រដ្ឋផ្លរីដា សហរដ្ឋអាមេរិក កំពុងប្រឈមមុខនឹងព្យុះដ៏ខ្លាំងមួយ
សហរដ្ឋអាមេរិក ៖ ព្យុះត្រូពីកាល់ឈ្មោះអ៊ីដាលីយ៉ា(IDALIA)បានពង្រឹងកម្លាំងកាលពីថ្ងៃទី២៨សីហា
សហរដ្ឋអាមេរិក ៖ ព្យុះត្រូពីកាល់ឈ្មោះអ៊ីដាលីយ៉ា(IDALIA)បានពង្រឹងកម្លាំងកាលពីថ្ងៃទី២៨សីហា ខណៈព្យុះនោះកំពុងបោកបក់កាត់ដែនទឹកចុងខាងលិចគុយបា ហើយត្រូវមកដល់ឆ្នេរសមុទ្ររដ្ឋផ្លរីដានាថ្ងៃទី៣០សីហា ក្លាយជាព្យុះសង្ឃរាដ៏ចម្បងមួយ។
ស្ថានភាពទឹកជំនន់និងខ្យល់បោកបក់ខ្លាំងប្រកបដោយគ្រោះថ្នាក់ អាចកើតមានក្នុងផ្នែកមួយចំនួននៃរដ្ឋផ្លរីដា។ នេះជាការព្រមានរបស់មជ្ឈមណ្ឌលខ្យល់ព្យុះអាមេរិកNHC។ ព្យុះអ៊ីដាលិយ៉ាបន្តបោកបក់និងបង្កើនកម្លាំង ក្នុងឈូងសមុទ្រម៉ិកស៊ិក រហូតដល់បោកបក់ដល់ដែនដីភាគខាងកើតផ្លរីដានាថ្ងៃទី៣០សីហា។ នាវេលាម៉ោង១៩ម៉ោងក្នុងស្រុកព្យុះអ៊ីដាលីយ៉ា ស្ថិតនៅចម្ងាយប្រមាណជា៣០គីឡូម៉ែត្រ ភាគនិរតីនៃឆ្នេរសមុទ្រគុយបា។ វាបានបង្កើនកម្លាំងរហូតដល់ល្បឿន១១០គីឡូម៉ែត្រក្នុង១ម៉ោង។ តាមបណ្ដាសារព័ត៌មានក្នុងស្រុកគុយបាថា ប្រជាជនជិត៨០០០នាក់នៃខេត្តពីណាដែលរីយ៉ូខាងលិចគុយបាត្រូវបានជម្លៀសចេញ ។ នៅក្រុងឡាហាវ៉ានប្រជាជនស្នើកុំចេញក្រៅផ្ទះ។
រដ្ឋផ្លរីដាបានស្នើប្រជាជននៅតំបន់ឆ្នេរសមុទ្រភាគខាងលិច ជម្លៀសខ្លួនចេញមុនការមកដល់នៃព្យុះនោះដែលពង្រឹងកម្លាំងនាថ្ងៃទី២៨សីហា ហើយអាចជាព្យុះដ៏គ្រោះថ្នាក់បំផុតមួយ មុនពេលបោកបក់មកដល់ដែនដីនាថ្ងៃទី៣០សីហា។ ប្រធានាធិបតីអាមេរិកលោកចូបៃដិនសម្ដែងការព្រួយបារម្ភ ចំពោះទឹកឡើងខ្ពស់និងរលកសមុទ្រធំៗ។ លោកបៃដិនប្រកាសរួចហើយពីការប្រកាសអាសន្ននិងបញ្ចេញជំនួយសហព័ន្ធ៕
ចែករំលែកព័តមាននេះ