ចន្ទល់បង្គោលភ្លើងលើផ្លូវខាងលិចវត្តក្រាំងធ្នង់អាចបង្កគ្រោះថ្នាក់ ពលរដ្ឋស្នើយកចេញ
- ភ្នំពេញ
រាជធានីភ្នំពេញ ៖ ចន្ទល់បង្គោលភ្លើងមួយដើមនៅលើដងផ្លូវ អាចបង្កគ្រោះថ្នាក់ជាយថាហេតុ ខណៈ
រាជធានីភ្នំពេញ ៖ ចន្ទល់បង្គោលភ្លើងមួយដើមនៅលើដងផ្លូវ អាចបង្កគ្រោះថ្នាក់ជាយថាហេតុ ខណៈ
រាជធានីភ្នំពេញ ៖ ចន្ទល់បង្គោលភ្លើងមួយដើមនៅលើដងផ្លូវ អាចបង្កគ្រោះថ្នាក់ជាយថាហេតុ ខណៈពេលដែលផ្លូវបេតុង ទើបតែចាក់រួចរាល់ថ្មីៗបានតែមួយចំហៀង និងកំពុងតែធ្វើចរាចរណ៍ប្រជ្រៀតគ្នានោះ។
ចន្ទល់បង្គោលភ្លើងដែលអាចបង្កគ្រោះថ្នាក់នោះ ស្ថិតនៅតាមដងផ្លូវលេខ ១៩៦២ ខាងលិចវត្តក្រាំងធ្នង់ ក្នុងភូមិត្រពាំងជើង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
តាមប្រជាពលរដ្ឋដែលធ្វើដំណើរឆ្លងកាត់បានអោយកោះសន្តិភាពដឹងថា បន្ទាប់ពីមានការស្ថាបនា និងពង្រីកផ្លូវបេតុងទំហំទទឹង១៤ម៉ែត្រ ក្រុមហ៊ុនដែលស្ថាបនាផ្លូវនោះ មិនបានយកចិត្តទុកដាក់សហការជាមួយអាជ្ញាធរ និងមន្ត្រីអគ្គិសនី ដើម្បីចាត់ចែងយកចន្ទល់នោះចេញទេ នៅពេលចាក់បេតុងហើយ ចន្ទល់បង្គោលភ្លើងចូលលើផ្លូវបេតុងប្រមាណជិត១ម៉ែត្រ មើលទៅដូចនៅកណ្តាលផ្លូវនៅពេលដែលផ្លូវទើបចាក់បានតែមួយចំហៀង និងបើកអោយធ្វើចរាចរណ៍ឆ្លងកាត់នោះ។
ប្រជាពលរដ្ឋមានការព្រួយបារម្ភពីសុវត្តិភាព នៅពេលខ្លះមានយានយន្តឆ្លងច្រើនហើយចៀសគ្នា ជិះគេចចន្ទល់ដែលនៅលើដងផ្លូវហើយ វាអាចបង្កអោយកើតមានគ្រោះថ្នាក់ជាយថាហេតុផងដែរ។
តាមប្រភពព័ត៌មានឱ្យដឹងថា ចន្ទល់នោះត្រូវបានមន្ត្រីអគ្គីសនីយកបង្គោលភ្លើងចាស់មកដាំទល់នឹងបង្គោលភ្លើងថ្មី ដែលទើបតែដាំបន្ទាប់ពីភ្លៀងនិងខ្យល់កន្ទ្រាក់វាយបំបាក់អស់ជាច្រើនដើមប្រមាណជា២ឆ្នាំមុន ។ លុះក្រោយមក សាលារាជធានីភ្នំពេញបានអោយក្រុមហ៊ុនស្ថាបនាពង្រីកផ្លូវបេតុងនេះ ហើយក្រុមហ៊ុនក៏បានចាក់បេតុងពីលើចន្ទល់បង្គោលភ្លើងនោះតែម្តង ជាហេតុធ្វើអោយចន្ទល់នៅលើដងផ្លូវ ធ្វើអោយមានការរិះគន់ពីសំណាក់អ្នកធ្វើដំណើរ និងទទូចស្នើដល់អាជ្ញាធរ ក៍ដូចមន្ត្រីជំនាញពាក់ព័ន្ធមេត្តាយកចេញ ដើម្បីបញ្ជៀសគ្រោះថ្នាក់ ម្យ៉ាងទៀតផ្លូវបេតុងស្អាត ចន្ទល់លើដងផ្លូវមើលទៅមិនសមភ្នែកនោះទេ ៕
ចែករំលែកព័តមាននេះ