រដ្ឋមន្ត្រី​​ប្រេងអ៊ីរ៉ង់​​រួមទាំង​រដ្ឋមន្ត្រី​​​​​២រូបទៀត ​ត្រូវបានបណ្តេញ​ចេញពីតំណែង​​​ដោយ​លោក​ប្រធានាធិបតី​​ម៉ាមូដ​​ អាម៉ាឌីណា​ហ្សាដ ​​កាលពី​​ថ្ងៃទី​១៤ ឧសភា កន្លង​មក​ ​ចំពេល​កំពុង​​មាន​ផែនការ​​​​លាយបញ្ចូល​​​គ្នា​​រវាង​ក្រសួង​​​មួយ​ចំនួន​របស់​​ប្រទេស ។ ​ក្នុងក្រឹត្យ​ចំនួន​​៣​ដាច់​ដោយ​ឡែក​​​ពីគ្នា ​លោកប្រធានាធិបតី​​អាម៉ាឌី ណឺហ្សាដ ​​បានបណ្តេញ​​រដ្ឋមន្ត្រី​​ក្រសួងសុខមាល​​ភាព​​ និង​សន្តិសុខ​សង្គម លោក Sadey Mahsouli រដ្ឋ​មន្ត្រី​ក្រសួង​ឧស្សាហកម្ម​​​ និងរ៉ែ លោក Ali-Akbar Mehrabian និង​រដ្ឋ​មន្ត្រីប្រេង លោក Masoud Mir-Kazemi ចេញពី​តំណែង​​ដោយ​​យោង​​តាម​​មាត្រា​ទី​​៥៣ នៃច្បាប់​​​ផែនការ​អភិ​វឌ្ឍន៍​​​រយៈពេល​​​៥​ឆ្នាំ​របស់​​ប្រទេស​។​
លោកអាម៉ាឌីណឺហ្សាដ ​បានសម្តែង​ការ​​អរ​គុណ​ចំពោះ​​រដ្ឋមន្ត្រី​​​ទាំង​៣​ចំពោះកិច្ច​​ខិតខំប្រឹង​ប្រែង​​ និងភាព​​ស្មោះត្រង់​​របស់ពួកគេ ។
មាត្រា​ទី​៥៣​នៃច្បាប់​​ផែនការ​​អភិវឌ្ឍន៍​សម្រាប់រយៈ​ពេល​​៥​ឆ្នាំ​​​របស់អ៊ីរ៉ង់​​​ រដ្ឋាភិបាល​​ប្រទេស​ត្រូវកាត់បន្ថយ​​​​ក្រសួងពី​​២១​​មកនៅ​ត្រឹម​​​១៧​ក្រសួង​ដើម្បី​​ធ្វើ​ឱ្យប្រសើរដល់​​​​ប្រសិទ្ធ​ភាព​​រដ្ឋបាល​​​រដ្ឋ ៕