AFC U-23 ៖ បើកឆាកពូល J កម្ពុជារកបាន១ពិន្ទុ ក្រោយស្មើលីបង់
- ភ្នំពេញ
អារ៉ាប៊ីសាអូឌីត ៖ ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U-23) បានបញ្ចប់៩០នាទី
អារ៉ាប៊ីសាអូឌីត ៖ ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U-23) បានបញ្ចប់៩០នាទី
អារ៉ាប៊ីសាអូឌីត ៖ ក្រុមបាល់ទាត់ជម្រើសជាតិកម្ពុជាអាយុក្រោម២៣ឆ្នាំ (U-23) បានបញ្ចប់៩០នាទី ការប្រកួតបើកឆាកពូល J នៃវគ្គជម្រុះពានរង្វាន់ AFC U-23 Asian Cup 2024 ដោយស្មើលទ្ធផល ២-២ ទល់នឹងក្រុមបាល់ទាត់ជម្រើសជាតិលីបង់អាយុក្រោម២៣ឆ្នាំ នៅឯកីឡដ្ឋាន Prince Sultan bin Abdul Aziz នៅក្នុងទីក្រុងអាបា នៃអារ៉ាប៊ីសាអូឌីត កាលពីថ្ងៃទី៦ ខែកញ្ញា ឆ្នាំ២០២៣ កន្លងទៅ។
កម្ពុជា ស្ថិតនៅក្នុងពូល J រួមជាមួយនឹងម្ចាស់ផ្ទះអារ៉ាប៊ីសាអូឌីត ដែលជាក្រុមការពារតំណែងជើងឯក លីបង់ និងម៉ុងហ្គោលី។ ឆ្លងកាត់ការប្រកួតជុំទី១ អារ៉ាប៊ីសាអូឌីត ឈរកំពូលតារាងក្រោយឈ្នះម៉ុងហ្គោលី ដោយលទ្ធផល ៣-១ ខណៈដែលលីបង់ នៅលេខ២ និងកម្ពុជា នៅលេខ៣។
កម្ពុជា នៅសល់២ប្រកួតទៀត ដោយថ្ងៃទី៩ ខែកញ្ញា ឆ្នាំ២០២៣ ត្រូវប៉ះម៉ុងហ្គោលី មុនពេលបន្តជួបម្ចាស់ផ្ទះអារ៉ាប៊ីសាអូឌីត នៅថ្ងៃទី១២ ខែកញ្ញា ឆ្នាំ២០២៣ ដែលការប្រកួតទាំងអស់សុទ្ធតែធ្វើឡើងនៅកីឡដ្ឋាន Prince Sultan bin Abdul Aziz ។
សូមជម្រាបថា ពានរង្វាន់ AFC U-23 Asian Cup ត្រូវបានបង្កើតឡើងដំបូងនៅក្នុងឆ្នាំ ២០១៣ ដែលគ្រានោះនៅជា AFC U-22 Championship និងផ្លាស់បន្តទៅជា AFC U-23 Championship ចន្លោះឆ្នាំ ២០១៦ ដល់ ២០២០ មុនពេលត្រូវបានហៅដូចសព្វថ្ងៃ។ ពានរង្វាន់នេះ ត្រូវឡើងរៀងរាល់២ឆ្នាំម្តង ដោយគិតរហូតមកទល់ពេលនេះមាន ៥ ប្រទេសហើយ ដែលឈ្នះជើងឯករួមមាន ៖ អ៊ីរ៉ាក់ (២០១៣) ជប៉ុន (២០១៦) អ៊ូសបេគីស្ថាន (២០១៨) កូរ៉េខាងត្បូង (២០២០) និង អារ៉ាប៊ីសាអូឌីត (២០២២)៕ (រូបភាព ៖ សហព័ន្ធកីឡាបាល់ទាត់កម្ពុជា និង thelfadotcom)
ចែករំលែកព័តមាននេះ