ADផ្ទាំងផ្សព្វផ្សាយពាណិជ្ជកម្ម

Picture

៣ វិធី​បែប​វិទ្យាសាស្ត្រ​ដ៏​អស្ចារ្យ​ដើម្បី​លើកកម្ពស់ IQ របស់​កូន​អ្នក !

9 ខែ មុន
  • ភ្នំពេញ

រាជធានី​ភ្នំពេញ ៖ យោង​តាម​ការ​សិក្សា​បាន​ចង្អុលបង្ហាញ​ពី​របៀប​នៃ​ការ​ផ្លាស់​ប្តូរ​សាមញ្ញ​ចំនួន ៣ ដែល​អាច​បង្កើន IQ ដល់​កុមារ និង​បង្កើន​សមត្ថភាព​សិក្សា​របស់​ពួក​គេ ។ ការ​ផ្លាស់​ប្តូរ​តូច…

រាជធានី​ភ្នំពេញ ៖ យោង​តាម​ការ​សិក្សា​បាន​ចង្អុលបង្ហាញ​ពី​របៀប​នៃ​ការ​ផ្លាស់​ប្តូរ​សាមញ្ញ​ចំនួន ៣ ដែល​អាច​បង្កើន IQ ដល់​កុមារ និង​បង្កើន​សមត្ថភាព​សិក្សា​របស់​ពួក​គេ ។ ការ​ផ្លាស់​ប្តូរ​តូច តាច​ទាំងនេះ​មិន​ចំណាយពេល​ច្រើន​ទេ ហើយ​ងាយស្រួល​សម្រាប់​ឪពុក​ម្តាយ​គ្រប់​រូប​ក្នុង​ការ ធ្វើ ។
យោង​តាម​ការ​ចុះ​ផ្សាយ​ដោយ​គេហទំព័រ Psychology Today លោក​បណ្ឌិត Bryan Roche ដែល​ជាអ្នក​ចិត្តវិទូ​ខាង​អាកប្បកិរិយា បាន​បង្ហាញ​វិធី​ពិសេស​ទាំង ៣ ខាងក្រោម​នេះ ៖

១. ចិញ្ចឹម​កូន​ដោយ​ផ្តល់​អាស៊ីត​ខ្លាញ់ Omega 3 ៖ យើង​គិត​ពី​ខ្លាញ់ត្រី និង​ប្រភព​ផ្សេង​ទៀត​នៃ Omega 3 ដែល​មនុស្ស​ចាស់​គួរ​ទទួលយក​ដើម្បី​បង្ការ​ជំងឺ​សរសៃឈាម​បេះដូង ហើយ Omega 3 ពិតជា​ធ្វើ​ឱ្យ​ប្រសើរ​ឡើង​នូវ​មុខងារ​ខួរក្បាល​ចំពោះ​កុមារ ។ លោក Roche បាន សរសេរ​ថា Omega 3 មាន​វត្ត​មាននៅ​ក្នុង​ទឹកដោះ​ម្តាយ ។ ទារក​ញ៉ាំ​អាហារ​បំប៉ន​រូបមន្ត​ដែល បង្កើន​ជាមួយនឹង Omega 3 មាន IQ ខ្ពស់​ជាង​ទារក​ដែល​ញ៉ាំ​ទឹកដោះគោ​ធម្មតា ។

លោក Roche បាន​ផ្តល់​អនុសាសន៍​ឱ្យ​កុមារ​ចាប់ផ្តើម​ញ៉ាំ​ត្រី​ឱ្យ​បាន​ឆាប់​តាម​ដែល​អាច​ធ្វើ​ទៅ បាន ដោយ​មាន​ថែម​ប្រូ​ខូ​លី និង Spinach ផង​ដែរ ។ គ្រាប់​វ៉ាល់​ណាត់ ប្ល៊ូ​បឺ​រី រ៉ាប់​បឺ​រី និង​ស្ត្រ​រ​បឺ​រី គឺជា​ប្រភព​ដ៏​ល្អ​នៃ Omega 3 ។ អ្នក​ក៏​អាច​ទិញ​ទឹកដោះគោ​មាន​ជាតិ Omega 3 ដែល​វា​មាន​រសជាតិ​ដូច​ទឹកដោះគោ​ធម្មតា​ដែរ ។ ក្រៅពី​នេះ​មាន​ប្រូតេអ៊ីន​ច្រើន​ទៀត ដែល​ផ្ទុក​អាស៊ីត អា​មី​ណូ​ជួយ​ដល់​មុខងារ​ខួរក្បាល ។

២. និយាយ និង​អាន​ឱ្យ​កូន​ស្តាប់ ៖ លោក Roche បាន​សរសេរ​ថា «​ការ​សន្ទនា​កាន់តែ​ច្រើន​ជា មួយ​កូន​របស់​អ្នក ពួក​គេ​នឹង​កាន់តែ​ឆ្លាត​វៃ​» ។ ការ​លេង​ហ្គេ​ម​បង្រៀន​សាមញ្ញ​ៗ​នៅ​តាម​ដងផ្លូវ ឧទាហរណ៍​ការ​សុំ​ឱ្យ​ពួក​គេ​ដាក់​ឈ្មោះ ឬ​រាប់​វត្ថុ បង្កើន​ភាព​ឆ្លាត​វៃ​របស់​ពួក​គេ​កាន់តែ​ខ្លាំង ។ អ្នក​អាច​បង្កើន IQ របស់​កូន​អ្នក​បាន ៦ ពិន្ទុ​ដោយ​គ្រាន់តែ​ធ្វើ​បែប​នេះ​ក្នុង​រយៈពេល​ពីរ​បី​ឆ្នាំ ពេល​ពួក​គេ​នៅ​ក្មេង ។ ចូរ​ចាប់ផ្តើម​ឱ្យ​បាន​ឆាប់​តាម​ដែល​អាច​ធ្វើ​ទៅ​បាន ។

