មិនស្រាកស្រាន្ត! ភាគហ៊ុនក្រុមហ៊ុនអភិវឌ្ឍន៍អចលនទ្រព្យដ៏ធំបំផុតមួយរបស់ចិន ធ្លាក់ចុះ៨០%
ចិន ៖ ភាគហ៊ុនក្រុមហ៊ុន Evergrande ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំបំផុតមួយរបស់
ចិន ៖ ភាគហ៊ុនក្រុមហ៊ុន Evergrande ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំបំផុតមួយរបស់
ចិន ៖ ភាគហ៊ុនក្រុមហ៊ុន Evergrande ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំបំផុតមួយរបស់ប្រទេសចិន បានធ្លាក់ចុះប្រហែល៨០% ខណៈដែលពួកគេបានចាប់ផ្តើមការជួញដូរនៅហុងកុងជាលើកដំបូង នៅក្នុងរយៈពេល១ឆ្នាំកន្លះចុងក្រោយ។
ភាគហ៊ុនរបស់ Evergrande បានបាត់បង់ច្រើនជាង៩៩% នៃតម្លៃរបស់ខ្លួនក្នុងរយៈពេល៣ឆ្នាំចុងក្រោយ ពោលគឺចាប់តាំងពីទីក្រុងប៉េកាំងបង្ក្រាប និងធ្វើកំណែទម្រង់ស៊ីជម្រៅលើក្រុមហ៊ុនអចលនទ្រព្យ។
បច្ចុប្បន្ន Evergrande គឺជាចំណុចកណ្តាល នៃវិបត្តិទីផ្សារអចលនទ្រព្យ ដែលកំពុងគំរា.មកំហែងដល់សេដ្ឋកិច្ចរបស់ចិន ដែលជាប្រទេសសេដ្ឋកិច្ចធំលំដាបទី២ របស់ពិភពលោក។ កាលពីថ្ងៃទី២៧ ខែសីហា ឆ្នាំ២០២៣ កន្លងទៅ ក្រុមហ៊ុននេះ បានបង្ហាញអំពីការខាតបង់ចំនួន៣៣ពាន់លានយន់ ដែលស្មើនឹង ៤.៥ពាន់លានដុល្លារអាមេរិក សម្រាប់រយៈពេល៦ខែដំបូង នៃឆ្នាំនេះ។ នៅក្នុងថ្ងៃជាមួយគ្នានោះ ក្រុមហ៊ុនក៏បានបញ្ជាក់ក្នុងឯកសារមួយ ទៅកាន់ផ្សារហ៊ុនហុងកុងថា «នាយកក្រុមហ៊ុនបានចាត់វិធានការមួយចំនួន ដើម្បីកែលម្អស្ថានភាពសាច់ប្រាក់ងាយស្រួល និងផ្នែកហិរញ្ញវត្ថុរបស់ក្រុមហ៊ុន»។
ក្រុមហ៊ុនបានបន្ថែមថា ប្រាក់ចំណូលរបស់ខ្លួន សម្រាប់រយៈពេល៦ខែដំបូងនៃឆ្នាំនេះ បានកើនឡើង ៤៤% នៅក្នុងតម្លៃ ១៧.៦ពាន់លានដុល្លារ បើធៀបនឹងឆ្នាំមុន ប៉ុន្តែទោះជាយ៉ាងណា ស្តុកសាច់ប្រាក់បានធ្លាក់ចុះ ៦.៣% ក្នុងរយៈពេលដូចគ្នា ខណៈភាគហ៊ុនរបស់ Evergrande ត្រូវបានផ្អាកពីការជួញដូរ ចាប់តាំងពីខែមីនាឆ្នាំមុន។ កាលពីដើមខែនេះ ក្រុមហ៊ុនបានដាក់ពាក្យស្នើសុំការការពារក្ស័យធននៅសហរដ្ឋអាមេរិក ដើម្បីការពារទ្រព្យសម្បត្តិរបស់ខ្លួន នៅទីនោះ។
បញ្ហានៅក្នុងទីផ្សារអចលនទ្រព្យរបស់ប្រទេសចិន បានបន្ថែមការព្រួយបារម្ភអំពីការងើបឡើងវិញ ក្រោយជំងឺរាតត្បាតកូវីដ-១៩ នៃសេដ្ឋកិច្ចរបស់ខ្លួន។ នៅថ្ងៃទី២៨ ខែសីហា ឆ្នាំ២០២៣ ប្រទេសចិនបានកាត់បន្ថយពន្ធចំនួន ០.១% លើការជួញដូរភាគហ៊ុន ដើម្បីជំរុញទីផ្សារមូលធន និងជំរុញទំនុកចិត្តវិនិយោគិន។ ការផ្លាស់ប្តូរនេះ បានកើតឡើងប៉ុន្មានថ្ងៃ បន្ទាប់ពីធនាគារកណ្តាលចិន បានកាត់បន្ថយអត្រាការប្រាក់ដ៏សំខាន់របស់ខ្លួនជាលើកទី២ នៅក្នុងរយៈពេល៣ខែចុងក្រោយ ដែលប្រឈមមុខនឹងការធ្លាក់ចុះនៃការនាំចេញ និងការចំណាយរបស់អ្នកប្រើប្រាស់។
ក្រុមហ៊ុន Evergrande ដែលធ្លាប់ជាក្រុមហ៊ុនអភិវឌ្ឍន៍អចលនទ្រព្យ ដែលលក់ដាច់បំផុតរបស់ប្រទេសចិន បានជំពាក់បំណុលច្រើនជាង ៣០០ពាន់លានដុល្លារ។ ការជាប់បំណងដ៏មហាសាលនេះ គឺនៅក្នុងគោលពង្រីកវិសាលភាពរបស់ខ្លួន ដើម្បីក្លាយជាក្រុមហ៊ុនដ៏ធំបំផុតរបស់ប្រទេសចិន។
បច្ចុប្បន្នក្រុមហ៊ុនបាននឹងកំពុងធ្វើការ ដើម្បីចរចាឡើងវិញនូវកិច្ចព្រមព្រៀងរបស់ខ្លួន ជាមួយនឹងម្ចាស់បំណុល បន្ទាប់ពីខកខានក្នុងការសងបំណុល៕ (ប្រភពពី BBC)
ចែករំលែកព័តមាននេះ