រាជធានីភ្នំពេញ ៖ កម្លាំងនគរបាលខណ្ឌកំបូលបានធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យបានចំនួន០៦នាក់ ក្រោយពេលក្រុមនេះធ្វើសកម្មភាពធាក់ផ្ដួលនារីម្នាក់ប្លន់ម៉ូតូ១គ្រឿង ប៉ុន្តែមិនបានសម្រេច បណ្ដាលឲ្យជនរងគ្រោះដួលរងរបួស បន្ទាប់មកក្រុមជនសង្ស័យគេចខ្លួនបាត់អស់ តែបានត្រឹមរយៈពេល១០ម៉ោងប៉ុណ្ណោះ ក៏ជាប់អន្ទាក់នគរបាលតែម្ដង ។…
រាជធានីភ្នំពេញ ៖ កម្លាំងនគរបាលខណ្ឌកំបូលបានធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យបានចំនួន០៦នាក់ ក្រោយពេលក្រុមនេះធ្វើសកម្មភាពធាក់ផ្ដួលនារីម្នាក់ប្លន់ម៉ូតូ១គ្រឿង ប៉ុន្តែមិនបានសម្រេច បណ្ដាលឲ្យជនរងគ្រោះដួលរងរបួស បន្ទាប់មកក្រុមជនសង្ស័យគេចខ្លួនបាត់អស់ តែបានត្រឹមរយៈពេល១០ម៉ោងប៉ុណ្ណោះ ក៏ជាប់អន្ទាក់នគរបាលតែម្ដង ។
ហេតុការណ៍នេះបានកើតឡើង កាលពីវេលាម៉ោងប្រមាណ៩យប់ថ្ងៃទី១៩ ខែធ្នូ ឆ្នាំ២០២៥ នៅតាមផ្លូវបេតុង ស្ថិតនៅក្នុងភូមិអង្គត្រគៀត សង្កាត់កន្ទោក ខណ្ឌកំបូល រាជធានីភ្នំពេញ ។
នគរបាលប្រាប់ថា នារីរងគ្រោះ ឈ្មោះ ព្រី នោតអានី អាយុ២០ឆ្នាំ មុខរបរបុគ្គលិកក្រុមហ៊ុន ស្នាក់នៅផ្ទះលេខ៧៥ ផ្លូវលេខ១១ បុរីពិភពថ្មីគម្រោង១ ភូមិស្ងួនពេជ្រ សង្កាត់កន្ទោក ខណ្ឌកំបូល ។
ដោយឡែកជនសង្ស័យទាំង៦នាក់នោះរួមមាន១.ឈ្មោះ រ៉ាត់ មករា ភេទប្រុស អាយុ១៨ឆ្នាំ ២.ឈ្មោះ ហូយ សង្ហា ភេទប្រុស អាយុ១៨ឆ្នាំ ៣.ឈ្មោះ ឆុន លីហីម ភេទប្រុស អាយុ ១៨ឆ្នាំ ជនទាំង៣នាក់នះស្នាក់នៅភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល ។ ៤.ឈ្មោះ ស្រុន សុខនៅ ភេទប្រុស អាយុ ១៨ឆ្នាំ ស្នាក់នៅភូមិត្រាញ់តាបាញ់ សង្កាត់ភ្លើងឆេះរទេះ ខណ្ឌកំបូល ។ ៥.ឈ្មោះ ផន សំរ៉ុង ភេទប្រុស អាយុ ១៨ឆ្នាំ ៦.ឈ្មោះ សារិ ម៉េង ភេទប្រុស អាយុ ១៨ឆ្នាំ ជន២នាក់នេះស្នាក់នៅភូមិកន្ទោកត្បូង សង្កាត់កន្ទោក ខណ្ឌកំបូល ។
នគរបាលប្រាប់ឲ្យដឹងបន្តថា នៅវេលាយប់ថ្ងៃកើតហេតុនារីរងគ្រោះបានជិះម៉ូតូ១គ្រឿងម៉ាកហុងស្កូបពីពណ៍ស ពាក់ស្លាកលេខភ្នំពេញ1LY-3906 ចេញពីធ្វេីការត្រលប់ទៅផ្ទះ ដោយធ្វើដំណើរតាមបណ្ដោយផ្លូវជាតិលេខ៣ ។ លុះពេលទៅដល់ត្រង់ចំណុចមុខច្រកចូលវត្តអង្គត្រៀត ស្រាប់តែមានជនសង្ស័យ(ក្មេងទំនេីង)មួយក្រុម ខាងលើដេញតាមធាក់ផ្ដួល បណ្ដាលឲ្យដួលរងរបួសក្នុងបំណងប្លន់យកម៉ូតូ ប៉ុន្តែខណៈនោះប្លន់មិនបានសម្រេច ដោយសារតែ គរបាលស្ថិតនៅជិតនោះជួយអន្តរាគមន៍ទាន់ ហើយជនសង្ស័យបានគេចខ្លួនបាត់អស់ ។
នគរបាលបានបញ្ជាក់ថា ក្រោយពេលកើតហេតុនគរបាលខណ្ឌកំបូលបានធ្វើការស្រាវជ្រាវ ហើយរយៈពេល១០ម៉ោងក្រោយមកគឺនៅថ្ងៃទី២០ ខែធ្នូ ឆ្នាំ២០២៥ វេលាម៉ោង១២និង៣០នាទីថ្ងៃត្រង់ ទើបកំណត់បានមុខសញ្ញាជនសង្ស័យទាំងនោះបាន ។ បន្ទាប់មកបានធ្វើការឃាត់ខ្លួនបានជាបន្តបន្ទាប់ចំនួន៦នាក់ រួចនាំទៅកាន់អធិការដ្ឋាននគរបាលខណ្ឌកំបូល ដើម្បីធ្វើការសាកសួរនិងកសាងសំណុំរឿងបញ្ជូលទៅកាន់សាលាដំបូងរាជធានីភ្នំពេញចាត់ការតាមនីតិវិធីច្បាប់ ៕
ចែករំលែកព័តមាននេះ