រាជធានីភ្នំពេញ ៖ ប្រទះឃើញសាកសពបុរសម្នាក់ដេកស្លាប់នៅសល់តែស្បែកនិងឆ្អឹង ក្នុងផ្ទះចាស់ទុកចោលក្នុងដីឡូមួយកន្លែង បង្កការភ្ញាក់ផ្អើលដល់ពលរដ្ឋរាយការណ៍ប្រាប់សមត្ថកិច្ចមូលដ្ឋានចុះពិនិត្យកាលពីវេលាម៉ោង៨យប់ថ្ងៃទី១ កក្កដា ឆ្នាំ២០២៥ នៅចំណុចផ្ទះចាស់ទុកចោលក្នុងដីឡូមួយកន្លែងដែលព្រៃដុះហ៊ុមព័ទ្ធជុំវិញ ក្នុងភូមិជ្រៃកោង សង្កាត់ចោមចៅ២…
រាជធានីភ្នំពេញ ៖ ប្រទះឃើញសាកសពបុរសម្នាក់ដេកស្លាប់នៅសល់តែស្បែកនិងឆ្អឹង ក្នុងផ្ទះចាស់ទុកចោលក្នុងដីឡូមួយកន្លែង បង្កការភ្ញាក់ផ្អើលដល់ពលរដ្ឋរាយការណ៍ប្រាប់សមត្ថកិច្ចមូលដ្ឋានចុះពិនិត្យកាលពីវេលាម៉ោង៨យប់ថ្ងៃទី១ កក្កដា ឆ្នាំ២០២៥ នៅចំណុចផ្ទះចាស់ទុកចោលក្នុងដីឡូមួយកន្លែងដែលព្រៃដុះហ៊ុមព័ទ្ធជុំវិញ ក្នុងភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
តាមការបញ្ជាក់ពីពលរដ្ឋម្នាក់ដែលជាអ្នកដើររើសអេតចាយបានប្រាប់ឲ្យដឹងថា នៅមុនពេលកើតហេតុ ខណៈគាត់មកដល់ចំណុចដីឡូត៍ខាងលើក៏ដើរទៅនោមជិតនោះ និងធុំក្លិនស្អុយជាខ្លាំង ដោយមានការសង្ស័យក៏ដើរចូលទៅរកមើលក្នុងផ្ទះទុកចោលនោះ ស្រាប់តែប្រទះឃើញសាកសពបុរសម្នាក់បានដេកស្លាប់ទាំងអាក្រាតកាយស្អុយរលួយនៅសល់តែស្បែកនិងឆ្អឹងប៉ុណ្ណោះ ។ គាត់បានរត់ទៅប្រាប់អ្នកភូមិនាំគ្នាផ្អើលឆោឡោទៅមើល រួចហើយរាយការណ៍ប្រាប់ទៅអាជ្ញាធរមូលដ្ឋានចុះមកពិនិត្យទីតាំងកើតហេតុខាងលើភ្លាមៗ ដោយសារនៅទីនោះងងឹតខ្លាំងពេក ណាមួយសុទ្ធតែព្រៃហ៊ុមព័ន្ធជុំជិតទៀតផង ទើបខាងកម្លាំងសមត្ថកិច្ចបានចេញត្រឡប់ទៅគោលដៅវិញអស់ ។
សមត្ថកិច្ចបានបញ្ជាក់ប្រាប់ថា រង់ចាំព្រឹក ខាងមន្ត្រីផ្នែកជំនាញនឹងចុះទៅធ្វើការស្រាវជ្រាវពិនិត្យកោសល្យវិច្ច័យជុំវិញហេតុការណ៍ដែលប្រទះឃើញសាកសពបុរសម្នាក់ស្លាប់ខាងលើម្ដងទៀត ដើម្បីរកមូលហេតុ ៕
ចែករំលែកព័តមាននេះ