ប្រទះឃើញម្នាក់គួរឱ្យសង្ស័យឃាត់ឆែក និងសួរនាំ បែកធ្លាយច្រើននាក់ទៀត និងមានទាំងកាំភ្លើ.ងច្នៃ
- ប៉ៃលិន
ខេត្តប៉ៃលិន ៖ នគរបាលចុះល្បាតក្នុងភូមិសាស្ត្រក្រុងប៉ៃលិន ប្រទះឃើញជនសង្ស័យម្នាក់ កំពុងប្រើ
ខេត្តប៉ៃលិន ៖ នគរបាលចុះល្បាតក្នុងភូមិសាស្ត្រក្រុងប៉ៃលិន ប្រទះឃើញជនសង្ស័យម្នាក់ កំពុងប្រើ
ខេត្តប៉ៃលិន ៖ នគរបាលចុះល្បាតក្នុងភូមិសាស្ត្រក្រុងប៉ៃលិន ប្រទះឃើញជនសង្ស័យម្នាក់ កំពុងប្រើប្រាស់ និងរក្សាទុកនូវគ្រឿងញៀ.ន ដោយតាមចាប់ឃាត់ខ្លួនអ្នកប្រើប្រាស់ដទៃទៀតជាច្រើននាក់។
ហេតុការណ៍នគរបាលចាប់ឃាត់ខ្លួនជនសង្ស័យជាច្រើននាក់រួមជាមួយកាំភ្លើ.ងច្នៃនេះ បានធ្វើឡើងកាលពីវេលាម៉ោង១១និង០០នាទីព្រឹកថ្ងៃទី៣១ ខែសីហា ឆ្នាំ២០២៣ ស្ថិតនៅចំណុចសួនអាពាហ៍ពិពាហ៍ ស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
តាមប្រភពព័ត៌មានបានឱ្យដឹងថា ខណ:ពេលនគរបាលកំពុងចុះល្បាត ស្រាប់តែប្រទះឃើញមុខសញ្ញាគួរឱ្យសង្ស័យម្នាក់ ឈ្មោះ សំ ដារ៉ាហៅតួ ភេទប្រុស អាយុ៣៣ឆ្នាំ មុខរបរមិនពិតប្រាកដ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន ធ្វើការឃាត់សួរនាំ និងឆែកឆេរលើដងខ្លួនរកឃើញម្សៅក្រាមពណ៌សថ្លា សង្ស័យម៉ាទឹកកក០១កញ្ចប់ ទម្ងន់១,០៨ក្រាម សាច់ថ្នាំសុទ្ធ។
នគរបាលរឹបដកហូតយកវត្ថុតាងរួមមាន ម៉ូតូ១គ្រឿង ម៉ាកហុងដាឌ្រីម ស៊េរីឆ្នាំ២០១៨ ពណ៌ខ្មៅ ពាក់ស្លាកលេខ ប៉ៃលិន 1C-7216 ។ ក្រោយមកជនសង្ស័យបានឆ្លើយសារភាពថា ៖ ថ្នាំញៀ.នដែលរកឃើញ គឺបានទិញពីឈ្មោះ ប្រុស រស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន។ រហូតដល់វេលាម៉ោង១១ និង៣០នាទីព្រឹកថ្ងៃដដែល កម្លាំងនគរបាលប្រឆាំងគ្រឿងញៀន ចុះបង្ក្រាបជាក់ស្ដែងឃាត់ខ្លួនជនសង្ស័យ ឈ្មោះ ឃុន ប្រុស ភេទប្រុស អាយុ៣៣ឆ្នាំ មុខរបរមិនពិតប្រាកដ រស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ។
ក្រោយមកនគរបាលឆែកឆេរក្នុងគេហដ្ឋាន របស់ជនសង្ស័យរកឃើញដូចជាម្សៅក្រាមពណ៌សថ្លា សង្ស័យម៉ាទឹកកក០១កញ្ចប់តូច ទម្ងន់០,២១ក្រាម សាច់ថ្នាំសុទ្ធ។ ថង់សម្រាប់វេចខ្ចប់គ្រឿងញៀន០១ដុំ កាំភ្លើងកែឆ្នៃ០១ដើម។ នគរបាលដកហូតសម្ភារៈសម្រាប់ជក់គ្រឿងញៀ.នមួយចំនួន។
