ក្រោយគម្រោងសាងសង់ផ្សារណាត់ ពន្យារពេល និងបញ្ចប់កិច្ចសន្យាសាងសង់ម្តងហើយម្តងទៀតជាមួយអាជីវករនោះ មកដល់ថ្ងៃទី២៨ ខែសីហា ឆ្នាំ២០២៣នេះ ក្រុមអាជីវករបញ្ជាក់ថា
ខេត្តតាកែវ ៖ ក្រោយគម្រោងសាងសង់ផ្សារណាត់ ពន្យារពេល និងបញ្ចប់កិច្ចសន្យាសាងសង់ម្តងហើយម្តងទៀតជាមួយអាជីវករនោះ មកដល់ថ្ងៃទី២៨ ខែសីហា ឆ្នាំ២០២៣នេះ ក្រុមអាជីវករបញ្ជាក់ថា «នឹងមិនព្រមចូលលក់ដូរនោះទេ»។
ពួកគាត់លើកឡើងថា «មិនទាន់មានខ័ណបែងចែកតូបច្បាស់លាស់ ហើយក៏មិនទាន់មានចេញប្លង់ម្ចាស់កម្មសិទ្ធិត្រឹមត្រូវទៀត បើទោះបីពួកគាត់ម្នាក់ៗ បានបង់ថ្លៃទិញតូបជិតគ្រប់យ៉ាងណាក៏ដោយ»។ ក្រុមអាជីវករបញ្ជាក់ដែរថា «មិនបង់លុយទៅប្រធានអ្នកវិនិយោគផ្សារទៀតទេ ឈប់បង់ឱ្យហើយ របៀបធ្វើនំអត់ម្សៅ ដរាបណាពួកគាត់មិនទាន់ឃើញប័ណ្ឌប្លង់កម្មសិទ្ធិចេញឱ្យពួកគាត់»។
សូមបញ្ជាក់ថា ផ្សារណាត់ថ្មីនេះ គឺមានទីតាំងស្ថិតនៅក្នុងភូមិ១ សង្កាត់រកាក្នុង ក្រុងដូនកែវ ខេត្តតាកែវ មានទំហំ១៥ម៉ែត្រគុណ៨០,១៥ម៉ែត្រ កម្ពស់៣ជាន់ និងមានតូបប្រមាណជាង៤០០តូប ដោយបានចាប់ផ្តើមបុ.កគ្រឹះនៅថ្ងៃទី១៨ ខែមីនា ឆ្នាំ២០២១ និងគ្រោងបញ្ចប់ការសាងសង់ចុងឆ្នាំ២០២២។ លុះរហូតមកដល់ថ្ងៃទី២៨ ខែសីហា ឆ្នាំ២០២៣នេះ សកម្មភាពសាងសង់មិនទាន់បានបញ្ចប់នៅឡើយទេ ហើយមានតែអាជីវករមួយចំនួនតូចបានចូលលក់នៅជាន់ក្រោម។
មិនទាន់ឃើញមានប្រតិកម្មពីថ្នាក់លើណាមួយជួយដោះស្រាយបញ្ហារបស់ក្រុមអាជីវករដ៏ស្មោះត្រង់ដែលកំពុងខាតបង់លើការទិញតូបផ្សារណាត់នេះនៅឡើយទេ ហើយការរង់ចាំក៏ខាតបង់ពេលវេលាមិនតិចដែរ ។
មិនអាចទាក់ទងសុំការបំភ្លឺពីម្ចាស់វិនិយោគផ្សារណាត់នេះបាននៅឡើយទេ ដោយសារទូរស័ព្ទចូលគ្មានអ្នកលើក ។
ពេលណាមានព័ត៌មានប្លែក យើងនឹងផ្សាយជូនបន្តទៀត ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព។
គួររំលឹកថា ៖ ផ្សារណាត់ខេត្តតាកែវ សង្ស័យបរាជ័យហើយ… ព្រោះការស្ថាបនាខុសកិច្ចសន្យា ៕
ចែករំលែកព័តមាននេះ