រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី០៥ ខែកញ្ញា ឆ្នាំ២០២៣ បានលើយកសំណុំរឿងមេតុងទីនហាយសូម្នាក់ដែលល្បីល្បាញលក់ផលិតផលតាមអនឡាញលើបណ្តាញសង្គមមក «កាត់ទោស» បើកសវនាការជំនុំជម្រះទោស ពាក់ព័ន្ធបណ្តឹងពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី០៥ ខែកញ្ញា ឆ្នាំ២០២៣ បានលើយកសំណុំរឿងមេតុងទីនហាយសូម្នាក់ដែលល្បីល្បាញលក់ផលិតផលតាមអនឡាញលើបណ្តាញសង្គមមក «កាត់ទោស» បើកសវនាការជំនុំជម្រះទោស ពាក់ព័ន្ធបណ្តឹងពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន ពោលគឺចេញសែកស្អុយជិត៧០ម៉ឺនដុល្លារអាមេរិកឲ្យទៅម្ចាស់បំណុលចំនួន១២នាក់ ។
សវនាការបានធ្វើឡើងជាសាធារណៈ ដែលដឹកនាំដោយលោក ពេជ្រ វិជ្ជាធរ អនុប្រធានសាលា
ដំបូង ជាចៅក្រមជំនុំជម្រះ និងលោក វង្ស សាវ៉ាត ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ ដែលមានជន ជាប់ចោទឈ្មោះ អឿន ម៉ូនីកា ភេទស្រី អាយុ២៨ឆ្នាំ នឹងមេ
ធាវីការពារក្តី ព្រមទាំងមានការចូលរួមពីភាគីខាងដើមបណ្តឹងរដ្ឋប្បវេណីផងដែរ ។
នៅក្នុងរង្វង់ក្រចកសេះ អង្គសវនាការបានសាកសួរដេញដោលលើជនជាប់ចោទពាក់ព័ន្ធករណីចេញសែកស្អុយជិត៧០ម៉ឺនដុល្លារអាមេរិក មេតុងទីនហាយសូបានសារភាពទទួលស្គាល់ការពិតថា ខ្លួនជាបានធ្វើជាមេតុងទីនជាច្រើនឆ្នាំ និងបានប្រមូលយកប្រាក់ពីកូនតុងទីនច្រើននាក់ ដើម្បីយកទៅប្រកបមុខរបររកស៊ីផ្សេងៗ និងលក់ផលិតផលតាមអនឡាញ ព្រមទាំងចងការប្រាក់ឲ្យទៅអ្នកដទៃជាដើម ។
ជនជាប់ចោទបន្តថា អ្នកដែលជំពាក់ប្រាក់ខ្លួន ខ្លះមិនទាន់បានសងមកវិញទេ ដូច្នោះ ធ្វើខ្លួនខាតបង់ឡុងចុង មិនមានប្រាក់សងទៅកូនតុងទីន និងម្ចាស់បំណុលវិញ ដោយបានចេញមូលប្បទានប័ត«សែក»ដាក់តម្កល់ ដើមឲ្យគេជឿទុកចិត្ត ប៉ុន្តែសែកនោះគ្មានសាច់ប្រាក់ ទើបត្រូវកូនតុងទីនគេប្តឹង ។ ជនជាប់ចោទបានសារភាពយ៉ាងក្បោះក្បាយ អស់សេចក្ដីចំពោះអង្គហេតុដែលគេបានប្រព្រឹត្ត ដូច្នោះចៅក្រមជំនុំបានទុកពេលពិចារណា និងសម្រេចលើកប្រកាសសាលក្រម ទៅថ្ងៃទី១៩ កញ្ញា ឆ្នាំ២០២៣ ខាងមុខ ។
សូមរំលឹកថា កាលពីល្ងាចថ្ងៃទី១៨ ខែធ្នូ ឆ្នាំ២០២២ ស្ត្រីឈ្មោះ អឿន ម៉ូលីកា ត្រូវបានចៅក្រមស៊ើបសួរនៃសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារ«មណ្ឌលកែប្រែម២»ព្រៃ.
សជាបណ្ដោះអាសន្ន ដើម្បីរង់ចាំបើកសវនាការជំនុំជម្រះទោទៅតាមផ្លូវច្បាប់ ពាក់ព័ន្ធ.មិនបំពេញកាតព្វកិច្ចចំពោះឧបរណ៍អាចជួញដូរបានចេញសែកប្រមាណស្អុយជិត៧០ម៉ឺនដុល្លារអាមេរិក ប្រព្រឹត្តនៅរាជធានីភ្នំពេញកាលពីកន្លងទៅ ។
តាមដីកាបង្គាប់ឱ្យឃុំបណ្តោះអាសន្ន របស់លោកស្រី ទិត ដាលីន ជាចៅក្រមស៊ើបសួរសាលាដំបូងរាជធានីភ្នំពេញបានបញ្ជាក់ថា ជនត្រូវចោទមានឈ្មោះ អឿន ម៉ូលីកា ភេទស្រី អាយុ២៧ឆ្នាំ មុខរបរជា អ្នករកស៊ី មានទីលំនៅផ្ទះលេខ១០ ផ្លូវលេខ បុរីវ៉ារីណា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ត្រូវបានតំណាងអយ្យការចោទប្រកាន់ពីបទ មិនបំពេញកាតព្វកិច្ចចំពោះឧបករណ៍អាចជួញដូរបាន ដែលបទល្មើសព្រហ្មទណ្ឌមានចែងតាមមាត្រា ២៣១ នៃច្បាប់ស្តីពី ឧបករណ៍អាចជួញដូរបាន និង ប្រតិបត្តិការ ទូរទាត់ប្រាក់ ។
ជនត្រូវចោទឈ្មោះ អឿន ម៉ូនីកា ជាអ្នកជំនួញចូលចិត្តបង្អួតបង្ហាញ ហាយសូពីទ្រព្យសម្បត្តិ និង លុយកាក់ យ៉ាងច្រើនសន្ធឹកសន្ធាប់ លើតាមបណ្តាញសង្គមហ្វេសប៊ុក ធ្វើឲ្យមានការស្ញប់ស្ញែង ហើយត្រូវបានកម្លាំងកងរាជអាវុធហត្ថរាជធានីភ្នំពេញ ចាប់ខ្លួន កាលពីថ្ងៃទី១៤ ខែធ្នូ ឆ្នាំ ២០២២ តាមដីកាបញ្ជាឲ្យចូលខ្លួនរបស់អយ្យការអមសាលាដំបូងរាជធានីភ្នំពេញ យោងតាមពាក្យបណ្តឹងរបស់ជនរងគ្រោះជាច្រើននាក់ ។
ទីបំផុត ជនជាប់ចោទ អឿន ម៉ូលីកា ទឹកភ្នែកជូតក្បាលជង្គង់ ព្រោះតែរឿងលុយគេទាំងអស់យកទៅប្រើប្រាស់មិនសមបំណង ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