រឿងរ៉ាវដែលមេភូមិ និងប្រពន្ធរួមជាមួយឃុំ ឃុ.បឃិ.តគ្នាជាប្រព័ន្ធលក់ដីរួមភូមិនៅភូមិក្រាំងស្នួល រហូតមកដល់ពេលនេះ មានមនុស្សមួយចំនួនបានគំរា.មអ្នកដែលមានបំណងប្រឆាំងតវ៉ាមិនឲ្យលក់
ខេត្តកំពង់ស្ពឺ ៖ រឿងរ៉ាវដែលមេភូមិ និងប្រពន្ធរួមជាមួយឃុំ ឃុ.បឃិ.តគ្នាជាប្រព័ន្ធលក់ដីរួមភូមិនៅភូមិក្រាំងស្នួល រហូតមកដល់ពេលនេះ មានមនុស្សមួយចំនួនបានគំរា.មអ្នកដែលមានបំណងប្រឆាំងតវ៉ាមិនឲ្យលក់។ នេះបើយោងតាមប្រភពដែលយើងទទួលបាន។
នៅព្រឹកថ្ងៃទី២៨ ខែសីហា ឆ្នាំ២០២៣នេះដែរ លោកមេភូមិ បានដឹកនាំក្រុមមន្ត្រីសុរិយោដីស្រុកសំរោងទង ចុះទៅធ្វើការវាស់វែងជាមួយនឹងបក្សពួករបស់ខ្លួន ក្នុងន័យឡើងប្លង់ម៉ាប ដើម្បីរត់ឯកសារ។
ប្រភពព័ត៌មានបានអោយដឹងថា ក្នុងការលក់ដីរួមភូមិនេះដែរ លោកមេភូមិ បានធ្វើការបែងចែកទៅឲ្យប្រជាពលរដ្ឋចំនួនប្រមាណជាង១០០គ្រួសារក្នុងទឹកប្រាក់៣ម៉ឺនដុល្លារ ចំណែកទឹកប្រាក់ដែលសល់ពីនោះ គឺគាត់យកទៅចែកគ្នីគ្នារបស់គាត់។
អ្នកយកព័ត៌មានយើងបានព្យាយាមទាក់ទងទៅលោក សុំ សន មេភូមិក្រាំងស្នួល ដើម្បីសុំការពន្យល់ដែរ តែប្រព័ន្ធទូរស័ព្ទមិនអាចទំនាក់ទំនងបានឡើយ ។ ដោយឡែកលោក ឃិន តារា មេឃុំភ្នាយ ទូរស័ព្ទចូលហើយ មានអ្នកចុចបិទ នាព្រឹកថ្ងៃទី២៨ ខែសីហា ឆ្នាំ២០២៣នេះ។
សូមរំលឹកថា មេភូមិក្រាំងស្នួល ដែលជាតួអង្គសំខាន់មួយ បន្ទាប់ពីប្រពន្ធរបស់គាត់បាននិយាយថា «រឿងលក់ដីរួមភូមិនេះ គាត់មិនមែនលក់យកលុយតែម្នាក់ឯងនោះទេ ពេលបានលុយមក គឺចែកគ្នាតាមតិចតាមច្រើន»។ ចំណែកលោក សំ សន ក៏បានព្រលយពាក្យថា «អ្នកកាសែតចង់ផ្សាយអីផ្សាយទៅ គាត់មិនខ្វល់ឡើយ ព្រោះអ្នកកាសែតមុនៗមកសុំលុយតែម្នាក់៥ម៉ឺន ១០ម៉ឺនរៀល ក៏ទៅវិញបាត់អស់ទៅ»។
បន្ទាប់មករឿងនេះ ក៏បានដឹងដល់អ្នកយកព័ត៌មានយើង លុះរសៀលថ្ងៃទី២៤ ខែសីហា ឆ្នាំ២០២៣ ពលរដ្ឋមួយរូបនៅភូមិក្រាំងស្នួល ស្ថិតក្នុងឃុំព្នាយសំរោងទង ខេត្តកំពង់ស្ពឺ បានរាយការណ៍ឲ្យអ្នកយកព័ត៌មានយើងដឹងថា «ដីរួមភូមិមួយកន្លែងទំហំជាង៣០០០ម៉ែត្រការ៉េ ត្រូវបានអាជ្ញាធរមូលដ្ឋានដែលមានប្រពន្ធមេភូមិ ជាមេខ្យល់ដើរកៀរគរប្រជាពលរដ្ឋឲ្យគាំទ្រខ្លួនក្នុងការលក់ដីរួមនេះ ហើយប្រជាពលរដ្ឋជាច្រើនទៀតក៏មិនបានដឹងពីរឿងលក់ដីនេះឡើយ»។
