ដ្រូនអ៊ុយក្រែនជាង៤០គ្រឿង ត្រូវរុស្ស៊ីបា.ញ់ទម្លាក់នៅគ្រីមេ
សង្គ្រាមអ៊ុយក្រែន ៖ ក្រសួងការពារប្រទេសរុស្ស៊ីអះអាងនាថ្ងៃទី២៥ សីហា ថា បានបា.ញ់ទម្លាក់
សង្គ្រាមអ៊ុយក្រែន ៖ ក្រសួងការពារប្រទេសរុស្ស៊ីអះអាងនាថ្ងៃទី២៥ សីហា ថា បានបា.ញ់ទម្លាក់ដ្រូនអ៊ុយក្រែន៤២គ្រឿង នៅគ្រីមេដោយចាត់ទុកថា នោះជាការវា.យប្រហារក្នុងទ្រង់ទ្រាយធំដ៏កម្រមួយប្រឆាំងឧបទ្វីបនោះ ដែលរុស្ស៊ីបញ្ចូលជាឧបសម្ព័ន្ធកាលពីឆ្នាំ២០១៤ ។
តាមតេឡេក្រាមក្រសួងនោះនិយាយថា ដ្រូន៩គ្រឿងត្រូវបានបា.ញ់ទម្លាក់ ដោយកងការពារអាកាសគ្រីមេ ហើយដ្រូន៣៣គ្រឿងទៀតកម្ទេចដោយមធ្យោបាយសង្គ្រាមអេឡិចត្រូនិក ហើយធ្លាក់មុនពេលហោះមកដល់គោលដៅ ។ ក្រសួងនោះមិនបានផ្ដល់ភាពលម្អិតពីការខូចខាតឬក៏ជនរងគ្រោះឡើយ ក្រោយការបំផ្លាញដ្រូនទាំងនេះ ។ អភិបាលក្រុងសេបាស្តូប៉ូលទីប្រជុំជនគ្រីមេលោកមីខាអ៊ីលរ៉ាស្វូហ្សាអ៊ីយេវរាយការណ៍នាពេលមុននេះថា ដ្រូនជាច្រើនត្រូវបា.ញ់ទម្លាក់ ក្នុងដែនទឹកឧបទ្វីបគ្រីមេ ត្រង់កន្លែងស្ថិតនៅចម្ងាយ១០គីឡូម៉ែត្រពីទីក្រុងសេបាស្តូប៉ូលមានកំពង់ផែរបស់កងនាវាចរណ៍សមុទ្រខ្មៅរុស្ស៊ី ។
អ៊ុយក្រែនបានសរសើរកាលពីថ្ងៃទី២៤ សីហា ដល់ប្រតិបត្តិការមួយរបស់កងកុំម៉ង់ដូខ្លួន នៅគ្រីមេ ដោយបានចូលទៅលើកទង់ជាតិអ៊ុយក្រែននៅទីនោះ ជាជោគជ័យនិម្មិត្តរូបមួយក្នុងឱកាសទិវាបុណ្យឯករាជ្យរបស់ប្រទេស ព្រោះរុស្ស៊ីតែងអួតអាងថាទីនោះមិនអាចចូលចុះ ។ កាលពីថ្ងៃទី២៣ សីហា ផ្នែកស៊ើបការណ៍យោធាអ៊ុយក្រែន អះអាងពីការចូលទៅបំផ្លាញប្រព័ន្ធមីស៊ីលដី-អាកាសរុស្ស៊ីមួយនៅគ្រីមេ ៕
ចែករំលែកព័តមាននេះ