សង្គ្រាមអ៊ុយក្រែន ៖ ប្រធានាធិបតីរុស្ស៊ី លោកវ្ល៉ាឌីមៀរពូទីន កាលពីថ្ងៃទី១៧ ធ្នូ បានគំរាមថា ក្រុងមូស្គូនឹងស្វែងរកពង្រីកទឹកដីកាន់កាប់ថែមទៀតនៅអ៊ុយក្រែន ប្រសិនបើក្រុងគៀវ និងពួកអឹរ៉ុប…
សង្គ្រាមអ៊ុយក្រែន ៖ ប្រធានាធិបតីរុស្ស៊ី លោកវ្ល៉ាឌីមៀរពូទីន កាលពីថ្ងៃទី១៧ ធ្នូ បានគំរាមថា ក្រុងមូស្គូនឹងស្វែងរកពង្រីកទឹកដីកាន់កាប់ថែមទៀតនៅអ៊ុយក្រែន ប្រសិនបើក្រុងគៀវ និងពួកអឹរ៉ុប ជាសម្ព័ន្ធមិត្តបដិសេធសំណើរបស់វិមានក្រឹមឡាំង ។
ថ្លែងក្នុងកិច្ចប្រជុំប្រចាំឆ្នាំមួយ ជាមួយបណ្ដានាយទាហានជាន់ខ្ពស់នៃកងទ័ពរុស្ស៊ី លោកពូទីនបានបដិសេធរាល់លទ្ធភាព បង្ខំឲ្យរុស្ស៊ីទទួលយកផែនការសន្តិភាពរបស់លោកដូណាល់ត្រាំ ដែលមានការកែប្រែដើម្បីបញ្ចប់សង្គ្រាមជាមួយអ៊ុយក្រែន ។
លោកបន្តថា រុស្ស៊ីមានបំណងធ្វើឲ្យសម្រេចទិសដៅរបស់ខ្លួន និងបំបាត់ចោលបណ្ដាបញ្ហាធំៗតាមមធ្យោបាយការទូត ប៉ុន្តែប្រសិនបើភាគីម្ខាងទៀត និងបណ្ដាពួកអ្នកការពារបរទេសរបស់គេ បដិសេធមិនចរចាដោយស៊ីជម្រៅ នោះរុស្ស៊ីនឹងធ្វើឲ្យសម្រេចការរំដោះបណ្ដាដែនដីប្រវត្តិសាស្ត្ររបស់ខ្លួនដោយមធ្យោបាយយោធា ។
តាមក្រុងមូស្គូថា មូលហេតុជ្រាវជ្រៅទាំងឡាយរួមមាន បំណងរបស់អ៊ុយក្រែនចូលជាសមាជិកសហភាពអឹរ៉ិបផង និងជាសមាជិកអូតង់ផង ព្រមទាំងការរំលោភបំពានរបស់អូតង់ លើការសន្យារបស់ខ្លួនដែលថា មិនពង្រីកខ្លួនទៅខាងកើត និងការរើសអើងរបស់ក្រុងគៀវចំពោះជនជាតិភាគតិចរុស្ស៊ី ដែលលោកពូទីនតែងលើកឡើងថា ជាគំនិតណាហ្ស៊ីនិយមរបស់អ៊ុយក្រែន។
ទន្ទឹមនឹងនេះដែរ លោកពូទីនបានចោទប្រកាន់ជាថ្មីដល់លោកខាងលិចថា ជាអ្នកទទួលខុសត្រូវ ចំពោះសង្គ្រាមនៅអ៊ុយក្រែនដោយអះអាងថា គឹលោកខាងលិចជាអ្នកបង្កឲ្យមានសង្គ្រាមនេះ ។
លោកពូទីនកលើកឡើងដែរ ពីលទ្ធភាពមិនអាចទៅរួចដែលពួកមេដឹកនាំអឺរ៉ុប ស្ដារឡើងវិញការចរចាជាមួយរុស្ស៊ី និងព្រមតាមការទាមទាររបស់រុស្ស៊ី ។ តែទោះបីយ៉ាងណា លោកថា រឿងនោះពិតជាចៀសមិនរួច ព្រោះយើងកំពុងតែបន្តពង្រឹងជំហររបស់យើង ។ ទោះមិនអាចទៅរួចជាមួយបណ្ដាមេដឹកនាំអឹរ៉ុបបច្ចុប្បន្ន តែវាអាចបើបណ្ដាមេដឹកនាអឺរ៉ុបបច្ចុប្បន្នត្រូវបានផ្លាស់ប្ដូរ ។
លោកពូទីនក៏ថ្លែងដែរថា រដ្ឋការអាមេរិកបង្ហាញពីឆន្ទៈបែបនោះ។ យើងកំពុងចរចាជាមួយអាមេរិក ហើយយើងសង្ឃឹមថាអឺរ៉ុបនឹងធ្វើបែបនោះដែរ ។ លោកពូទីនក៏កំរាមអឹរ៉ុបនិងអ៊ុយក្រែនជាមួយការបង្ហាញសាច់ដុំនុយក្លេអ៊ែរ។ លោកថា អាវុធនុយក្លេអ៊ែររុស្ស៊ី ៩២%ត្រូវបានធ្វើទំនើបកម្ម ដោយគ្មានប្រទេសណាមួយ ឬមហាអំណាចនុយក្លេអ៊ែរពិភពលោកណាមួយ មានអាវុធនុយក្លេអ៊ែរខ្លាំងបែបនេះឡើយ ។
លោកពូទីនអះអាងថាបណ្ដាទិសដៅវាយប្រហាររបស់រុស្សុីលើអ៊ុយក្រែន ពិតណាស់នឹងសម្រេចពិសេសទិសដៅដែនដី។ លោកលើកឡើងបែបនេះក្នុងពេលការប៉ុនប៉ងដោះស្រាយបញ្ចប់
សង្ក្រាមតាមការទូតកំពុងតែជម្រុញ៕
ចែករំលែកព័តមាននេះ