ប្រមុខទាហានស៊ីឈ្នួលរុស្ស៊ី WAGNER ស្លា.ប់ហើយ ក្នុងហេតុការណ៍ធ្លា.ក់យន្តហោះ
ប្រទេសរុស្ស៊ី ៖ កាលពីថ្ងៃទី២៣ សីហា ប្រមុខក្រុមទាហានស៊ីឈ្នួលរុស្ស៊ី WAGNER លោកអេវហ្គេនីព្រីហ្គោ
ប្រទេសរុស្ស៊ី ៖ កាលពីថ្ងៃទី២៣ សីហា ប្រមុខក្រុមទាហានស៊ីឈ្នួលរុស្ស៊ី WAGNER លោកអេវហ្គេនីព្រីហ្គោហ្ស៊ីន ជាប្រភពនៃការបះបោរកាលពីខែមិថុនានិងអនុរបស់គាត់លោកឌីមីឌ្រីអ៊ូតគីនព្រមទាំងមនុស្ស៨នាក់ទៀត បានត្រូវស្លា.ប់ក្នុងការធ្លាក់យន្តហោះឯកជនធុនតូច១គ្រឿង នៅភាគខាងជើងក្រុងមូស្គូ។ នេះបើតាមសេចក្ដីរាយការណ៍របស់អាជ្ញាធររុស្ស៊ីដកស្រង់ផ្សាយដោយAFP។ គួររំលឹកថា ប្រមុខក្រុម WAGNER លេចមុខនៅអាហ្វ្រិក
ទីភ្នាក់ងារដឹកជញ្ជូនតាមអាកាសរុស្ស៊ី ROSSAVIATSIA លាតត្រដាងបញ្ជីឈ្មោះអ្នកដំណើរជិះក្នុងយន្តហោះនោះដែលហោះហើរពីក្រុងមូស្គូទៅក្រុងសាំងប៉េទ័រស្បូរ ហើយធ្លាក់ក្នុងតំបន់TVER បណ្ដាលឲ្យមនុស្សទាំងអស់ក្នុងយន្តហោះត្រូវស្លា.ប់់។ ក្នុងបញ្ជីឈ្មោះនេះក៏មានឈ្មោះរបស់លោកព្រីហ្គោហ្ស៊ីននិងលោកឌីមីឌ្រីអ៊ូតគីន។
ផ្ទុយពីលោកព្រីហ្គោហ្ស៊ីនលោកអ៊ូតគីន មិនសូវលេចមុខលេចមាត់ទេ តែជាមនុស្សដែលកូនចៅគោរពស្រឡាញ់ខ្លាំង។ ទូរទស្សន៍តេឡេក្រាមGREY ZONEជិតស្និទ្ធនឹងWAGNER នាយប់ថ្ងៃទី២៣សីហា ក្រោយគ្រោះថ្នាក់នេះ ចាត់ទុកលោកអ៊ូតគីនជាវីរៈបុរសមួយរូបរបស់រុស្ស៊ី ដោយលោកជាមេបញ្ជាការអចិន្ត្រៃយ៍របស់WAGNER។ មុនបង្កើតWAGNERក្នុងឆ្នាំ២០១៤លោកជាវរៈសេនីយទោ ក្នុងផ្ទៃកងឯកភាពអន្តរាគមន៍ទី៧០០នៃកងពលតូចទី២របស់កងកម្លាំងពិសេសស៊ីបការណ៍រុស្ស៊ី GRU។
លោកបានចាកចេញពីGRU មកបង្កើតក្រុមហ៊ុនយោធាឯកជនមួយ មានឈ្មោះថាCORPS SLAVE ដែលដាក់ពង្រាយនៅស៊ីរីកាលពីឆ្នាំ២០១៣ ដើម្បីប្រយុទ្ធជួយដល់កងទ័ពរដ្ឋាភិបាលស៊ីរី។ ក្នុងឆ្នាំ២០១៤លោកបានចូលរួមបង្កើតកងកម្លាំងWAGNER ជាមួយលោកព្រីហ្គោហ្ស៊ីនជាសេដ្ឋី១រូបនិងជាមនុស្សជំនិតរបស់លោកពូទីន។
ក្រសួងសភាពការណ៍បន្ទាន់រុស្ស៊ីពន្យល់ថាយន្តហោះនោះ បានធ្លាក់នៅជិតភូមិគូហ្សេនគីណូ តំបន់TVER ភាគពាយ័ព្យក្រុងមូស្គូ។ យន្តហោះនេះត្រូវហោះទៅកាន់ក្រុងសាំងប៉េទ័រស្បួរ ចម្ងាយជិត៤០០គីឡូម៉ែត្រពីក្រុងមូស្គូ។។ ការស៊ើបអង្កេតមួយត្រូវបើកធ្វើ តាមរយៈការបញ្ជូនអ្នកស៊ើបអង្កេតមួយក្រុមទៅកាន់កន្លែងយន្តហោះធ្លាក់ស្រាវជ្រាវរកមូលហេតុ ។
តាមទីភ្នាក់ងារព័ត៌មានរុស្ស៊ី TASSថា មកទល់ពេលនេះសាកស.ពមនុស្ស៨នាក់ហើយត្រូវបានរកឃើញ នៅកន្លែងយន្តហោះធ្លាក់។ មានអាថ៌កំបាំងជាច្រើនជុំវិញការធ្លាក់យន្តហោះនោះ ។ លោកព្រីហ្គោហ្ស៊ីនហាក់ជាមនុស្សដែលលោកពូទីនលែងទុកចិត្ត ចាប់តាំងពីការបះបោរមិនបានសម្រេចពីថ្ងៃទី២៣ មិថុនាមក។
មានវីដេអូជាច្រើនតាមតេឡេក្រាម បង្ហាញបំណែកធ្លាក់យន្តហោះដែលកំពុងមានភ្លើងឆេះ និងរូបភាពនៃយន្តហោះធុនEMBRAER-135 ដែលធ្លាក់ពីលើមេឃ៕
ចែករំលែកព័តមាននេះ