កូរ៉េខាងជើងទើបបើកព្រំដែនឱ្យជនជាតិខ្លួននៅបរទេស វិលចូលប្រទេសវិញ
ប្រទេសកូរ៉េខាងជើង ៖ ទីភ្នាក់ងារព័ត៌មានរដ្ឋកូរ៉េខាងជើងKCNA រាយការណ៍នាថ្ងៃទី២៧សីហាថា
ប្រទេសកូរ៉េខាងជើង ៖ ទីភ្នាក់ងារព័ត៌មានរដ្ឋកូរ៉េខាងជើងKCNA រាយការណ៍នាថ្ងៃទី២៧សីហាថា ប្រទេសនេះទើបបើកព្រំដែនឲ្យជនជាតិខ្លួននៅបរទេសចូល ដែលជាការបន្ធូរបន្ថយថែមទៀតការរិតត្បិតតឹងតែងបំផុត ចាប់តាំងពីឆ្នាំ២០២០មក ដើម្បីទប់ស្កាត់ការឆ្លងរាលដាលនៃកូវីដ-១៩។
KCNAរៀបរាប់ថា មជ្ឈមណ្ឌលបង្ការបន្ទាន់ការឆ្លងរាលដាលជំងឺរបស់រដ្ឋប្រកាសថា ពលរដ្ឋយើងរស់នៅបរទេស ត្រូវបានអនុញ្ញាតឲ្យចូលស្រុកវិញ។ បណ្ដាអ្នកវិលចូលស្រុកវិញនឹងត្រូវដាក់ ឲ្យស្ថិតក្រោមការតាមដានសុខាភិបាលសមស្រប នៅតាមបណ្ដាមជ្ឈមណ្ឌលចត្តាឡីស័ករយៈពេល១សប្ដាហ៍។ ការសម្រេចចិត្តនោះត្រូវបានធ្វើ មកពីមានការកែលម្អនៃស្ថានភាពឆ្លងលើពិភពលោក។
កូរ៉េខាងជើងបានបិទព្រំដែនពីដើមឆ្នាំ២០២០មក ដើម្បីតស៊ូប្រឆាំងការឆ្លងរាលដាលនៃកូវីដ តែមានសញ្ញាកាន់តែច្រើនបង្ហាញថាប្រទេសនេះ កំពុងដើរឆ្ពោះទៅរកការបើកប្រទេសឡើងវិញ។
ក្រោយផ្អាកអស់ពេល៣ឆ្នាំ ក្រុមហ៊ុនអាកាសចរណ៍ជាតិកូរ៉េខាងជើងAIR KORYO បានបើកការហោះហើរពាណិជ្ចកម្មអន្តរជាតិឡើងវិញ។ កាលពីសប្ដាហ៍មុនក្រុងកីឡាអត្តពលកម្មកូរ៉េខាងជើង១ក្រុម បានចេញទៅប្រកួតតៃក្វាន់ដូនៅកាហ្សាក់ស្ថាន៕
ចែករំលែកព័តមាននេះ