សោកនា.ដកម្មសាលាបឋមសិក្សាបន្ទាយមានឫទ្ធិ ទទួលរងផលប៉ះពាល់យ៉ាងធ្ងន់ធ្ងរ
ខេត្តបន្ទាយមានជ័យ ៖ ក្រសួងអប់រំ យុវជន និងកីឡា បានប្រកាសនាព្រឹកថ្ងៃទី១៨ ខែធ្នូ ឆ្នាំ២០២៥នេះថា ៖ សោកនា.ដកម្មសាលាបឋមសិក្សាបន្ទាយមានឫទ្ធិ…
ខេត្តបន្ទាយមានជ័យ ៖ ក្រសួងអប់រំ យុវជន និងកីឡា បានប្រកាសនាព្រឹកថ្ងៃទី១៨ ខែធ្នូ ឆ្នាំ២០២៥នេះថា ៖ សោកនា.ដកម្មសាលាបឋមសិក្សាបន្ទាយមានឫទ្ធិ នៅស្រុកថ្មពួក ខេត្តបន្ទាយមានជ័យ ដែលមានទីតាំងនៅជិតច្រកបឹងត្រកួន បានទទួលរងផលប៉ះពាល់យ៉ាងធ្ងន់ធ្ងរ នាថ្ងៃទី១៧ ខែធ្នូ ឆ្នាំ២០២៥។
សូមរំលឹកថា គិតត្រឹមថ្ងៃទី១៨ ខែធ្នូ ឆ្នាំ២០២៥ គឺមានរយៈពេល១២ ថ្ងៃហើយដែលយោធាបាមបាញ់ប្រហារ និងឈ្លានពានមកលើដែនអធិបតេយ្យកម្ពុជា នៅទិសយោធភូមិភាគទី៤ និងយោធភូមិភាគ ទី៥ ។
ជាក់ស្តែងលោកនេត្រ ភក្ត្រា រដ្ឋមន្ត្រីក្រសួងព័ត៌មានបានប្រកាសថា ៖ យោធាថៃបានបន្តការឈ្លានពានយ៉ាងគឃ្លើនមកលើទឹកដីកម្ពុជា មកដល់ថ្ងៃទី១៧ ខែធ្នូនេះ ជាថ្ងៃទី១១ នៃការឈ្លានពានប្រដាប់អាវុធរបស់យោធាថៃ ។ ពួកគេមិនត្រឹមតែបើកការវាយប្រហារមកលើកងទ័ពកម្ពុជាដែលឈរការពារអធិតេយ្យនិងបូរណភាពដែនដីកម្ពុជាទេ ថែមទាំងយកជនស៊ីវិលនិងហេដ្ឋារចនាសម្ព័ន្ធស៊ីវិលជាគោលដៅទៀត ។
របាយការណ៍ ៖ ត្រឹមល្ងាចថ្ងៃទី១៧ ខែធ្នូនេះ យោធាថៃបន្តសកម្មភាពឈ្លានពានកម្ពុជាយ៉ាងគឃ្លើន ហើយទីតាំងស៊ីវិលជាគោលដៅវាយប្រហារផងដែរ, រយៈពេល១១ ថ្ងៃជនស៊ីវិលស្លា.ប់ ១៨ នាក់ និងរបួស ៧៨នាក់ ។
សូមគូសបញ្ជាក់ផងដែរថា គិតរហូតមកដល់ម៉ោងនេះ វីរកងទ័ព និងវីរនគរបាលកម្ពុជាបាននឹងកំពុង បន្តឈរជើងយ៉ាងរឹងមាំ ស្វាហាប់ មោះមុត និងនៅតែតស៊ូប្រយុទ្ធយ៉ាងស្វិតស្វាញតតាំងជាមួយសត្រូវឈ្លានពាននៅគ្រប់សមរភូមិទាំងអស់ ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់ កម្ពុជា ៕
ចែករំលែកព័តមាននេះ