រាជធានីភ្នំពេញ ៖ ថ្នាក់ដឹកនាំកំពូលរបស់ព្រះរាជាណាចក្រកម្ពុជា តែងយកចិត្តទុកដាក់យ៉ាងជ្រាលជ្រៅចំពោះវីរកងទ័ពកម្ពុជា ។នេះបើយោងតាមផេកគ្រូពេទ្យស្ម័គ្រចិត្តយុវជនសម្តេចតេជោបានប្រកាស នាព្រឹកថ្ងៃទី១៨ ខែធ្នូ ឆ្នាំ២០២៥ ។ ជាក់ស្តែង…
រាជធានីភ្នំពេញ ៖ ថ្នាក់ដឹកនាំកំពូលរបស់ព្រះរាជាណាចក្រកម្ពុជា តែងយកចិត្តទុកដាក់យ៉ាងជ្រាលជ្រៅចំពោះវីរកងទ័ពកម្ពុជា ។នេះបើយោងតាមផេកគ្រូពេទ្យស្ម័គ្រចិត្តយុវជនសម្តេចតេជោ
បានប្រកាស នាព្រឹកថ្ងៃទី១៨ ខែធ្នូ ឆ្នាំ២០២៥ ។
ជាក់ស្តែង «សម្តេចមហាបវរធិបតី ហ៊ុន ម៉ាណែត» និង «លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត» បានណែនាំឱ្យក្រុមគ្រូពេទ្យ នៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នាំវីរកងទ័ពជួរមុខឈ្មោះ «ហ៊ីង ចាន់ណេរ៉េត» ភេទប្រុស អាយុ ៤៣ឆ្នាំ ជាពេទ្យយោធា មានបញ្ហាសុខភាពក្នុងពេលប្រយុទ្ធការពារពីសត្រូវឈ្លានពាន នៅខេត្តព្រះវិហារ មកសម្រាកព្យាបាលនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ ។
ទន្ទឹមនឹងនេះផងដែរ ក្នុងទឹកចិត្តមេត្តាករុណាដ៏ខ្ពង់ខ្ពស់បំផុត «សម្តេចធិបតី» និង «លោកជំទាវបណ្ឌិត» ថែមទាំងបានណែនាំឱ្យក្រុមគ្រូពេទ្យនាំយកម៉ូតូចំនួនមួយគ្រឿង ដែលជាអំណោយដ៏ថ្លៃថ្លាបំផុតរបស់«សម្តេចអគ្គមហាសេនាបតីតេជោ ហ៊ុន សែន» និង «សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន» ជូនដល់វីរកងទ័ព «ហ៊ីង ចាន់ណេរ៉េត» ដែលនេះគឺជាការលើកទឹកចិត្តចំពោះភាពអង់អាចក្លាហាន និងការលះបង់របស់វីរកងទ័ពក្នុងបុព្វហេតុការពារបូរណភាពទឹកដីពីសត្រូវសៀមឈ្លានពាន៕
ចែករំលែកព័តមាននេះ