ប្រភពរាយការណ៍បន្តថា «ដីដែលមានទំហំខាងលើនេះ ត្រូវបានប្រពន្ធមេភូមិក្រាំងស្នួល ចេញមុខទទួលលុយកក់ពីឈ្មួញនាល្ងាចថ្ងៃទី២៣ ខែសីហា ឆ្នាំ២០២៣ ចំនួន៨ពាន់ដុល្លារ ក្នុងចំនួនទឹកប្រាក់ជិត១០ម៉ឺនដុល្លារ… សង្ស័យរឿងទន្សោង-គោព្រៃទេដឹង?។ បើនិយាយទៅដីនេះ ក៏ជាដីដែលមានទំនាស់ផងដែរ មិនមែនដីរួមទាំងអស់នោះទេ ប៉ុន្តែដោយសារអាងអំណាចប្ដីជាមេភូមិ ហើយមានអ្នកចាំជួយពីក្រោយខ្នងផងនោះ ទើបប្រពន្ធលោកមេភូមិ រឹតតែបានដៃខ្លាំងឡើងៗ។ នៅពេលមានអ្នកសួរថា ហេតុអ្វីបានជាភូមិលក់ដីនេះ? លោក សំ សន មេភូមិក្រាំងស្នួល បាននិយាយថា «ដីនេះ ត្រូវបានឈ្មួញទិញយកអស់ហើយក្នុងតម្លៃ១ម៉ែត្រការ៉េតម្លៃជិត៣០ដុល្លារ សរុបទៅជិត១០ម៉ឺនដុល្លារ»។
មានការលើកឡើងផងដែរថា «រឿងលក់ដីនេះ បើគ្មានការបើកភ្លើងខៀវពីជំនាញពាក់ព័ន្ធទេ ម្ល៉េះសមមេភូមិមេឃុំ មិនហ៊ាននោះទេ ជាពិសេសគឺប្រពន្ធមេភូមិតែម្ដង ដែលជាអ្នកចេញមុខខ្លាំងជាងគេ។ ហើយការលក់ដីរួមភូមិនេះ ត្រូវបានប្រភពបង្ហើបថា «អស់លោកអាជ្ញាធរឃុ.បឃិ.តគ្នាជាប្រព័ន្ធលក់បានលុយរាប់ម៉ឺនដុល្លារ តូចស៊ីតូច ធំស៊ីធំ ទើបប្រឹងទាំងអត់ខ្មាស់ ដោយមានប្រពន្ធមេភូមិធ្វើជាអ្នកតំណាងពលរដ្ឋ ហើយសំអាងថា ថ្នាក់លើបានឯកភាពគ្នាអស់ហើយ ព្រោះមានទីប្រឹក្សាក្រសួងរៀបចំដែនដីនគររូបនីយកម្មមួយរូប ជាអ្នករត់ការ និងកាន់ឯកសារធ្វើប្លង់ ស្របពេលដែលអាជ្ញាធរស្រុកបានបដិសេធថា «អត់ដឹងរឿងនេះទេ»។ គេឆ្ងល់ថា ហេតុអ្វីបានជាមានទីប្រឹក្សាក្រសួងចុះទៅដើរតួជាអ្នកសម្របសម្រួលក្នុងរឿងលក់ដីរួមភូមិនេះទៅវិញ? ហើយការអះអាងរបស់លោកមេភូមិ ដែលថា ថ្នាក់លើដែលមានទីប្រឹក្សាក្រសួងជាអ្នករត់ការ និងកាន់ឯកសារធ្វើប្លង់នេះ តើអាចធ្លាក់មកពីលើវិញដោយរបៀបណា បើឯកសារថ្នាក់ក្រោមមិនទាន់រៀបចំបានគ្រប់ជ្រុងជ្រោយផងនោះ?
