឈរជើងនោះផងដែរ មិនដឹងថា ខ្លួនគាត់នោះបានដឹងទេថា ខ្លួនក៏ត្រូវប្រឈមនឹងការដកបញ្ឈរជើងដូចគ្នាដែរ។
រឿងរ៉ាវជាច្រើនដែលលោកប្រធានមន្ទីរ និងលោកនាយផ្នែក បានប្រព្រឹត្តធ្វើព្យុះភ្លៀងនៅក្នុងតំបន់គ្រប់គ្រងរបស់ខ្លួន រហូតឈានដល់ការបែកធ្លាយក្រដាសវេរលុយតាមធនាគារវីង និងតាមធនាគារអេស៊ីលីដា ដែលឈ្មួញនេសាទប្រើប្រាស់ឧបករណ៍ល្មើសច្បាប់ និងដឹកជញ្ជូនខ្យង.សទៅលក់នៅប្រទេសវៀតណាម គ្មានលិខិតអនុញ្ញាតិពីក្រសួងកសិកម្មជាច្រើនសន្លឹកវេរទៅឲ្យមន្ត្រីជលផលបូទុមសាគរ និងប្រធានមន្ទីរកសិកម្ម រុក្ខាប្រមាញ់នោះ មានចំនួន២៦សន្លឹក ដែលមានលុយចាប់ពី៥០ម៉ឺនរៀល, ៧០ម៉ឺនរៀល, ១លានរៀល, ២លានរៀល រហូតដល់៤លានរៀលជាប្រាក់ក្រោមតុ នេះមិនរាប់បញ្ចូលការពិន័យអន្ដរកាល លើការចាប់រថយន្ដដឹកជញ្ជូនខ្យង.ស និងការចាប់ទូកនេសាទអូសខ្យង.សនោះទេ ។
ហើយក៏មានសម្លេងអ្នករកស៊ីខ្យង.សឈ្មោះ ដាំ និងសម្លេងមន្ត្រីជលផលបូទុមសាគរ ទារលុយសំណូកពុករលួយពីមេឈ្មួញប្រើប្រាស់ឧបករណ៍នេសាទល្មើសច្បាប់ អូសខ្យង.សយកទៅលក់នៅប្រទេសវៀតណាម ឈ្មោះ ជីវ័ន្ដ ថែមទៀតផង ។
ហើយរហូតមកដល់ពេលនេះ ទាំងលោកប្រធានមន្ទីរកសិកម្មខេត្តកោះកុង និងលោកនាយផ្នែកជលផលស្រុកបូទុំសាគរនោះ ត្រូវបានរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដកបញ្ឈរជើងហើយ ក្រោយពីឯកឧត្តម គង់វ៉ាញ (Kong Vanh) អគ្គាធិការ នៃអគ្គាធិការដ្ឋានបានចុះស៊ើបអង្កេតរយៈពេល២ថ្ងៃ កឺនៅថ្ងៃទី២៧ និងថ្ងៃទៅ២៨ ខែសីហា ឆ្នាំ២០២៣។
មន្ដ្រីជំនាញជាន់ខ្ពស់ ឲ្យចុះទៅធ្វើអធិការកិច្ច តែមជ្ឈដ្ឋានជុំវិញ និងមហាជន កំពុងរង់ចាំមើលថា អង្គភាពប្រឆាំងអំពើពុករលុយមានចំណាត់ការបែបណានៅឡើយទេ ទៅលើបុគ្គលទាំងពីរនាក់ខាងលើនោះ។
គួររំលឹកថា ៖ ឥទ្ធិពល និងមហិទ្ធឫទ្ធិខ្យង.សដែលរត់ចោលស្រុក ទៅរស់នៅស្រុកយួនបានផ្អាកតួនាទី និងភារៈកិច្ចប្រធានមន្ទីរកសិកម្មកោះកុង បណ្តោះអាសន្ន ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