រាជធានីភ្នំពេញ ៖ អ្នកនាំពាក្យអយ្យការអមសាលាដំបូងរាជធានីភ្នំពេញ បានចេញសេចក្តីប្រកាសព័ត៌មាន ស្តីពី ការចោទប្រកាន់លើជនសង្ស័យចំនួន០១ នាក់ ដែលបានធ្វើសកម្មភាពឆក់កាបូប ស្ពាយពីជនបរទេសឈ្មោះ GLADYS…
រាជធានីភ្នំពេញ ៖ អ្នកនាំពាក្យអយ្យការអមសាលាដំបូងរាជធានីភ្នំពេញ បានចេញសេចក្តីប្រកាសព័ត៌មាន ស្តីពី ការចោទប្រកាន់លើជនសង្ស័យចំនួន០១ នាក់ ដែលបានធ្វើសកម្មភាពឆក់កាបូប ស្ពាយពីជនបរទេសឈ្មោះ GLADYS ELISA នៅក្នុងសង្កាត់វត្តភ្នំ ខណ្ឌដូនពេញ ចំនួន០៣បទល្មើសដែលជនជាប់ចោទអាចប្រឈមជាប់ពន្ធនាគារចំនួន២០ ឆ្នាំ ។
អ្នកនាំពាក្យនៃអយ្យការអមសាលាដំបូងរាជធានីភ្នំពេញ មានកិត្តិយសសូមជម្រាបជូនសាធារណជនមេត្តាជ្រាបថា ៖ កាលពីថ្ងៃទី១៤ ខែមីនា ឆ្នាំ២០២៥ វេលាម៉ោង១២ និង១០ នាទី ជនសង្ស័យចំនួន០១ នាក់ បានជិះម៉ូតូ០១គ្រឿង ធ្វើសកម្មភាពឆក់កាបូបស្ពាយចំហៀងរបស់ជនរងគ្រោះឈ្មោះ GLADYS ELISA ភេទស្រី ដែលកំពុងដើរនៅចំណុចផ្លូវលេខ១០៦ កែងផ្លូវលេខ១៣ សង្កាត់វត្តភ្នំ ខណ្ឌដូនពេញ រាជធានីភ្នំពេញ បានសម្រេច រួចជនសង្ស័យក៏បានជិះម៉ូតូគេចខ្លួនបាត់ ។
ក្រោយពីសមត្តកិច្ចបានធ្វើការស្រាវជ្រាវ និងពិនិត្យមើលតាមកាមេរ៉ាដែលនៅជុំវិញកន្លែងកើតហេតុ ក៏បានឃើញពីសកម្មភាពខាងលើ ព្រមទាំងកំណត់បាននូវអត្តសញ្ញាណរបស់ជនសង្ស័យឈ្មោះ ប៉ុល ខួចចិន្តា ភេទប្រុស អាយុ៣៧ ឆ្នាំ ដែលជាទណ្ឌិតទើបអនុវត្តទោសពន្ធនាគាររយៈពេល០៤ ឆ្នាំ ពីបទ.លួចមានស្ថានទម្ងន់ទោស(ឆក់ទូរស័ព្ទដៃ)ប្រព្រឹត្តនៅចំណុចផ្លូវលេខ៦៣ សង្កាត់បឹងកេងកងទី១ ខណ្ឌចំការមនរាជធានីភ្នំពេញ កាលពីថ្ងៃទី១១ ខែមករា ឆ្នាំ២០១៩ តាមអំណាចសាលក្រមលេខ ៣៣៧ ក្រ៣ ខ ចុះថ្ងៃទី០២ ខែឧសភា ឆ្នាំ២០១៩ របស់សាលាដំបូងរាជធានីភ្នំពេញ ។
លុះនៅវេលាម៉ោង១៧ និង០៥ នាទីថ្ងៃខែឆ្នាំដដែល កម្លាំងសមត្តកិច្ចបានបន្តស្រាវជ្រាវ និងឃាត់ខ្លួនជនសង្ស័យឈ្មោះ ប៉ុល ខួចចិន្តា នៅចំណុចបន្ទប់ជួល ផ្លូវលេខ៩៣ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ដកហូតវត្ថុតាង ១.ម៉ូតូ០១គ្រឿងម៉ាក YAMAHA XRIDE ពណ៌ខ្មៅ (ឡើងតែមពណ៌ប្រផេះ) ស៊េរីឆ្នាំ២០១៩ ពាក់ស្លាកលេខ ភ្នំពេញ 1HN-9870 (ស្លាកលេខមិនប្រក្រតី) ២.កាបូបស្ពាយ ពណ៌ខ្មៅ របស់ជនរងគ្រោះដែលនៅក្នុងការបូបនោះ មានទុកកាបូបលុយពណ៌ផ្កាឈូកចំនួន០១ អត្តសញ្ញាណប័ណ្ណសញ្ជាតិអេស្ប៉ាញចំនួន០១សន្លឹក និងកាតធនាគារចំនួន០៤ សន្លឹក ។
