ប្រមុខក្រុម WAGNER លេចមុខនៅអាហ្វ្រិក
សង្គ្រាមអ៊ុយក្រែន ៖ ក្រោយការបះបោរលើកទ័ពខ្លួនចេញពីអ៊ុយក្រែនសំដៅក្រុងមូស្គូ និងបន្ទាប់ពី
សង្គ្រាមអ៊ុយក្រែន ៖ ក្រោយការបះបោរលើកទ័ពខ្លួនចេញពីអ៊ុយក្រែនសំដៅក្រុងមូស្គូ និងបន្ទាប់ពី
សង្គ្រាមអ៊ុយក្រែន ៖ ក្រោយការបះបោរលើកទ័ពខ្លួនចេញពីអ៊ុយក្រែនសំដៅក្រុងមូស្គូ និងបន្ទាប់ពីការបញ្ជូនកងទាហានខ្លួនទៅកាន់បេឡារុស លោកអេវហ្គេនីព្រីហ្គោហ្ស៊ីនប្រមុខក្រុមកងទាហានស៊ីឈ្នួលរុស្ស៊ី WAGNER ស្រាប់តែគេឃើញក្នុងវីដេអូមួយដែលថតនៅអាហ្វ្រិកលើតំបន់វាលខ្សាច់មួយ។
ក្នុងទេសភាពនៃវាលខ្សាច់ តាមវីដេអូនោះគេឃើញលោកព្រីហ្គោហ្ស៊ីស្លៀកពាក់ឯកសណ្ឋានប៉ារ៉ាដោយអះអាងថា លោកកំពុងតែស្ថិតនៅអាហ្វ្រិក ហើយធ្វើសកម្មភាពដើម្បីទ្រទ្រង់ឧត្ដមភាពរបស់រុស្ស៊ី។
លោកអះអាងថាលោកកំពុងបំពេញបេសកកម្មយកការណ៍មួយ សំដៅធ្វើឲ្យរុស្ស៊ីកាន់តែមានឧត្ដមភាពថែមទៀតលើគ្រប់ទ្វីបនិងធ្វើឲ្យអាហ្វ្រិកកាន់តែមានសេរីភាព។ ដោយកាន់កាំភ្លើ.ងវែងមួយដើមលោកព្រីហ្គោហ្ស៊ីនលើកឡើងថា លោកចាប់ពីពេលនេះទៅនឹងធ្វើឲ្យពួកជីហាដក្រុមរដ្ឋអ៊ិស្លាមនិងអាល់កៃដាជួបសុបិនអាក្រក់។
លោកអះអាងថានឹងប្រយុទ្ធជាមួយពួកជីហាដដើម្បីប្រជាជនអាហ្វ្រិក។ លោកមិនបញ្ជាក់ថាលោកកំពុងស្ថិតនៅប្រទេសអាហ្វ្រិកណាមួយឡើយ តែលោកអំពាវនាវរកពួកអ្នកស្ម័គ្រចិត្ត មកចូលរួមដើម្បីអាចបំពេញបណ្ដាភារកិច្ចដែលប្រគល់ឲ្យ ៕
ចែករំលែកព័តមាននេះ