ពាក់ព័ន្ធនឹងករណីខាងលើនេះដែរ មន្ត្រីឃុំមួយរូប បានលើកឡើងផងដែរថា «បើលក់ហើយយកលុយមកកសាងហេដ្ឋារចនាសម្ព័ន្ធក្នុងភូមិជាការល្អ តែបើយកចែកគ្នា ចុះបើចែកមិនស្មើហើយមាននរណាម្នាក់ប្ដឹងនោះ ប្រាកដជាវីវរធំហើយ។ ដោយឡែករឿងធ្វើប្លង់ត្រូវរៀបចំពីក្រោមទៅលើ ហើយបើស្រុកមិនដឹងផង ចុះបើស្រុកបដិសេធមិនចុះហត្ថលេខា ខាងមន្ទីរក៏មិនហ៊ានដែរ។ រឿងនេះ មិនមែនស្រួលដូចអស់លោកលើកឡើងរឿងធ្វើប្លង់ចេញពីក្រសួងនោះទេ រឿងនេះនិយាយមកខុសពីការពិតទាំងស្រុង»។
លោក សំ សន មេភូមិក្រាំងស្នួល បានបញ្ជាក់ប្រាប់តាមទូរស័ព្ទដែរថា «ប្រពន្ធរបស់លោកពិតជាបានទទួលលុយកក់កាលពីល្ងាចថ្ងៃទី២៣ ខែសីហា ឆ្នាំ២០២៣ ពិតប្រាកដមែន គឺលុយកក់លើកទី១។ ដោយសារប្រជាពលរដ្ឋមិនបានទទួល ទើបប្រពន្ធលោកជាអ្នកទទួលតែម្ដងទៅក្នុងចំនួន៨ ពាន់ដុល្លារ»។
ដោយពលរដ្ឋចាំទទួលលុយនៅលើកទី២ លោកមេភូមិបានប្រាប់ថា «ម្សិលមិញ តំណាងចំនួន៧ទៅ៨នាក់ ឃើញមកដែរ ហើយលុយដែលបានពីការលក់ដីរួមភូមិនេះ បើរាប់ចំនួនគ្រួសារក្នុងភូមិ គឺមានច្រើន តែបើរាប់គ្រួសារចាស់ៗជំនាន់ឆ្នាំ១៩៨៦ គឺមានចំនួនជាង១០០គ្រួសារ»។ លោកមេភូមិបានបញ្ជាក់ទៀតថា «នៅពេលទទួលលុយលើកទី២ លោកនឹងហៅឃុំមកជួយមើល និងបែងចែក»។ ហើយដីរួមលក់នេះ បើតាមលោកមេភូមិថា «គឺមានចំនួនជាង៣ពាន់ម៉ែត្រការ៉េ ដោយក្នុងមួយការ៉េជិត៣០ដុល្លារ។ ចំពោះការលក់ដីនេះ បើសរុបទៅគឺមានទំហំទឹកលុយជិត១០ម៉ឺនដុល្លារដែរ។
គួររំលឹកថា ៖ បុគ្គលណាខ្លះថ្លើមធំ ឃុបឃិតគ្នាលក់ដីរួមភូមិ នៅស្រុកសំរោងទង ។
ព័ត៌មានបន្ថែមនឹងមានផ្សាយនៅលើកាសែតកោះសន្តិភាព៕
ចែករំលែកព័តមាននេះ