ខេត្តបន្ទាយមានជ័យ ៖ បច្ចុប្បន្ន នៅក្រុងប៉ោយប៉ែត ហាក់វិវឌ្ឍទៅរកស្ថានភាពដូចដើមវិញ ។ នៅពេលរាត្រី គេឃើញតាមផ្ទះនិងតាមផ្លូវ ប្រជាពលរដ្ឋធ្វើចរាចរណ៍ជាធម្មតា មានភ្លើងចម្រុះពណ៌…
ខេត្តបន្ទាយមានជ័យ ៖ បច្ចុប្បន្ន នៅក្រុងប៉ោយប៉ែត ហាក់វិវឌ្ឍទៅរកស្ថានភាពដូចដើមវិញ ។ នៅពេលរាត្រី គេឃើញតាមផ្ទះនិងតាមផ្លូវ ប្រជាពលរដ្ឋធ្វើចរាចរណ៍ជាធម្មតា មានភ្លើងចម្រុះពណ៌ ។ ការកត់សម្គាល់នេះ គឺនៅថ្ងៃទី១៧ ខែធ្នូ ឆ្នាំ២០២៥ ។
នៅពេលរាត្រី បើក្រឡេកមើលតាមផ្ទះសម្បែងពលរដ្ឋ គេឃើញបើកភ្លើងព្រោងព្រាតនិងភ្លើងបំភ្លឺពេញទីក្រុង និងតាមដងផ្លូវឃើញប្រជាពលរដ្ឋធ្វើចរាចរណ៍ទៅមកនិងលក់ដូរជាធម្មតា ខុសពីប៉ុន្មានថ្ងៃមុនដែលគ្រប់គ្នាភ័យខ្លាចហើយអ្នកខ្លះក៏បាននាំគ្នាភៀសខ្លួន ។
តាមផ្សារក្នុងក្រុងប៉ោយប៉ែត ឃើញមានអាជីវករចូលលក់ប្រមាណជា៧០ភាគរយ និងមានប្រជាពលរដ្ឋខ្លះបានវិលត្រឡប់ចូលលំនៅឋានវិញជាបណ្តើរៗហើយ ដើម្បីប្រកបរកស៊ីជាធម្មតា ។
គួររំឭកថា ក្រោយពីទាហានសៀមបើកការបាញ់ប្រហារមកលើកម្ពុជានៅភូមិសាស្គ្រខេត្តបន្ទាយមានជ័យ ព្រមទាំងប្រើប្រាស់យន្តហោះF-១៦ ទម្លាក់គ្រាប់បែក និងបាញ់គ្រាប់ផ្លោងចូលក្នុងភូមិសាស្គ្រខេត្តបន្ទាយមានជ័យ បណ្តាលឱ្យប្រជាពលរដ្ឋភ័យខ្លាចនិងភៀសខ្លួនចេញពីលំនៅឋានទៅរកកន្លែងសុវត្ថិភាព ។
ពេលនេះ គេឃើញពួកគាត់វិលត្រឡប់មកវិញជាបណ្ដើរៗ ហើយ ហើយក៏មានភាពអ៊ូអរចង់វិលទៅរកដូចសភាពដើមវិញដែរ ៕
ចែករំលែកព័តមាននេះ