ក្មេ.ងម្នាក់ស្រេកទឹកពេក លួចកាច់អំពៅ១ដើមក្នុងចំការ ត្រូវម្ចាស់ទាន់ចាប់វា.យដល់សន្ល.ប់
- ព្រៃវែង
ខេត្តព្រៃវែង ៖ ក្រោយមានការផ្សព្វផ្សាយនៅក្នុងបណ្តាញសង្គមហ្វេសប៊ុក មានករណីក្មេងប្រុសម្នាក់
ខេត្តព្រៃវែង ៖ ក្រោយមានការផ្សព្វផ្សាយនៅក្នុងបណ្តាញសង្គមហ្វេសប៊ុក មានករណីក្មេងប្រុសម្នាក់ ដោយសារស្រេកទឹកពេក បានចូលលួ.ចកាច់អំពៅគេក្នុងចំការ ហូបចំអែតក្រពះ តែត្រូវម្ចាស់គេទាន់ ចាប់វា.យនឹងអំពៅរហូតសន្ល.ប់ ពេលនេះត្រូវបានសមត្ថកិច្ចស្រាវជ្រាវរកឃើញហើយ។
ករណីខាងលើនេះបានកើតឡើងកាលពីវេលាម៉ោង៨និង១០នាទីយប់ថ្ងៃទី១៤ សីហា ឆ្នាំ២០២៣ នៅចំណុចភូមិដូង ឃុំបាបោង ស្រុកពាមរក៍ ខេត្តព្រៃវែង។
ក្មេងប្រុសខាងលើឈ្មោះ តឺយ ជន ភេទប្រុស អាយុ១៤ឆ្នាំ មានទីលំនៅក្នុងភូមិឃុំកើតហេតុ ។ ចំណែកម្ចាស់ចំការឈ្មោះ ហែល វាសនា ភេទប្រុស អាយុ៤២ឆ្នាំ មានទីលំនៅក្នុងភូមិឃុំជាមួយគ្នា។
យោងតាមការរៀបរាប់របស់ក្មេងរងគ្រោះបានឱ្យដឹងថា នៅយប់ថ្ងៃទី១៤ សីហានោះ រូបគេនិងមិត្តភក្តិម្នាក់ទៀត បានទៅដើរលេងនៅក្បែចំការអំពៅ គាប់ជួនពេលនោះរូបគេស្រេកទឹកពេក ក៏ចូលកាច់អំពៅបានមួយដើមយកមកហូប បំបាត់ស្រេកទឹក តែពេលកំពុងហូបក៏ត្រូវម្ចាស់ចម្ការមកទាន់ចាប់បាន ហើយយកដើមអំពៅវា.យរូបគេ បាក់អំពៅអស់២ដើម រហូតរូបគេទ្រោមខ្លួនសន្ល.ប់តែម្តង ។ ចំណែកមិត្តភក្តិម្នាក់ទៀត ពេលឃើញម្ចាស់ចំការវា.យរូបគេបែបនេះ ក៏រត់ទៅប្រាប់ឪពុកម្តាយគេនៅផ្ទះ លុះពេលមកដល់ឃើញកូនសន្ល.ប់ ក៏យកកូនទៅព្យាបាលនៅមន្ទីរពេទ្យភ្លាមៗតែម្តង ដោយមិនបានប្តឹងសមត្ថកិច្ចនោះទេ។
រហូតមកដល់ល្ងាចថ្ងៃទី១៦ សីហា ក្រោយឃើញមានការបង្ហោះរូបភាព និងរឿងរ៉ាវនេះនៅក្នុងបណ្តាញសង្គមហ្វេសប៊ុក ទើបធ្វើអោយមានការភ្ញាក់ផ្អើលដល់សមត្ថកិច្ចចុះទៅស្រាវជ្រាវ រហូតឈានដល់ការឃាត់ខ្លួនម្ចាស់ចំការអំពៅ យកមកកាន់អធិការដ្ឋាននគរបាលស្រុកពាមរក៍ កសាងសំណុំរឿងនិងចាត់ការបន្តទៅតាមនីតិវិធី។
បច្ចុប្បន្ន ម្ចាស់ចំការអំពៅត្រូវបានឃាត់ខ្លួន និងបញ្ជូនទៅកាន់ស្នងការដ្ឋាននគរបាលខេត្តព្រៃវែងហើយ ដើម្បីចាត់ការបន្តទៅតាមនិតិវិធី ចំណែកក្មេងប្រុសរងគ្រោះកំពុងសំរាកព្យាបាលនៅគ្លីនិកឯកជនមួយកន្លែងក្នុងសង្កាត់បារាយណ៍ ក្រុងព្រៃវែង ហើយស្ថានភាពរបួសបានធូរស្រាលច្រើនហើយ។
ជាមួយគ្នានេះដែរ លោកស្រី សេង ទៀង អភិបាលស្រុក និងសហការី បានទៅសួរសុខទុក្ខក្មេងប្រុសរងគ្រោះ ដល់មន្ទីរពេទ្យ និងបានឧបត្ថម្ភថវិកា ៤០០.០០០រៀលផងដែរ ៕
ចែករំលែកព័តមាននេះ