រញ្ជួយដីកម្លាំងដល់៧,១រីស្ទ័រនៅកោះបាលី
ប្រទេសឥណ្ឌូណេស៊ី ៖ វិទ្យាស្ថានភូកុម្ភសាស្ត្រអាមេរិក USGS គូសបញ្ជាក់ថា ការរញ្ជួយដីដ៏ខ្លាំងមួយ
ប្រទេសឥណ្ឌូណេស៊ី ៖ វិទ្យាស្ថានភូកុម្ភសាស្ត្រអាមេរិក USGS គូសបញ្ជាក់ថា ការរញ្ជួយដីដ៏ខ្លាំងមួយ មានកម្លាំងដល់៧,១រីស្ទ័រនាំឲ្យញ័ររង្កើរនៅកោះបាលីនិងកោះដទៃៗទៀតរបស់ឥណ្ឌូណេស៊ីកាលពីព្រឹកថ្ងៃទី២៩សីហា ដែលនាំឲ្យមានការជម្លៀសភ្ញៀវទេសចរណ៍ចេញ តែមិនបណ្ដាលឲ្យមានការខូចខាតធំដុំឡើយ។
សំណាងណាស់ដែលការរញ្ជួយដីនោះកើតមានក្នុងជម្រៅដ៏ជ្រៅដល់ទៅ៥១៥គីឡូម៉ែត្រក្នុងសមុទ្រភាគឦសានកោះបាលី។ USGSអះអាងពីការគ្មានរលកយក្សស៊ូណាមី គ្រាន់តែនាំឲ្យមានការញ័ររញ្ជួយនៅកោះបាលី កោះឡុំបុក និងកោះហ្សូមបាវ។ បណ្ដាសណ្ឋាគារជម្លៀសភ្ញៀវនិងបុគ្គលិកចេញ ហើយគេតាមដានពិនិត្យនៅមាត់សមុទ្រ ខ្លាចក្រែនមានរលកយក្សស៊ូណាមី។ អាជ្ញាធរមិនបានរាយការណ៍ពីការខូចខាតក្នុងពេលភ្លាមៗឡើយ៕
ចែករំលែកព័តមាននេះ