រាជធានីភ្នំពេញ ៖ ព្រះករុណាព្រះបាទសម្តេចព្រះបរមនាថនរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត ស្តេចយាងជាព្រះរាជាធិបតីដ៏ខ្ពង់ខ្ពស់ក្នុងពិធីបើកសម័យប្រជុំដំបូងរដ្ឋសភានីតិកាលទី៧ នៅវិមានរដ្ឋសភា ។ បើតាមព្រះរាជកម្មវិធីថ្វាយរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី…
រាជធានីភ្នំពេញ ៖ ព្រះករុណាព្រះបាទសម្តេចព្រះបរមនាថនរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត ស្តេចយាងជាព្រះរាជាធិបតីដ៏ខ្ពង់ខ្ពស់ក្នុងពិធីបើកសម័យប្រជុំដំបូងរដ្ឋសភានីតិកាលទី៧ នៅវិមានរដ្ឋសភា ។
បើតាមព្រះរាជកម្មវិធីថ្វាយរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្តេចយាងជាព្រះរាជាធិបតីដ៏ខ្ពង់ខ្ពស់ ក្នុងពិធីបើកសម័យប្រជុំដំបូងរដ្ឋសភានីតិកាលទី៧ នៅវិមានរដ្ឋសភានៅទី២១ ខែសីហា ឆ្នាំ២០២៣ វេលាម៉ោង០៨:៣០ នាទីព្រឹក ។
បើតាមព្រះរាជកម្មវិធីបានឲ្យដឹងថា ម៉ោង០៧:៣០ បេក្ខជនជាប់ឆ្នោតជាតំណាងរាស្ត្រនីតិកាលទី៧ អញ្ជើញដល់ និងម៉ោង០៧:៤៥ភ្ញៀវកិត្តិយសជាតិ-អន្តរជាតិ អញ្ជើញដល់ ។ ម៉ោង០៨:១០សម្តេចអគ្គមហាសេនាបតីតេជោ ហ៊ុន សែន អញ្ជើញមកដល់ សម្តេចអគ្គមហាពញាចក្រី ហេង សំរិន អញ្ជើញដល់, សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា អញ្ជើញដល់ ។ ម៉ោង ០៨:៣០ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្ដេច យាងដល់វិមានរដ្ឋសភា (នារីថ្វាយផ្កា សម្តេចថ្នាក់ដឹកនាំជាតិ ថ្វាយព្រះពរស្វាគមន៍ និងកងកិត្តិយស-ត្រែទ័ព ថ្វាយព្រះរាជវន្ទន- ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ស្ដេច យាងថ្វាយគ្រឿងសក្ការបូជា ព្រះបរមរូប ព្រះករុណាព្រះបាទជ័យវរ្ម័នទី៧ និងព្រះពុទ្ធនៅខាងក្នុងវិមានរដ្ឋសភា ។
ព្រះករុណាជាអម្ចាស់ជីវិតលើត្បូងជាទីគោរពសក្ការៈដ៏ខ្ពង់ខ្ពស់បំផុត ស្តេចយាងគង់លើព្រះទីនាំងកៅអី នៅខាងមុខសាលប្រជុំវិមានរដ្ឋសភា ។ កម្មវិធីបានឲ្យដឹងទៀតថា សម្តេចអគ្គមហាពញាចក្រី ហេង សំរិន ព្រឹទ្ធសមាជិករដ្ឋសភា សូមព្រះបរមរាជានុញ្ញាតយាង ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ប្រោសព្រះរាជទានព្រះរាជសុន្ទរកថា ។
ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ប្រោសព្រះរាជទាន ព្រះរាជសុន្ទរកថា (សូមព្រះមេត្តាស្តេចគង់ប្រថាប់នៅលើព្រះទីនាំងកៅអី) ទៅកាន់សម័យប្ររដ្ឋសភា នីតិកាលទី៧។ ព្រះកម្មវិធីបានឲ្យដឹងទៀតថា ក្រោយព្រះរាជទានព្រះរាជសន្ទរកថាព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ស្តេចយាង នៅក្នុងបន្ទប់រង់ចាំ (ប្រមាណ១៥ នាទី)។ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ប្រោសព្រះរាជ ការថតរូបអនុស្សាវរីយ៍ជាមួយបេក្ខជនជាប់ឆ្នោតជាតំណាងរាស្ត្រ នៅខាងមុខក្លោងទ្វារវិមានរដ្ឋ ។ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ស្ដេចយាងនិវត្ត៕
ចែករំលែកព័តមាននេះ