កាណូត២គ្រឿងបានបើកបុ.កគ្នាលាន់ដូចរន្ទះ បណ្ដាលឱ្យភាគីម្ខាងបែកក្បាលហូរឈា.ម និងធ្លាក់ទឹក រហូតស្លា.ប់បា.ត់ប.ង់ជីវិ.ត ក្រោយពេលបញ្ជូនទៅដល់
ខេត្តពោធិ៍សាត់ ៖ កាណូត២គ្រឿងបានបើកបុ.កគ្នាលាន់ដូចរន្ទះ បណ្ដាលឱ្យភាគីម្ខាងបែកក្បាលហូរឈា.ម និងធ្លាក់ទឹក រហូតស្លា.ប់បា.ត់ប.ង់ជីវិ.ត ក្រោយពេលបញ្ជូនទៅដល់មន្ទីរពេទ្យ។ ហេតុការណ៍គ្រោះថ្នាក់លើផ្លូវទឹកដ៍រន្ធត់នេះ បានកើតឡើងកាលពីវេលាម៉ោង០៨ព្រឹក ថ្ងៃទី០៦ ខែកញ្ញា ឆ្នាំ២០២៣ នៅចំណុចក្បាលបឹងតាសូខាងលិច ស្ថិតក្នុងភូមិកោះក្អែក ឃុំរាំងទិល ស្រុកកណ្ដៀង ខេត្តពោធិ៍សាត់។
លោកអនុសេនីយ៍ឯក ហែម ឡេងគា នាយរងប៉ុស្តិ៍នគរបាលរដ្ឋបាលឃុំរាំងទិល បានប្រាប់ឱ្យដឹងថា នៅវេលាព្រឹកនេះ គឺថ្ងៃទី០៦ ខែកញ្ញា ឆ្នាំ២០២៣ មានកាណូតស្មាច់ចំនួន២គ្រឿងបានបើកបញ្ច្រាស់ទិសគ្នា នៅក្នុងព្រៃរនាមបឹងទន្លេសាប។ ដោយមួយគ្រឿងម៉ាកសាំយ៉ុង០៥ ម៉ាស៊ីនប្រវែង១០ម៉ែត្រ បើកបរដោយឈ្មោះ ង្វៀង យ៉ាំងតាំ ភេទប្រុស អាយុ១៦ឆ្នាំ ជាជនជាតិវៀតណាម (ជិះគ្នា០២នាក់) ចំណែកមួយគ្រឿងទៀតម៉ាកហ៊ីណូតា កម្លាំង១៨សេះ ប្រវែង០៦,៩ម៉ែត្រ បើកបរដោយឈ្មោះ ង្វៀង យ៉ាំងទិន ភេទប្រុស អាយុ៤៥ឆ្នាំ (ជិះជាមួយកូនតូចៗ០២នាក់)។
លោក ហែម ឡេងគា បន្តទៀតថា កាណូតរបស់ឈ្មោះ ង្វៀង យ៉ាំងតាំ ទើបមកពីទិញត្រីវិញ ចំណែឯកាណូតរបស់ឈ្មោះ ង្វៀង យ៉ាំងទិន បានបើកទៅទិញត្រី ខណៈពេលនោះកាណូតទាំងពីរគ្រឿង គឺបើកបរក្នុងល្បឿនលឿនដូចគ្នា។ ហើយដោយសារតែផ្លូវទឹកមានការបត់បែន ហើយនឹងបាំងព្រៃផងនោះ លុះកាណូតទាំង២គ្រឿងបើកទៅដល់ចំណុចកើតហេតុ ក៏ស្រាប់តែបុ.កគ្នាតែម្ដង បណ្ដាលអោយឈ្មោះ ង្វៀង យ៉ាំងទិន ត្រូវចំថ្ងាសបែកក្បាលហូរឈា.ម និងធ្លាក់ពីលើកាណូតលិចក្នុងទឹក ប៉ុន្តែជាអកុសល ពេលបញ្ជូនទៅសង្គ្រោះនៅមន្ទីរពេទ្យនោះ ជនរងគ្រោះក៏បានដាច់ខ្យល់ស្លា.ប់តាមផ្លូវតែម្ដង។
ទោះបីយ៉ាងណា ភាគីអ្នកបើកកាណូតម្ខាងទៀត និងអ្នករួមដំណើរទាំងសងខាង ពុំមានអ្នករងរបួសនោះទេ។ បច្ចុប្បន្ន ភាគីទាំងសងខាង កំពុងតែសម្របសម្រួលគ្នា ដោយសារភាគីជនរងគ្រោះទារសំណង១ម៉ីនដុល្លារសហរដ្ឋអាមេរិក ឯភាគីម្ខាងទៀត ពុំមានលទ្ធភាពនោះទេ៕
ចែករំលែកព័តមាននេះ