នៅថ្ងៃទី៣ ខែកញ្ញា ឆ្នាំ២០២៣នេះ មានក្រុមឈ្មួញវៀតណាម បានចូលមកប្រមូលទិញ និងនាំចេញខ្យង.ស ដែលជាផលនេសាទសមុទ្រចំនួន២ទូក ដែលទូកនីមួយៗមានចំណុះប្រមាណ៥០តោនឯណោះ តាមច្រក
ខេត្តកោះកុង ៖ នៅថ្ងៃទី៣ ខែកញ្ញា ឆ្នាំ២០២៣នេះ មានក្រុមឈ្មួញវៀតណាម បានចូលមកប្រមូលទិញ និងនាំចេញខ្យង.ស ដែលជាផលនេសាទសមុទ្រចំនួន២ទូក ដែលទូកនីមួយៗមានចំណុះប្រមាណ៥០តោនឯណោះ តាមច្រកកំពង់ផែឯកជនមួយ ស្ថិតក្នុងស្រុកស្រែអំបិល ខេត្តកោះកុង ហើយត្រូវប្រើកម្លាំងកម្មករជញ្ជូនឡើងលើឡានតាំងពីព្រឹកព្រហាមស្រាងៗមកម្ល៉េះ។
បើតាមមន្ត្រីសមត្ថកិច្ចស្រុកម្នាក់ សុំមិនចេញឈ្មោះ បានអះអាងប្រាប់ឱ្យដឹងថា ខ្យង.សទាំងនេះ ត្រូវបានក្រុមឈ្មួញវៀតណាម ចុះទៅប្រមូលទិញពីតំបន់ហាមឃាត់មួយ នៃឃុំថ្មស ស្រុកបុទុមសាគរ ដែលជាជង្រុកផលនេសាទសមុទ្រចម្រុះ ហើយដឹកតាមទូកមកកាន់ស្រុកស្រែអំបិល និងបន្តលើកឡើងឡានប្រភេទយីឌុប ចេញទៅប្រទេសវៀតណាម តាមច្រកព្រែកចាកខេត្តកំពតតែម្តង ។
ប្រភពដដែលបញ្ជាក់ទៀតថា ទោះបីជា ខ្យង.ស ត្រូវបានច្បាប់ហាមឃាត់មិនអោយធ្វើការនេសាទ ឬនាំចេញយ៉ាងណាក៏ដោយ តែក្នុងអំឡុងពេល២ខែចុងក្រោយមុន និងក្រោយ ការការបោះឆ្នោតជ្រើសរើសនាយករដ្ឋមន្ត្រីថ្មីនេះ មន្ទីរកសិកម្ម រុក្ខាប្រមាញ់ និងនេសាទ ដែលមានសិទ្ធិជាអាទិភាពគ្រប់គ្រងបទល្មើសទាំងនេះ ហាក់ដូចជាបើកដៃអោយមានការនេសាទខ្យង.ស លក់ទៅអោយក្រុមឈ្មួញវៀតណាមក្នុងមួយថ្ងៃៗ រាប់រយតោនយ៉ាងគគ្លើន។ ទោះបីជាផ្ទុះការរិះគន់យ៉ាងក្តៅគគុកពីបណ្តាញសង្គម និងមានផ្ទុះការតវ៉ាពីប្រជាពលរដ្ឋរាប់រយគ្រួសារ ដើម្បីសុំដកប្រធានការិយាល័យជលផល ស្រុកបុទុមសាគរ យ៉ាងណាក្តី ។
លោកអនុប្រធាននាយកដ្ឋានជលផលមួយរូប សុំមិនបញ្ចេញឈ្មោះ បានប្រាប់កោះសន្តិភាពតាមទូរស័ព្ទនៅព្រឹកថ្ងៃអាទិត្យនេះថា ក្នុងច្បាប់ជលផលខ្យង.ស ត្រូវបានហាមធ្វើនេសាទ។ ការធ្វើនេសាទខ្យង.ស បានធ្វើអោយប៉ះពាល់ធនធានជីវៈចម្រុះបាតសមុទ្រធ្ងន់ធ្ងរ ហើយត្រូវបានការពារដោយសហគមន៍។
លោកបានបញ្ជាក់ទៀតថា បើមន្ត្រីណាម្នាក់ហ៊ានអនុញ្ញាតិអោយមានបទល្មើសជលផលផ្ទុយនឹងច្បាប់នេះ ត្រូវតែទទួលពិន័យរដ្ឋបាល ពាក់ព័ន្ធមុខងារ និងតួនាទីទៀតផង។
ប្រភពមន្ត្រីរាជការខេត្តកោះកុងជាច្រើន បានផ្ទុះការរិះគន់ថា នីតិវិធីលោកប្រធានមន្ទីរកសិកម្ម ជាល្បិចត្រីងៀតឆ្លៀតពង ដើម្បីប្រមូលផលប្រយោជន៍ មុនពេលរាជរដ្ឋាភិបាលថ្មីរៀបរយការដឹកនាំដល់ថ្នាក់ក្រោមជាតិ។ រហូតដល់ហ៊ានចេញមុខប្រឈមនឹងភាពអាម៉ាស់គ្រប់បែបយ៉ាង ជាមួយមហាជន និងអ្នកសារព័ត៌មាននៅទីសាធារណៈទៀតផង។ ល្មមដល់ពេលយកគាត់ចេញពីខេត្តកោះកុងចេញទៅ ទុកឱ្យត្រជាក់មេជើងដល់ណាទៀត… ហេ! ហេ!
គួររំលឹកថា ៖ ខ្យង.សចេញពីបូទុមសាគរ ដឹកទៅស្រុកយួនតាមចិត្ត ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