ប្រទេសចំនួន៦ទៀត សុំចូលជាសមាជិកក្រុមប្រទេស BRICS
ប្រទេសអាហ្វ្រិកខាងត្បូង ៖ ក្នុងឆន្ទៈរបស់ពួកគេឲ្យទទួលបានឥទ្ធិពលលើពិភពលោក ប្រទេសទាំង៥
ប្រទេសអាហ្វ្រិកខាងត្បូង ៖ ក្នុងឆន្ទៈរបស់ពួកគេឲ្យទទួលបានឥទ្ធិពលលើពិភពលោក ប្រទេសទាំង៥ជាសមាជិករបស់ក្រុមប្រទេសBRICS ដែលមានប្រេស៊ីល រុស្ស៊ី ចិន អាហ្វ្រិកខាងត្បូង និងឥណ្ឌា បានព្រមព្រៀងគ្នាបើកទ្វារឲ្យប្រទេស៦ទៀតចូលជាសមាជិកថ្មី ។
ប្រទេសទាំង៦នោះមានអ៊ីរ៉ង់ អាហ្សង់ទីន អេហ្ស៊ីប អេត្យូពី អារ៉ាប៊ីសាអូឌីតនិងអេមីរ៉ាត់អារ៉ាប់
រួម ។ ប្រទេសទាំងនេះនឹងចូលក្នុងក្លឹប BRICS ចាប់ពីថ្ងៃទី១មករា ឆ្នាំ២០២៤ទៅ ។
ប្រធានាធិបតីអាហ្វ្រិកខាងត្បូងលោក CYRIL RAMAPHOSA បានថ្លែងសរសើរថា ជាមួយកិច្ចប្រជុំកំពូល BRICS លើកនេះនៅក្រុងចូហាននេស្បួកប្រទេសលោក ប្លុកនេះចាប់ផ្ដើមទំព័រថ្មី ។ បញ្ហាពង្រីកសមាជិករបស់ប្លុកនេះជាអាទិភាពមួយរបស់ខ្លួនក្នុងកិច្ចប្រជុំកំពូលលើកទី១៥ ដែលបើកធ្វើកាលពិថ្ងៃទី២២ សីហា ។ ប្រទេសដល់ទៅ៤០បានស្នើសុំចូលជាសមាជិកឬបង្ហាញពីចេតនាចូលរួម ។ តាមបណ្ដាមេដឹកនាំ BRICS ថា បែបនោះបង្ហាញពីឥទ្ធិពលកាន់តែធំរបស់បណ្ដាប្រទេសមានសេដ្ឋកិច្ចកំពុងងើបនៅលើឆាកពិភពលោក។
ជាលើកដំបូងហើយដែលក្រុមប្រទេសBRICS ក្លាយជាក្រុមខ្លាំងខាងសេដ្ឋកិច្ច ជាងក្រុមប្រទេស G7 ។ បណ្ដាប្រទេសជាសមាជិក BRICS បច្ចុប្បន្នតំណាងឲ្យ១ភាគ៤នៃធនធានពិភពលោក ហើយតំណាងឲ្យ៤២%នៃចំនួនប្រជាជនពិភពលោក ៕
ចែករំលែកព័តមាននេះ