ចតម៉ូតូមុខផ្ទះ រួចរវល់ធ្វើការងារខាងក្រោយផ្ទះ លុះត្រឡប់មកវិញ ស្រាប់តែបាត់ម៉ូតូ
- ប៉ៃលិន
ខេត្តប៉ៃលិន ៖ កម្លាំងអធិការដ្ឋានស្រុកសាលាក្រៅ សហការជាមួយកម្លាំងការិល័យព្រហ្មទណ្ឌកម្រិត
ខេត្តប៉ៃលិន ៖ កម្លាំងអធិការដ្ឋានស្រុកសាលាក្រៅ សហការជាមួយកម្លាំងការិល័យព្រហ្មទណ្ឌកម្រិត
ខេត្តប៉ៃលិន ៖ កម្លាំងអធិការដ្ឋានស្រុកសាលាក្រៅ សហការជាមួយកម្លាំងការិល័យព្រហ្មទណ្ឌកម្រិតស្រាលនៃស្នងការនគរបាលខេត្តប៉ៃលិន បានចុះបង្ក្រាបករណីលួចម៉ូតូ១គ្រឿង ដោយចាប់ឃាត់ខ្លួនជនសង្ស័យចំនួន៤នាក់ ក្រោយពេលទទួលពាក្យបណ្តឹងពីម្ចាស់ម៉ូតូ ។
ហេតុការណ៍នគរបាលចុះបង្ក្រាបករណីក្រុមចោរលួចម៉ូតូខាងលើនេះ បានធ្វើឡើងកាលពីវេលាម៉ោង៣និង៣០នាទីរសៀលថ្ងៃទី២៤ ខែសីហា ឆ្នាំ២០២៣ នៅចំណុចអូរកប់អង្ករ ស្ថិតក្នុងភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
តាមប្រភពព័ត៌មានបានឱ្យដឹងថា ជនសង្ស័យទាំង៤នាក់រួមមាន ១-ឈ្មោះ រ៉េង ដួងវិសាល ភេទ ប្រុស អាយុ១៥ឆ្នាំ មុខរបរមិនពិតប្រាកដ ២-ឈ្មោះ ស៊ុន វ៉ាន់ណូ ភេទប្រុស អាយុ១៥ឆ្នាំ មុខរបរជាងពិដាន ៣-ឈ្មោះ ថៃ សុធា ភេទប្រុស អាយុ១៤ឆ្នាំ មុខរបរមិនពិតប្រាកដ និងទី៤-ឈ្មោះ ខុម សុផានិត ភេទប្រុស អាយុ១៤ឆ្នាំ មុខរបរជាងពិដាន ទាំងអស់គ្នា រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ វត្ថុតាងមាន ម៉ូតូ០១គ្រឿង (ម៉ាកហុងដាឌ្រីមស៊េរីឆ្នាំ២០១០ ពណ៌ស ពាក់ផ្លាកលេខ កំពង់ចាម 1F-7091) ជាម៉ូតូដែលលួចបានពីជនរងគ្រោះ។
តាមប្រភពបញ្ជាក់ថា ម្ចាស់ម៉ូតូរស់នៅក្នុងក្រុងប៉ៃលិន ដោយបានចតម៉ូតូចាក់សោកនៅមុខផ្ទះ កំពុងជាប់រវល់ធ្វើការងារនៅខាងក្រោយផ្ទះ លុះត្រឡប់មកវិញ ស្រាប់តែបាត់ម៉ូតូ រួចក៏ដាក់ពាក្យបណ្តឹងតែម្តង។ ករណីខាងលើនេះ នគរបាលជំនាញកំពុងសាកសួរបន្ថែម ដើម្បីរៀបចំសំណុំរឿងបញ្ជូនទៅតុលាការអនុវត្តបន្តតាមនីតិវិធី ៕
ចែករំលែកព័តមាននេះ