មកដឹង! ស្ថានភាពជំងឺលោកគ្រូព្រឹទ្ធាចារ្យ ក្បាច់គុនល្បុក្កតោ ស៊ាន គឹមសៀន ត្រូវបានបញ្ជូនចូលសង្គ្រោះបន្ទាន់នៅពេទ្យ
- ភ្នំពេញ
រាជធានីភ្នំពេញ ៖ គិតត្រឹមព្រឹកថ្ងៃអាទិត្យ ទី២០ ខែសីហានេះ ព្រឹទ្ធាចារ្យក្បាច់គុនល្បុក្កតោខ្មែរ ស៊ាន
រាជធានីភ្នំពេញ ៖ គិតត្រឹមព្រឹកថ្ងៃអាទិត្យ ទី២០ ខែសីហានេះ ព្រឹទ្ធាចារ្យក្បាច់គុនល្បុក្កតោខ្មែរ ស៊ាន គឹមសៀន ដែលបានធ្លាក់ខ្លួនឈឺ និងត្រូវបានបញ្ជូនចូលសង្គ្រោះបន្ទាន់ នៅមន្ទីរពេទ្យមិត្តភាពកម្ពុជា-ចិន ព្រះកុសម: កាលពីពាក់កណ្តាលខែសីហា ដោយសារអាការៈក្អួត ក្ដៅខ្លួន និងអស់កម្លាំងខ្លាំង។ តែនៅពេលនេះ លោកតាបានធូរស្រាល និងចាកចេញពីបន្ទប់សង្គ្រោះបន្ទាន់ហើយ។
បើតាមព័ត៌មានពីតេឡេក្រាមផ្លូវការរបស់នាយករដ្ឋមន្ត្រីកម្ពុជាឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានឱ្យដឹងថាស្ថានភាព លោកគ្រូតាក្រមាមាស ស្ថាបនិកចងក្រងក្បាច់គុនល្បុក្កតោ បានធូរស្រាលច្រើន ដោយទទួលបានការយកចិត្តទុកដាក់ដ៏ខ្ពង់ខ្ពស់ពីសំណាក់រាជរដ្ឋាភិបាល ដឹកនាំដោយសម្តេចតេជោ រួមជាមួយក្រុមគ្រូពេទ្យជំនាញក្នុងការព្យាបាល ធ្វើឱ្យស្ថានភាពជំងឺរបស់លោកគ្រូព្រឹទ្ធាចារ្យ បានធូរស្រាល និងចាកចេញពីបន្ទប់សង្គ្រោះបន្ទាន់ហើយ ។
ទន្ទឹមនឹងនេះ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក៏បានចាត់លោកជំទាវ ដាំ ដារីនី និងក្រុមការងារចុះសាកសួរសុខទុក្ខ និងនាំយកថវិកាមួយចំនួនចូលរួមឧបត្ថម្ភលោកគ្រូព្រឹទ្ធាចារ្យផងដែរ ។ លោកគ្រូព្រឹទ្ធាចារ្យ ស៊ាន គឹមសៀន និងក្រុមគ្រួសារ បានថ្លែងអំណរគុណយ៉ាងជ្រាលជ្រៅចំពោះឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ព្រមទាំងគោរពជូនពរ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ដ្រីនៃកម្ពុជា នីតិកាលទី ៧នៃរដ្ឋសភា បន្ដដឹកនាំព្រះរាជាណាចក្រកម្ពុជា ឆ្ពោះទៅកាន់សុខសន្តិភាព វឌ្ឍនភាព និងភាពសម្បូរសប្បាយរុងរឿងជានិច្ចនិរន្តរ៍តរៀងទៅ។
គួរបញ្ជាក់ផងដែរថា ព្រឹទ្ធាចារ្យក្រមាមាស សាន គឹមស៊ាន បានធ្វើទុក្ខនិងបញ្ជួនទៅសង្គ្រោះបន្ទាន់នៅមន្ទីរពេទ្យមិត្តភាពកម្ពុជា-ចិន ព្រះកុសម: កាលពីថ្ងៃទី ១៤ សីហា។ ពេលកំពុងធ្លាក់ខ្លួនឈឺនោះ លោកគ្រូតាក្រមាមាស ស្ថាបនិកចងក្រងក្បាច់គុនល្បុក្កតោ បានសម្តែងនូវក្តីបារម្ភក្នុងការចងក្រងគុនល្បុក្កតោមិនរួចរាល់ ខណៈសុខភាពរបស់លោកតាកាន់តែទ្រុឌទ្រោមទ្រុឌទ្រោមពីមួយថ្ងៃទៅមួយថ្ងៃ។
ព្រឹទ្ធាចារ្យក្រមាមាស សាន គឹមស៊ាន ប្រធានបណ្ឌិតសភាល្បុក្កតោកម្ពុជានិងជាអនុប្រធានសហព័ន្ធកីឡាគុនល្បុក្កតោកម្ពុជា ពីម្សិលមិញបានសម្ដែងការព្រួយបារម្ភពីបំណងចុងក្រោយនៃការចងក្រងឯកសារក្បាច់គុនល្បុក្កតោមិនរួចរាល់ ខណៈសុខភាពរបស់លោកកាន់តែទ្រុឌទ្រោមពីមួយថ្ងៃទៅមួយថ្ងៃ។ ព្រឹទ្ធចារ្យក្រមាមាស សាន គឹមស៊ាន ត្រូវបានគេចាត់ទុកថា គាត់ជាផ្នែកមួយដ៏សំខាន់ក្នុងការចូលរួមលើកស្ទួយផ្សព្វផ្សាយគុនបុរាណខ្មែរ «ល្បុក្កតោ» រហូតពិភពលោកស្គាល់និងល្បីល្បាញលើឆាកអន្តរជាតិ។
ទោះបីជាពេលនេះគាត់អាយុច្រើនហើយក្ដី តែលោកតាដែលមានវ័យ ៧៨ឆ្នាំហើយនោះ បានប្រើពេលវេលាដែលនៅសេសសល់ពីជីវិតរបស់គាត់ ដើម្បីខិតខំប្រឹងប្រែងលើកស្ទួយផ្សព្វផ្សាយនិងចងក្រងឯកសារគុនល្បុក្កតោ ដើម្បីវប្បធម៌ក្បាច់គុនបុរាណខ្មែរមួយនេះកាន់តែរីកចម្រើនទៅមុខ៕
ចែករំលែកព័តមាននេះ