ក្រោយពីទទួលបាន និងពិនិត្យលើសំណុំរឿងនេះ តំណាងអយ្យ ការសម្រេចចោទប្រកាន់លើជនសង្ស័យខាងលើ ពីបទ.លួចមានស្ថានទម្ងន់ទោស(ការមិនរាងចាលក្នុងបទឧក្រិដ្ឋ)បទ.ប្រើប្រាស់ស្លាកលេខសម្គាល់យានជំនិះក្លែងក្លាយ និងបទ.ប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចផ្លូវលេខ១០៦ កែងផ្លូវលេខ១៣ សង្កាត់វត្តភ្នំ ខណ្ឌពេញ រាជធានីភ្នំពេញ កាលពីថ្ងៃទី១៥ ខែមីនា ឆ្នាំ២០២៥ បទល្មើសដែលមានបញ្ញត្តិឲ្យផ្តន្ទាទោសតាមមាត្រា ៨៥ មាត្រា ៣៥៣ មាត្រា ៣៥៧ នៃក្រមព្រហ្មទណ្ឌ មាត្រា ៧៨ នៃច្បាប់ស្តីពីចរាចរណ៍ផ្លូវគោក និងមាត្រា ៤៥ នៃច្បាប់ស្តីពីការត្រួតពិនិត្យគ្រឿងញៀន ។
អ្នកនាំពាក្យអយ្យការអមសាលាដំបូងរាជធានីភ្នំពេញ សូមបញ្ជាក់បន្ថែមជូនសាធារណជនមេត្តាជ្រាបថា ៖ ជនសង្ស័យខាងលើបានប្រព្រឹត្តអំពើមិនរាងចាលក្នុងបទឧក្រិដ្ឋ ហើយផ្អែកតាមច្បាប់អាចនិងផ្តន្ទាទោសដាក់ពន្ធនាគារ រហូតដល់២០ ឆ្នាំ ។ ជនសង្ស័យត្រូវបានតុលាការសម្រេចឃុំខ្កួនដាក់ពន្ធនាគារជាបណ្តោះអាសន្ន ដើម្បីរង់ចាំសវនាការតាក់ទោសទៅតាមផ្លូវច្បាប់ ។
សូមជម្រាបថា ៖ ក្រោយពីកើតមានសកម្មភាពចោរឆក់កាបូបស្ពា យជនបរទេស គឺ Christ និងគូដណ្តឹង ដែលជាអ្នកលេងបណ្តា ញសង្គមហ្វេសប៊ុកល្បីល្បាញម្នាក់ កាលពីសៀលថ្ងៃទី១៥ ខែ មីនា ឆ្នាំ២០២៥ ស្ថិតនៅសង្កាត់វត្តភ្នំពេញ ខណ្ឌដូនពេញ រាជ ធានីភ្នំពេញ ដូចដែលព័ត៌មានបានបង្ហោះព្រោងព្រាត អំពើចោរ ឆក់នោះកើតឡើងមិនបានមួយដង្ហើមចង្រិតផង មុននេះបន្តិចប្រមាណជាង៥ ម៉ោងក្រោយមក ក៏ត្រូវបានកម្លាំងសមត្តកិច្ចនាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ តាមក្របួចទាន់ពេលវេលា ។
នៅពេលសមត្តកិច្ចក្របួចចោរឆក់ម្នាក់នោះបានភ្លាម ផេកហ្វេស ប៊ុករបស់នាយកដ្ឋាននគរបាលព្រហ្មទណ្ឌបានបង្ហោះរូបភាព និងខ្លឹមសារពីស្នាដៃបង្ក្រាបយ៉ាងដូច្នេះថា ៖
កម្លាំងនាយកដ្ឋាននគរបាលព្រហ្មទណ្ឌ បង្ក្រាបបានហើយជនដៃដល់ឆក់កាបូបគូដណ្ដឹងលោក Christ ដែលជា Vlogger ល្បីឈ្មោះ ។ ជនដៃដល់ត្រូវចាប់ខ្លួនបាននៅថ្ងៃទី១៥ ខែមីនា ឆ្នាំ២០២៥ វេលាម៉ោង១៦ និង៥៥នាទី ដែលកម្លាំងជំនាញដឹក នាំដោយលោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយក ដ្ឋាន ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ។
