រាជធានីភ្នំពេញ ៖ បន្ទាប់ពីរុកករគ្រា.ប់យុទ្ធភណ្ឌមិនទាន់ផ្ទុះអស់ពីបវិវេណសាលាវិទ្យាល័យព្រះមហាក្សត្រីកុសមៈ រាប់ពាន់គ្រា.ប់រួចមក កម្លាំងជំនាញស៊ីម៉ាក់បានដឹកយកគ្រា.ប់ទាំងអស់នោះទៅកម្ទេចចោលនៅថ្ងៃទី២០ ខែសីហា ឆ្នាំ២០២៣នេះ។ នេះបើតាមលោក ហេង រតនាអគ្គនាយកស៊ីម៉ាក់។
លោក ហេង រតនា ប្រតិភួរាជរដ្ឋាភិបាលទទួលបន្ទកអគ្គនាយកស៊ីម៉ាក់ បានសរសេរនៅលើបណ្តាញសង្គមយ៉ាងដូច្នេះថា «ថ្ងៃសៅរ៍ ថ្ងៃទី១៩ ខែសីហា ឆ្នាំ២០២៣នេះ អង្គភាពស៊ីម៉ាក់ បានបោសសម្អាតគ្រា.ប់យុទ្ធភណ្ឌមិនទាន់ផ្ទុះ សំណល់សង្គ្រាម ដែលកប់ក្នុងដីនៃបរិវេណសាលាវិទ្យាល័យព្រះមហាក្សត្រីកុសមៈ ស្ថិតនៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះនោះ កម្លាំងជំនាញអង្គភាពស៊ីម៉ាក់ សម្រេចបោសសម្អាត និងដោះស្រាយកង្វល់គ្រា.ប់មិនទាន់ផ្ទុះនៅក្នុងបរិវេណសាលានេះបញ្ចប់ជាស្ថាបពរនៅថ្ងៃនេះ»។
លោកបញ្ជាក់ថា «ថ្ងៃអាទិត្យនេះ (ថ្ងៃទី២០ ខែសីហា) នឹងដឹកជញ្ជូនគ្រា.ប់មិនទាន់ផ្ទុះទាំងអស់ទៅកម្ទេចចោល»។
ជាមួយគ្នានោះដែរ លោកក៏បានសូមលោកគ្រូអ្នកគ្រូ និងក្មួយៗសិស្សានុសិស្ស ព្រមទាំងប្រជាពលរដ្ឋនៅក្រុងក្រចេះ បញ្ជូនកូនចៅចូលរៀនវិញជាធម្មតានៅថ្ងៃច័ន្ទ ទី២១ ខែសីហា ឆ្នាំ២០២៣ ស្របតាមការជូនដំណឹងរបស់លោកនាយកសាលា និងមន្ទីរអប់រំខេត្ត។
លោកអគ្គនាយករដ្ឋមន្ត្រីបានបញ្ជាក់ថា កិច្ចប្រតិបត្តិការនេះ សម្រេចលទ្ធផលប្រមូលគ្រា.ប់មិនទាន់ផ្ទុះ គ្រា.ប់ប្រភេទបានចំនួន២.២៨៦គ្រា.ប់។ ឆ្លៀតឱកាសនេះ លោកសូមអរគុណចំពោះថ្នាក់ដឹកនាំខេត្ត ក៏ដូចលោកគ្រូអ្នកគ្រូ កងកម្លាំងនគរបាល និងប្រជាពលរដ្ឋដែលបានគាំទ្រដល់កិច្ចប្រតិបត្តិការនេះ ដោយបានអញ្ជើញទៅសួរសុខទុក្ខ និងយកអំណោយជានំចំណី ផ្លែឈើ និងទឹកភេសជ្ជៈ ទៅជូនកងកម្លាំងដែលបានបំពេញប្រតិបត្តិការនៅទីនោះ៕
ចែករំលែកព័តមាននេះ