ប្រជាពលរដ្ឋមានការព្រួយបារម្ភជាខ្លាំងនូវការបាត់បង់ដីអាងមេទឹកចន្លក់បិទមាសសាធារណៈរបស់រដ្ឋទំហំ៣៤ហិកតា ស្ថិតនៅក្នុងភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង ធ្លាក់ទៅលើកម្មសិទ្ធិបុគ្គល។ ខណៈមានអ្នកគួកជេដីចំនួន៣នាក់
ខេត្តព្រៃវែង ៖ ប្រជាពលរដ្ឋមានការព្រួយបារម្ភជាខ្លាំងនូវការបាត់បង់ដីអាងមេទឹកចន្លក់បិទមាសសាធារណៈរបស់រដ្ឋទំហំ៣៤ហិកតា ស្ថិតនៅក្នុងភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង ធ្លាក់ទៅលើកម្មសិទ្ធិបុគ្គល។ ខណៈមានអ្នកគួកជេដីចំនួន៣នាក់ លួ.ចដាក់ត្រាក់ទ័រទៅឈួសឆាយរុញព្រៃភ្ជួររាស់ដីក្នុងអាងជាបន្តបន្ទាប់។
បើតាមប្រភពព័ត៌មាន បានអោយដឹងថា ដីអាងស្តុបទឹបមេទឹកចន្លក់បិទមាសនេះ កើតមានឡើងតាំងពីដូនតាមកម្ល៉េះ មានទំហំផ្ទៃក្រឡាសរុបចំនួន៣៤ហិកតា ដែលមានសារៈសំខាន់ខ្លាំងណាស់សម្រាប់បងប្អូនប្រជាជនអាស្រ័យផល ដូចជា ៖ បូមទឹកស្រោចស្របដំណាំស្រូវ,កាប់អុស, រកនេសាទត្រី។ល។ ដើម្បីញ្ចឹមជីវិត។ ស្រាប់តែឥឡូវនេះ មានឈ្មួញកណ្តាលចំនួន៣នាក់ ក្នុងនោះរួមមាន ៖ ទី១- ឈ្មោះ មឿន ស្រ៊ី, ទី២- ឈ្មោះ ណាក់ និងទី៣- ឈ្មោះ រ៉ាត់ រស់នៅភូមិព្រៃព្នៅ ឃុំព្រៃព្នៅ ស្រុកពារាំង ដោយមិនដឹងជាគេឃុបឃិតគ្នាយ៉ាងម៉េចនោះទេ បានជាហ៊ានដាក់គ្រឿងចក្រទៅឈួសឆាយរុញព្រៃជីក បៀរលើកក្រវ៉ាត់តាំងពីឆ្នាំទៅ រហូតមកទល់បច្ចុប្បន្ន។
មិនតែប៉ុណ្ណោះ ក្រុមឈ្មួញកណ្តាលទាំង៣នាក់ខាងលើនេះ បានគ្រប់គ្រងអាងមេទឹកនេះ ផ្តាច់មុខ សូម្បីតែប្រជាពលរដ្ឋចូលទៅអាស្រ័យផល រកនេសាទត្រី ក៏ក្រុមឈ្មួញកណ្តាលទាំង៣នាក់នោះ ហាមឃាត់មិនអោយប្រជាពលរដ្ឋចូលទៅរកត្រីបានដែរ ដោយអះអាងថា ជាដីកម្មសិទ្ធិរបស់ពួកគេ។
ប្រជាពលរដ្ឋសូមសំណូមពរដល់ថ្នាក់ដឹកនាំស្រុក-ខេត្ត ក្រសួងពាក់ព័ន្ធ មេត្តាជួយអន្តរាគមន៍ទប់ស្កាត់ផង ព្រោះដីស្រែប្រជាពលរដ្ឋនៅជុំវិញ ប្រើប្រាស់តម្រូវការទឹកជុំវិញអាងស្តុបមេទឹកចន្លក់បិទមាសនេះ រាប់រយហិកតា ចុះបើគេគ្រប់គ្រងធ្វើជាកម្មសិទ្ធិ តើអោយពលរដ្ឋសង្ឃឹមអ្វី? ជាពិសេសព្រៃក្នុងអាងនេះ ក៏ជាជម្រកសត្វគ្រប់ប្រភេទជ្រកពងបង្កាត់ពូជផងដែរ។
ជុំវិញបញ្ហាខាងលើ លោក ចេម ប្រា អភិបាលស្រុកពារាំង បានប្រាប់អោយដឹងតាមទូរស័ព្ទនាថ្ងៃទី១៨ ខែសីហា ឆ្នាំ២០២៣ នេះថា រូបលោកទើបឡើងកាន់តំណែងមិនបានដឹងទេ ចាំរូបលោកអោយមន្ត្រីជំនាញពាក់ព័ន្ធចុះទៅពិនិត្យមើល។
ចំណែកលោក ស៊ូ តុង មេឃុំព្រៃព្នៅ ក៏បានប្រាប់អោយដឹងដែរថា កាលពីរសៀលថ្ងៃទី១៨ ខែសីហា ឆ្នាំ២០២៣ រូបលោករួមជាមួយអាជ្ញាធរស្រុក បានចុះទៅពិនិត្យ តែម្ចាស់គ្រឿងចក្រទាំងនោះដឹងខ្លួនមុន បើករត់គេចបាត់អស់ និងបានហៅឈ្មួញមកធ្វើកិច្ចសន្យាផ្តិតមេដៃអោយបញ្ឈប់ជាបន្ទាន់នូវសកម្មភាពឈួសឆាយដីក្នុងអាងស្តុបទឹកសាធារណៈរបស់រដ្ឋរួចរាល់អស់ហើយ។ ឥឡូវនេះ បើនៅមានទៀត រូបលោកនឹងមានចំណាត់ការអោយខាងតែបាន ហើយចំពោះឈ្មួញឈ្មោះ មឿង ស្រ៊ី មិនពាក់ព័ន្ធទេ មានតែឈ្មោះរ៉ាត់ទេ នៅរឹងទទឹងមិនព្រមផ្តិតមេដៃ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