ក្រោយមក ជនសង្ស័យរួមទាំងវត្ថុតាង បាននាំទៅកាន់អធិការដ្ឋាននគរបាលក្រុងប៉ៃលិន ដើម្បីធ្វើការសាកសួរ ដោយចង្អុលបង្ហាញអ្នកផ្សេងទៀត ទើបដល់វេលាម៉ោង៣ និង០០នាទីរសៀលថ្ងៃដដែល កម្លាំងនគរបាលឃាត់ខ្លួនជនសង្ស័យចំនួន០៣នាក់ ដែលបានទំនាក់ទំនងតាមរយៈទូរស័ព្ទដៃទិញថ្នាំញៀន ពីឈ្មោះ ឃុន ប្រុស ដើម្បីយកទៅប្រើប្រាស់ ជនសង្ស័យ០៣នាក់ ដែលមានឈ្មោះដូចតទៅ ៖ ទី១- ឈ្មោះ ខា ហៃ ភេទប្រុស អាយុ២៥ឆ្នាំ មុខរបរកម្មករ រស់នៅភូមិទឹកថ្លា សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ចំណែកវត្ថុតាងដកហូតរួមមាន ៖ ម៉ូតូម៉ាកហុងដាឌ្រីម ពណ៌ខ្មៅ ស៊េរីចាស់០១គ្រឿង។ ទូរស័ព្ទដៃម៉ាកoppo ពណ៌ខ្មៅ ០១គ្រឿង។ ទី២-ឈ្មោះ ផាត សម្ភស្ស ភេទប្រុស អាយុ២៥ឆ្នាំ មុខរបរកម្មករ រស់នៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន។
វត្ថុតាងដកហូតរួមមាន ៖ ម៉ូតូម៉ាកហុងដាវេវ ពណ៌ទឹកក្រូច សេរីចាស់ គ្មានស្លាកលេខចំនួន០១គ្រឿង ទូរស័ព្ទម៉ាកoppo ពណ៌ស ចំនួន០១គ្រឿង។ ទី៣-ឈ្មោះ នាក់ កី ភេទប្រុស អាយុ២៥ឆ្នាំ មុខរបរកម្មករ រស់នៅភូមិបឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន។ វត្ថុតាងដកហូតរួមមាន៖ ម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ២០១៧ ស្លាកលេខ បាត់ដំបង 1P-9601 ចំនួន០១គ្រឿង។ ទូរស័ព្ទដៃម៉ាកoppoពណ៌ខ្មៅ ចំនួន០១គ្រឿង។
នគរបាលឃាត់ខ្លួនជនសង្ស័យសរុបរួមចំនួន០៥នាក់ មានឈ្មោះដូចខាងក្រោម៖ ១- ឈ្មោះ សំ ដារ៉ា ហៅតួ ភេទប្រុស អាយុ៣៣ឆ្នាំ មុខរបរមិនពិតប្រាកដ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន (+)។ ២-ឈ្មោះ ឃុន ប្រុស ភេទប្រុស អាយុ៣៣ឆ្នាំ មុខរបរមិនពិតប្រាកដ រស់នៅភូមិសួនអំពៅកើត សង្កាត់ប៉ៃលិន ក្រុងប៉ៃលិន ខេត្តប៉ៃលិន មានផ្ទុកសារធាតុញៀ.ន (+)។ ៣-ឈ្មោះ ខា ហៃ ភេទប្រុស អាយុ២៥ឆ្នាំ មុខរបរ កម្មករ រស់នៅភូមិទឹកថ្លា សង្កាត់ប៉ៃលិន ក្រុងប៉ៃលិន ខេត្តប៉ៃលិន មានផ្ទុកសារធាតុញៀ.ន។ ៤-ឈ្មោះ ផាត សម្ភស្ស ភេទប្រុស អាយុ២៥ឆ្នាំ មុខរបរកម្មករ រស់នៅភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន មានផ្ទុកសារធាតុញៀ.ន។ ៥-ឈ្មោះ នាក់ កី ភេទប្រុស អាយុ២៥ឆ្នាំ មុខរបរកម្មករ រស់នៅភូមិបរឌិននៀវ សង្កាត់ ប៉ៃលិន ក្រុងប៉ៃលិន។ វត្ថុតាងដកហូតសរុបរួមមាន៖ ម្សៅក្រាមពណ៌សថ្លា សង្ស័យម៉ាទឹកកក ចំនួន០២កញ្ចប់ ទម្ងន់១,២៩ក្រាមសាច់ថ្នាំសុទ្ធ។ ម៉ូតូចំនួន០៤គ្រឿង៖ ម៉ាកហុងដាឌ្រីម ពណ៌ខ្មៅ សេរីឆ្នាំ២០១៨ ពាក់ស្លាកលេខ ប៉ៃលិន1C-7216 ចំនួន០១គ្រឿង។
ក្រោយពេលឃាត់ខ្លួន នគរបាលបានរៀបចំសំនុំរឿងបញ្ជូនជនសង្ស័យទាំងអស់ខាងលើទៅតុលាការឱ្យចាត់ការតាមនីតិវិធីច្បាប់៕
ចែករំលែកព័តមាននេះ