ការ​អាន​សម្រាប់​កុមារ​ក៏​មាន​ប្រយោជន៍​ច្រើន​ដែរ ។ «​ក្មេង​ៗ​ដែល​ឪពុក​ម្តាយ​អាន​ឱ្យ​ពួក​គេ ស្តាប់​រាល់ថ្ងៃ​មាន IQ ខ្ពស់​» នេះ​ជា​ការ​ពិត ជា​ពិសេស​ប្រសិនបើ​អ្នក​ធ្វើ​ឱ្យ​ការ អាន​ដំណើរ ការ​អន្តរ​កម្ម ។ ប្រើ​សំឡេង និង​អារម្មណ៍​ផ្សេង​ៗ​នៅ​ពេល​អ្នក​អាន និង​មើល​ថា តើ​កូន​របស់ អ្នកចូលរួម​ជាមួយ​អ្វី​ជា​ពិសេស ។ សួរ​សំណួរ​ដើម្បី​ធ្វើ​ឱ្យ​ប្រាកដ​ថា កូន​របស់​អ្នក​យល់​រឿង ដូច​ជា «​តើ​អ្នក​គិត​ថា គេ​កំពុង​គិត​អ្វី ?​» ឬ «​តើ​អ្នក​គិត​ថា នឹង​មាន​អ្វី​កើតឡើង​បន្ទាប់ ?​» ។

៣. រំពឹង​ថា ពួក​គេ​ឆ្លាត ៖ នេះ​ជា​យុទ្ធសាស្ត្រ​ដ៏​សាមញ្ញ​មួយ ហើយ​ឪពុក​ម្ដាយ​ជា​ច្រើន​ប្រហែលជា​មិនដឹង​ថា វា​អាច​ធ្វើ​ឱ្យ​មាន​ភាព​ខុស​គ្នា​យ៉ាងណា​នោះ​ទេ ។ នៅ​ក្នុង​ការ​សិក្សា​ដំបូង​គេ​ហៅ ថា «​ជឿ​ថា អ្នក​អាច​ទទួល​បាន​ភាព​ឆ្លាត​ជាង​មុន និង​ធ្វើ​ឱ្យ​អ្នក​ឆ្លាត​ជាង​មុន​» អ្នក​ចិត្តសាស្ត្រ បាន​បង្រៀន​សិស្ស​ថា ភាព​វៃឆ្លាត​មិនមែន​ជា​គុណភាព​ថេរ​នោះ​ទេ ប៉ុន្តែ​អាច​ផ្លាស់​ប្តូរ​បាន និង​អាច​កើនឡើង ។
ពួក​គេ​បាន​រក​ឃើញ​ថា សិស្ស​ដែល​បាន​ទទួល​សារ​នេះ ទាំង​ពីរ​បាន​អនុវត្ត​ការ​សិក្សា​បាន ល្អ​ជាង និង​បាន​យកចិត្តទុកដាក់​លើ​ការ​សិក្សា​ច្រើន​ជាង​សិស្ស​ដែល​មិន​បាន​ទទួល ។ សម្រាប់​ឪពុក​ម្តាយ ការ​រក​ឃើញ​នេះ​ចង្អុល​ទៅ​សកម្មភាព​ច្បាស់លាស់ ។ ប្រាប់​កូន​របស់​អ្នក ថា ពួក​គេ​ឆ្លាត ហើយ​ត្រូវ​ប្រាកដ​ថា ពួក​គេ​អាច​ឆ្លាត​ជាង​នេះ​នៅ​ថ្ងៃស្អែក ហើយ​ឆ្លាត​ជាង​នៅ​ថ្ងៃ​បន្ទាប់​ទៀត ។ ប្រាប់​ពួក​គេ​ថា នេះ​ជា​ការ​ពិត ព្រោះ​បើ​អ្នក​ធ្វើ​វា​នឹង​ទទួល​បាន ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង សាលារៀន​ណ​ត្ស​ឡាញ​ន៍ ។ សម្រាប់​កម្មវិធី​ចំណេះ​ទូទៅ​ខ្មែរ​ពី​ថ្នាក់​ទី ១ ដល់ទី ១២ ចូល​រៀន ថ្ងៃ​ទី ៤ ខែកញ្ញា ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​ការ​បញ្ចុះតម្លៃ ១៥% លើ​តម្លៃសិក្សាសម្រាប់​កា​ចុះ​ឈ្មោះ​ចូល​រៀន​ជា​លក្ខណៈ​គ្រួសារ ឬ​ពីរ​កម្មវិធី​ផ្តល់​ជូន​ការ​ធានា​រ៉ាប់រង គ្រោះថ្នាក់ និង​ការពារ​ការ​សិក្សា​បុត្រ​ធីតា​រហូត​ដល់ ៥ ឆ្នាំ ។ ការ​ផ្តល់​ជូន​ខាងលើ​នេះ​មានសុពលភាព​ត្រឹម​ថ្ងៃ​ទី ៣១ ខែសីហា ឆ្នាំ ២០២៣ ។

សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