យន្តហោះទាហានម៉ារីនអាមេរិក ជួបគ្រោះអកុសលលើកោះដាច់ស្រយាលមួយ
ប្រទេសអូស្ត្រាលី ៖ អ្នកទទួលខុសត្រូវម្នាក់នៃកងម៉ារីនអាមេរិកប្រកាសថា ទាហានម៉ារីនអាមេរិក៣
ប្រទេសអូស្ត្រាលី ៖ អ្នកទទួលខុសត្រូវម្នាក់នៃកងម៉ារីនអាមេរិកប្រកាសថា ទាហានម៉ារីនអាមេរិក៣នាក់បានស្លា.ប់ពេលយន្តហោះធុន OSPREY របស់ពួកគេ ធ្លាក់កាលពីថ្ងៃទី២៧ សីហា លើកោះត្រូពីកាល់ដាច់ស្រយាលមួយភាគខាងជើងអូស្ត្រាលី។
មានមនុស្សសរុប២៣នាក់ក្នុងយន្តហោះនេះ ដោយ៣នាក់ត្រូវស្លា.ប់ និង៥នាក់ទៀតរងរបួស បញ្ជូនទៅមន្ទីរពេទ្យROYAL DARWIN HOSPITAL។ នេះបើតាមការអះអាងរបស់អ្នកទទួលខុសត្រូវរូបនេះ ក្នុងសេចក្ដីប្រកាសមួយ។ អ្នកទទួលខុសត្រូវកងម៉ារីនអាមេរិកបន្តថា គ្រោះថ្នាក់នេះកើតមាននៅលើកោះMELVILLE នាវេលាម៉ោង៩និង៣០នាទីម៉ោងក្នុងស្រុក។ យន្តហោះអាចចុះត្រង់ឡើងត្រង់ដូចឧទ្ធម្ភាគចក្រនេះ ចូលរួមក្នុងសមយុទ្ធយោធារួម PREDATORS RUN ជាសមយុទ្ធរួមរវាងកងទ័ពអាមេរិកនិងកងទ័ពអូស្ត្រាលី។ មហាអំណាចទាំង២បានរួមសហការគ្នាខាងយោធាពិសេសមកពីការកើនឡើងនៃកម្លាំងយោធាចិនក្នុងដែនទឹកតំបន់។
ប្រតិបត្តិការសង្គ្រោះពិតជាស្មុគ្រស្មាញ ដោយកោះនោះស្ថិតនៅដាច់ស្រយាលនិងមានប្រជាជនតិចបំផុត។ អាជ្ញាធរអាមេរិកគូសបញ្ជាក់ថា ប្រតិបត្តិការជួយសង្គ្រោះនៅបន្ត ហើយការស៊ើបអង្កេតមួយកំពុងធ្វើកំណត់មូលហេតុនៃការធ្លាក់នេះ។ នាយករដ្ឋមន្ត្រីអូស្ត្រាលី លោកANTHONY ALBANESE ចាត់ទុកគ្រោះថ្នាក់នោះថាជាសោកនា.ដកម្មមួយនិងគួរឲ្យសោកស្ដាយ។
តាមទូរទស្សន៍CNNថា រយៈពេល៣០ឆ្នាំចុងក្រោយនេះយន្តហោះធុនOSPREYជួបគ្រោះថ្នាក់ជាច្រើន។ សរុបយន្តហោះធុននេះដល់១៣គ្រឿងបានធ្លាក់ ចាប់តាំងពីឧប្បត្តិហេតុដំបូងថ្ងៃទី២០កក្កដាឆ្នាំ១៩៩២មក ជាមួយការធ្លាក់២គ្រឿងក្នុង១ឆ្នាំ នាឆ្នាំ២០០០ ឆ្នាំ២០១២ ឆ្នាំ២០១៧និងឆ្នាំ២០២២។ ការធ្លាក់ទាំងនោះបណ្ដាលឲ្យមនុស្សស្លា.ប់ច្រើនសិបនាក់៕
ចែករំលែកព័តមាននេះ