ខេត្តព្រះសីហនុ ៖ តាមសេចក្តីរាយការណ៍ឱ្យដឹងថា សមត្ថកិច្ចបានទៅដល់ចំណុចផ្លូវច្រកចូលវត្តលើ ក្នុងអាហារដ្ឋានរស្មីកំពង់សោម ស្ថិតក្នុងសង្កាត់លេខ1 ខេត្តព្រះសីហនុ បន្ទាប់ពីជនជាតិឥណ្ឌូនេស៊ីពីរក្រុម បើកឆាកប្រយុទ្ធគ្នា ដោយមួយក្រុមមានគ្នាប្រមាណជា12នាក់…
ខេត្តព្រះសីហនុ ៖ តាមសេចក្តីរាយការណ៍ឱ្យដឹងថា សមត្ថកិច្ចបានទៅដល់ចំណុចផ្លូវច្រកចូលវត្តលើ ក្នុងអាហារដ្ឋានរស្មីកំពង់សោម ស្ថិតក្នុងសង្កាត់លេខ1 ខេត្តព្រះសីហនុ បន្ទាប់ពីជនជាតិឥណ្ឌូនេស៊ីពីរក្រុម បើកឆាកប្រយុទ្ធគ្នា ដោយមួយក្រុមមានគ្នាប្រមាណជា12នាក់ និងមួយក្រុមទៀតមានគ្នាប្រមាណ10 ដែលហេតុការណ៍នេះកើតឡើង កាលពីរសៀលថ្ងៃទី23 ខែសីហាឆ្នាំ 2023 ។
ជុំវិញករណីប្រទូស្តរ៉ាយហិង្សារហូតធ្វើឲ្យមានរបួសមនុស្សចំនួនពីរនាក់ ក្នុងនោះ មានស្ត្រីម្នាក់ រួមជាមួយបុរសម្នាក់ទៀតរាំរបួសធ្ងន់ នេះបើយោងតាមប្រភពព័ត៌មានបឋមពីទីតាំងកន្លែងកើតហេតុ ។ ប្រភពដដែលបន្តទៀតថា ករណីហិង្សារហូតឈានដល់បើកឆាកប្រយុទ្ធគ្នា បង្កឡើងមុនដំបូង ដោយសារទំនាស់ពាក្យសម្តី រវាងជនជាតិឥណ្ឌូនេស៊ីនិងជនជាតិឥណ្ឌូនេស៊ីដូចគ្នា ដែលចូលបរិភោគក្នុងអាហារដ្ឋាននេះ ។
ក្រោយពីមានទំនាស់ពាក្យសំដីរួចមកភាគីម្ខាងទៀត បានទូរស័ព្ទទៅហៅបក្សពួក ។ មួយសន្ទុះ គេក៏បានឃើញរថយន្តចំនួន2គ្រឿង(រថយន្តម៉ាកឡិចស៊ីស ពណ៌ផ្សែងបារីមួយគ្រឿង ពាក់ស្លាកលេខភ្នំពេញ2F0119 និងរថយន្តមួយគ្រឿងទៀតម៉ាក់ៗពណ៌ក្រហមពាក់ស្លាកលេខ ភ្នំពេញ2AQ-23 23)មានគ្នាជាង10នាក់ បានស្ទុះចូលមកវាយភាគីមកខាងទៀត ដោយមានដំបងវែង-ខ្លីដែលកំពុងអង្គុយក្នុងហាងបង្កឲ្យមានការរងរបួសមនុស្សចំនួនពីរនាក់ ស្ត្រីម្នាក់ជាំដៃ និងបុរសម្នាក់ទៀតរយះស្មា ររបួសធ្ងន់បញ្ជូនទៅកាន់មន្ទីរពេទ្យដើម្បីសង្គ្រោះភ្លាមៗដែរ។
ភ្លាមៗនោះ សមត្ថកិច្ចមកដល់ក៏បានអន្តរាគមន៍និងឃាត់ខ្លួនមនុស្សពាក់ព័ន្ធ ទាំងពីរភាគីទៅធ្វើការសាកសួរទៅតាមនិតិវិធីច្បាប់។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