ជនដៃដល់ត្រូវចាប់ខ្លួនបាននៅចំណុចបន្ទប់ជួល ផ្លូវ៩៣ ក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ដែលបានធ្វេីសកម្មភាពឆក់កាបូបស្ពាយពីស្ត្រីជនបរទេសកំពុងដេីរបានសម្រេច នៅត្រង់ចំណុចផ្លូវលេខ១០៦ កែងផ្លូវលេខ១៣ ខណ្ឌ ដូនពេញ។ បច្ចុប្បន្នកម្លាំងជំនាញនាំជនសង្ស័យខាងលេីមកនាយកដ្ឋាននគរបាលព្រហ្មទណ្ឌ ដើម្បីធ្វើការសាកសួរតាមនីតិវិធី ។ នៅវេលាម៉ោង១២ និង៤០នាទី ថ្ងៃទី១៥ ខែមី នា ឆ្នាំ២០២៥ នៅចំណុចផ្លូវ១០៦ កែងផ្លូវលេខ១៣ សង្កាត់វត្តភ្នំ រាជធានីភ្នំពេញ មានករណីចោរឆក់កាបូបស្ពាយពីជនបរទេស យកបានសម្រេច ក្នុងកាបូបនោះមានឯកសារសំខាន់ៗ ជាច្រើន រួមមានប៉ាស្ព័រ កាតធនាគារ និងលុយកាក់ ។
ក្រោយកើតហេតុលោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ បានបញ្ជាទៅកម្លាំងនគរបាលមូល ដ្ឋានឲ្យទៅជួបជនរងគ្រោះ ដើម្បីណែនាំឲ្យពួកគាត់ទៅដាក់ពាក្យបណ្តឹង ហើយក៏បានឲ្យកម្លាំងជំនាញចុះស្រាវជ្រាវមុខសញ្ញានោះជាបន្ទាន់ផងដែរ ។
លុះប៉ុន្មានម៉ោងក្រោយនារសៀលថ្ងៃដដែល លោកឧត្តមសេនីយ៍ ឯក ជួន ណារិន្ទ បានបញ្ជាក់ទៀតថា ជនល្មើសត្រូវបានកម្លាំងនគរបាលរបស់លោក សហការជាមួយកម្លាំងនគរបាលនាយក ដ្ឋានព្រហ្មទណ្ឌ ចាប់ខ្លួនបានហើយ ជនល្មើសម្នាក់នេះជាមុខសញ្ញាចាស់ ។ ក្រោយការចាប់ខ្លួនជនសង្ស័យកម្លាំងនគរបាលក៏បានធ្វើការដកហូតទ្រព្យសម្បត្តិរបស់ជនរងគ្រោះមកវិញដែរ ។ ជនសង្ស័យឈ្មោះ កែវ ខួចចិន្តា ។
សូមជម្រាបទៀតថា ករណីចោរឆក់កាបូបស្ពាយរបស់ជនបរ ទេស ដែលជាភ្ញៀវទេសចរខាងលើនេះ បានធ្វើឲ្យកកើតលើបណ្តាញសង្គមមានការបញ្ចេញមតិខុសៗ គ្នា ដោយគេមានការចាប់អារម្មណ៍ និងស្គាល់ថា ជា Vlogger ដ៏ល្បីមួយរូបលើបណ្ដាញសង្គម YouTube, Facebook និង Instagram ដែលលោកបានជួយផ្សព្វផ្សាយព័ត៌មានល្អៗ ការអភិវឌ្ឍន៍រីក ចម្រើន របស់រាជរដ្ឋាភិបាលប្រទេសកម្ពុជាយ៉ាងច្រើន ។
អ្នកលេងបណ្តាញសង្គមខ្លះលើកឡើង ស្នើសុំឲ្យសមត្តកិច្ចស្រាវ ជ្រាវតាមចាប់ខ្លួនចោរឆក់កាបូបស្ពាយរបស់លោក Chris ឲ្យខាង តែបាន ដើម្បីកុំឲ្យមានពាក្យថាកម្ពុជាអសន្តិសុខ ជៀសវាងភ្ញៀវបរទេសមិនហ៊ានចូលមកទេសចរណ៍ ។ ប៉ុន្តែទីបំផុតចោរមិនបានមួយដង្ហើមចង្រិតផង ចោរមុខសញ្ញាចាស់ដាច់យ៉ៃត្រូវជាជុច ៕
ចែករំលែកព័តមាននេះ