ប្រជាពលរដ្ឋក្មេងចាស់ប្រុសស្រីនាំគ្នាអង្គុយលេងល្បែ.ងយ៉ាងពពាក់ពពូន អត់នាំគ្នាចេញទៅធ្វើការងារ ដើម្បីជីវភាពនោះទេ លុះពេលកម្លាំងនគរបាលស្រុកសាលាក្រៅ សហការជាមួយ
ខេត្តប៉ៃលិន ៖ ប្រជាពលរដ្ឋក្មេងចាស់ប្រុសស្រីនាំគ្នាអង្គុយលេងល្បែ.ងយ៉ាងពពាក់ពពូន អត់នាំគ្នាចេញទៅធ្វើការងារ ដើម្បីជីវភាពនោះទេ លុះពេលកម្លាំងនគរបាលស្រុកសាលាក្រៅ សហការជាមួយកម្លាំងប៉ុស្តិ៍រដ្ឋបាលនគរបាលរដ្ឋបាលសាលាក្រៅ ឆ្មក់ចុះទៅចាប់ឃាត់ខ្លួន ដើម្បីនាំមកអប់រំណែនាំនោះ ធ្វើឱ្យពលរដ្ឋភ័យនាំគ្នារត់ ដោយអ្នកខ្លះស្ទុះផ្លោះរបងរហែកខោអាវ ខ្លះទៀតធ្លាក់ទឹកស្រះ រហូតដាច់ស្បែកជើងរត់គេចខ្លួនបាត់ ហើយនៅសេសសល់មួយចំនួនត្រូវសមត្ថកិច្ចចាប់ឃាត់ខ្លួនបាន៩នាក់។
ហេតុការណ៍នគរបាលឆ្មក់ចុះបង្ក្រាបខាងលើនេះ បានកើតឡើងកាលពីវេលាម៉ោង០២រសៀល ថ្ងៃទី២០ ខែសីហា ឆ្នាំ២០២៣ ស្ថិតនៅក្នុងភូមិកំពង់ចម្លងក្រោម ឃុំសាលាក្រៅ ស្រុកសាលាក្រៅ ខេត្តប៉ៃលិន។
បើតាមប្រភពព័ត៌មានបានឱ្យដឹងថា ៖ បុរសស្ត្រីទាំង៩នាក់ដែលត្រូវនគរបាលចាប់ឃាត់ខ្លួនបាននោះ រួមមាន ៖ ទី១- ឈ្មោះ ឈុន ឡូ ភេទប្រុស អាយុ៥០ឆ្នាំ ជាកសិករ, ទី២- ឈ្មោះ ហៀប វ៉ា ភេទប្រុស អាយុ៤៧ឆ្នាំ ជាកសិករ, ទី៣- ឈ្មោះ ឆុន ប្រុញ ភេទប្រុស អាយុ៤៣ឆ្នាំ ជាកសិករ, ទី៤- ឈ្មោះ បុល បៀន ភេទប្រុស អាយុ២១ឆ្នាំ ជាកសិករ, ទី៥- ឈ្មោះ ស៊ាន ផា ភេទស្រី អាយុ៥២ឆ្នាំ ជាកសិករ, ទី៦- ឈ្មោះ កេស រីករាយ ភេទប្រុស អាយុ៤៣ឆ្នាំ ជាកសិករ, ទី៧- ឈ្មោះ ជា ភណ្ឌ័ ភេទប្រុស អាយុ៣៦ឆ្នាំ ជាកសិករ ចំណែក២នាក់ទៀតមិនត្រូវបានស្គាល់អត្តសញ្ញាណនោះទេ។
ប្រភពដដែលបន្តថា ចំពោះវត្ថុតាងដែលដកហូតបាន រួមមាន ៖ លុយចំនួន១៤,០០០រៀល, កន្ទេល០១ផ្ទាំង, បៀរ០១ហ៊ូ, ភួយសម្រាប់ក្រាល១ផ្ទាំង និងម៉ូតូចំនួន០២គ្រឿង។ បច្ចុប្បន្ន អ្នកលេងល្បែ.ងស៊ីសងបៀរទាំងអស់ខាងលើនេះ ត្រូវបានធ្វើការអប់រំណែនាំ និងធ្វើកិច្ចសន្យាឱ្យរាងចាល រួចអនុញ្ញាតអោយត្រឡប់ទៅផ្ទះវិញ៕
ចែករំលែកព័តមាននេះ